II Tim 1:7 - Sơ̆p Hlabơar Nơ̆r 'Bok Kei-Dei

⁷ 'Bok Kei-Dei ăn kơ bơ̆n Yang Bơhngol 'Lơ̆ng Sư. Na Yang Bơhngol 'Lơ̆ng ưh kơ wă ăn kơ bơ̆n jơhngơ̆m lêl ôh, Sư ăn kơ bơ̆n jơhngơ̆m nuih kơtang. Sư ăn kơ bơ̆n gơh 'mêm kơ 'Bok Kei-Dei păng bôl buăl bơ̆n mơ̆n păng ăn kơ bơ̆n jơhngơ̆m chơ̆n tơpă.

II Tim 1:7 交叉參考

Horiso 119:80

Apinh Ih ăn kơ jơhngơ̆m inh gơh 'lơ̆ng tơpăt lăm Khôi juăt Ih; wă kơ inh huay kơ mơlâu.

Tơdrông Pơđơk 2:7

Sư 'măn tơdrong gơh hơgei kơ bơngai tơpăt; Sư boih jing khêl pĕng kơ lu bơngai yak năm tơdrong trŏ.

Tơdrông Pơđơk 8:14

Tơdrong pơgơ̆r, gơh hơgei noh gah Inh. Inh đei pran kơtang.

Êsai 11:2

Yang Bơhngol Kră Yang gô oei kơpal Sư, Yang Bơhngol ăn kơ sư đei đon gơh hơgei păng mơsêh mơyang, Yang Bơhngol ăn kơ sư hlôh băt păng hli yom kơ Kră Yang.

Mi 3:8

Mă-lei gah inh, inh 'bĕnh kơ tơdrong pran kơtang, tơdrong sek tơlang păng đei jơhngơ̆m nuih yua kơ đơ̆ng Yang Bơhngol 'Lơ̆ng Kră Yang, wă roi ăn kơ Jakôp gah tơdrong sư pơm yoch, roi ăn kơ Isơrael gah tơdrong yoch lu sư.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Luka 10:19

Inh ăn boih kơ iĕm gơh juă 'bih păng aguăt. Inh kư̆m ăn dôm tơdrong yang kơnê̆ thuơ kơ iĕm ngăl, ưh pă đei bu pơ̆n pơm kơ iĕm boih.

Luka 15:17

“Thoi noh sư 'blŏk hơdơ̆r, na sư khan: ‘Lu bơngai jang kơ 'bă inh đei sŏng sa phĭ rơkah rơkai, mă-lei inh 'nâu wă lôch ngôi kơ rơwĕt.

Luka 24:49

Inh gô ăn kơ iĕm Yang Bơhngol 'Lơ̆ng kư̆m thoi lĕ 'Bă Inh pơkă wă ăn kơ iĕm mơ̆n. Mă-lei iĕm athei oei tơ Pơlei Jêrusalem khŏm khŏm tơ̆p mă 'bôh Yang Bơhngol 'Lơ̆ng đơ̆ng plĕnh jur tơ iĕm 'mơ̆i, na iĕm jing pran hăm nuih tơpă chă bơtho đe.”

Luka 8:35

Na lu kon pơlei pơla năm lăng tơdrong noh lơliơ. Lu sư năm tơ Yêsu na 'bôh bơngai mă đêl yang mơ̆t ei oei ngôi 'bơ̆t jơ̆ng Yêsu. Sư hrŭk hơbĕn ao thoi lĕ bơngai hmă boih, ưh pă wơnh dơ̆ng. Na lu đe ei hli kơ Yêsu.

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Jang 26:11

Sơ̆ inh kư̆m ling-lang năm jơ̆p tơ lu hnam akŭm chă teh lu sư wă kơ lu sư achăng lê̆ gah tơdrong lui kơ Yêsu. Inh areh tơpă kơ lu sư na inh kư̆m năm tơ pơlei dêh char nai wă pơm kơnê̆ kơ lu sư.

Jang 26:25

Pôl khan kơ sư: “Ơ Phêtus, inh ưh kơ wơnh ôh. Inh pơma ưh kơ sĭ thoi bơngai suai sik ôh, inh pơma tơpăt thoi bơngai hơdrăl.

Jang 6:8

'Bok Kei-Dei kư̆m tơgŭm 'bok Êtien jing pran pơm lơ tơdrong mơsêh mơyang 'bơ̆t anăp đe kon pơlei pơla.

Jang 9:22

Sôl bơtho rai đunh rai hơgei na lu bơngai Juđê oei tơ Pơlei Đamas ưh pă gơh pơjah ôh. Sư bơtho khan Yêsu boih 'Bok Krist mă 'Bok Kei-Dei ăn wă kơ pơgơ̆r bơ̆n.

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Rom 8:15

Ưh kơ sĭ 'Bok Kei-Dei ăn Yang Bơhngol 'Lơ̆ng wă kơ bơ̆n jing bơngai đĭch, dah wă kơ bơ̆n oei hli ôh. Sư ăn kơ bơ̆n Yang Bơhngol 'Lơ̆ng wă kơ bơ̆n jing kon Sư. Thoi noh na bơ̆n gơh krao kơ 'Bok Kei-Dei Aba, 'Bă bơ̆n.

I Kor 2:4

Mă-lei inh ưh kơ bơtho kiơ̆ kơ 'bơ̆r đon inh hơgei ôh. Đơ̆ng Yang Bơhngol 'Lơ̆ng 'Bok Kei-Dei tơgŭm inh bơtho na iĕm gơh lui hloi.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Kôlôsê 1:8

Sư roi kơ nhôn tơdrong Yang Bơhngol 'Lơ̆ng oei hăm iĕm, pơm kơ iĕm băt 'mêm băl tơduă bơngai lui.

Hêbrơ 2:15

Sư pơklaih kon bơngai đơ̆ng pơm đĭch yang sơmăt. Sơ̆ kon bơngai đĭch yang sơmăt ling-lang, lu sư hli dêh kơ tơdrong lôch.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

I Yo 4:18

Bơngai bu 'mêm kơ 'Bok Kei-Dei tơpă, bơngai 'noh huay kơ hli kơ 'Bok Kei-Dei ôh. Thoi noh na bơngai bu oei hli, bơngai 'noh tam mă 'mêm kơ 'Bok Kei-Dei mă tơpă, yua kơ bơngai 'noh sư hli kơ 'Bok Kei-Dei wă phak sư ning-mônh.