II Sam 8:3 - Sơ̆p Hlabơar Nơ̆r 'Bok Kei-Dei

³ Đawit blah Hadadêser kon tơdăm pơtao Rêhôp dêh Sôba; kơplah pơtao 'nâu oei wă năm lăm tơring đak Krong Ơphrat wă pơdơ̆ng ming 'blŏk kơ tơdrong sư pơgơ̆r.

II Sam 8:3 交叉參考

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

II Sam 10:15

Lu linh Siri 'bôh sư blah jei lu linh bơngai Isơrael, na pơtơm akŭm pơpôi băl dơ̆ng.

II Sam 10:16

Pơtao Hadadêser wơh bơngai năm akŭm linh Siri mă oei tơ pah to Krong Ơphrat; lu sư năm truh tơ pơlei Hêlam, đei Sobak pơm yŏng linh pơgơ̆r linh Hadadêser.

II Sam 10:19

Na đĭ-đăng lu pơtao kiơ̆ pơtao Hadadêser 'bôh khŭl linh Siri thuơ kơ lu linh bơngai Isơrael, na lu sư apinh lung pơm hiôk hăm lu bơngai Isơrael păng mơ̆t khŭl lu bơngai Isơrael. Lu linh Siri pă pơ̆n dŏng lu kon pơlei Ammôn dơ̆ng.

II Sam 10:6

Kon pơlei Ammôn băt kơ lu sư pơm wă kơ Đawit blĕk, na wơh bơngai năm mưng iŏk kon pơlei Siri oei tơ pơlei Bêtrêhot păng tơ Sôba dang 'bar-jĭt rơbâu 'nu linh, na mưng iŏk đơ̆ng pơtao Maaka minh-rơbâu 'nu linh, păng mơjĭt-'bar rơbâu 'nu bơngai đơ̆ng pơlei Top.

II Sam 23:36

Igai kon drŏ-nglo Nathan đơ̆ng pơlei Sôba; Bani bơngai Gat; (kon Hagri)

I Pot 4:21

Pơtao Sôlômôn pơgơ̆r kon pơlei pơla lăm dêh char sư, iŏk đơ̆ng đak Krong Ơphrat truh tơ dêh char Philistin păng truh tơ hơdral Êyiptơ. Rim kơ teh đak chu bơ̆jang păng ra ăn kơ pơtao Sôlômôn truh đĭ chăl arih sư.

I Ho 18:3

Đawit tơblah hăm Hadadêser pơtao Sôba truh tơ pơlei Hamat, kơplah sư pơjing kơjăp tơdrong sư wei-lăng truh tơ đak Krong Ơphrat.

II Ho 8:3

Sôlômôn năm blah pơlei Hamat Sôba jei sư.

Horiso 60:1

Ơ Kră Yang 'Bok Kei-Dei! Ih achăng lê̆ lu nhôn, pă đei dŏng lu nhôn; Ih hil boih, apinh Ih tơiung lu nhôn dơ̆ng.

Horiso 72:8

Ăn kơ sư pơgơ̆r đơ̆ng đak dơsĭ âu truh tơ đak dơsĭ nai. Đơ̆ng krong âu truh tơ tôch teh đak.

Le 23:31

Inh gô chĕng hơdral iĕm iŏk đơ̆ng đak dơsĭ 'brê truh tơ đak dơsĭ Philistin, a đơ̆ng char glă truh tơ đak glung tih;b yua kơ inh gô pơjao adrĕch adrung 'noh lăm tơpang ti ih păng ih gô puh lu sư weh đơ̆ng anăp iĕm.

Both 11:24

Tơ anih ayơ tơpang jơ̆ng lu iĕm juă, tơ noh jing anih lu iĕm. Teh hơdral lu iĕm đơ̆ng char glă truh tơ Liban đơ̆ng Krong Ơphrat truh tơ dơsĭ gah bơmơ̆t.a

I Sam 14:47

Đơ̆ng rŏng kơ Sôl pơm pơtao pơgơ̆r teh đak Isơrael, na sư tơblah hăm bơngai ayăt kơ sư puăn pah, wă khan sư tơblah hăm bơngai Môap, Ammôn, Eđôm, lu pơtao Sôba păng hăm bơngai Philistin; sư tơblah tơ yơ, kư̆m jei sư ngăl.