II Sam 7:16 - Sơ̆p Hlabơar Nơ̆r 'Bok Kei-Dei

¹⁶ Adrĕch hnam ih ưh kơ đei khăi bơngai pơtrơp ih; Inh gô ăn tang-dŏ ih kơjăp khŏm khŏm. Păng dêh char pơtao ih oei kơjăp ling-lang khŏm khŏm.”

II Sam 7:16 交叉參考

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

II Sam 22:51

Kră Yang ăn tơdrong kĕ jei jơnei tih kơ pơtao mă Ih đei rơih iŏk. Kră Yang 'mêm kơ bơngai mă Kră Yang ăn kơ đe tuh đak pơgang 'bâu phu noh tơdrong 'mêm kơjăp, ưh kơ đei tơplih. Kră Yang 'mêm kơ Đawit păng adrĕch adrung sư, ling-lang ưh kơ đei layơ tôch.”

II Sam 7:13

Sư noh kơnh gô pơm hnam kơ anăn Inh oei păng Inh gô ăn kơ tang-dŏ dêh char pơtao sư kơjăp ling-lang.

II Sam 7:17

Nathan bơngai khan lê̆ adrol năm roi ăn kơ Đawit dôm nơ̆r Kră Yang pơma lăm tơdrong tơ'bôh kơ sư.

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

I Pot 9:5

lei Inh gô ăn kơ ih hơ-oei kơpal tang-dŏ pơtao pơgơ̆r lu bơngai Isơrael kơjăp ling-lang kiơ̆ thoi Inh đei pơkă hăm Đawit 'bă ih: “Ih ưh kơ kơ'bah kơ bơngai hơ-oei kơpal tang-dŏ pơtao pơgơ̆r lu bơngai Isơrael.”

II Pot 19:34

Yua kơ Inh hăm Đawit đĭch đam inh, na Inh gô dŏng pơklaih pơlei 'nâu.

II Pot 8:19

Mă-lei, Kră Yang mơnat yua kơ Đawit đĭch đam sư, na sư ưh kơ wă pơlôch pơrăm lê̆ adrĕch adrung Juđa ôh, yua kơ Sư pơkă wă 'măn minh pôm ŭnh kơđeng ăn kơ Đawit păng adrĕch adrung sư ling-lang khŏm khŏm.

II Ho 6:16

Dang ei, ơ Kră Yang 'Bok Kei-Dei Isơrael răk bĕ nơ̆r Ih đei pơkă boih hăm 'bă inh, Đawit đĭch đam Ih, thoi âu: “'Bơ̆t anăp Inh ưh kơ đei khăi ôh kơ bơngai pơtrơp pơm pơtao pơgơ̆r lu bơngai Isơrael tơdah kon sâu ih mă pơ'lơ̆ng trong lu sư yak, wei răk khôi juăt Inh, thoi ih đei pơm boih 'bơ̆t anăp Inh.”

Jop 36:7

Sư bơwei bơngai 'lơ̆ng tơpăt. Ăn kơ lu sư hơ-oei 'bơ̆t tang-dŏ pơgơ̆r thoi lu pơtao Ăn kơ lu sư đei đe pơyom ling-lang.

Horiso 45:6

Ơ Kră Yang 'Bok Kei-Dei, tang-dŏ pơtao Ih oei oei ling-lang. 'Long jra pơgơ̆r dêh char pơtao Ih, jing 'long jra pơgơ̆r tơpăt.

Horiso 72:5

Măt 'năr măt khei oei đei truh dang yơ. Lu sư kư̆m hli yom kơ Kră Yang dang noh, truh tơ lăm đĭ jơhnơr

Horiso 89:4

‘Inh gô tơiung adrĕch adrung ih kơjăp ling-lang hlŏng hloi, Păng ăn tang-dŏ pơtao kơjăp ling-lang hloi.’ ” Sêla

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Je 17:25

lei na lu pơtao hơ-oei tơ tang-dŏ pơtao Đawit gô hao gre aseh hao aseh hơdai hăm lu yŏng pơgơ̆r, lu bơngai Juđa hăm lu kon pơlei oei lăm Jêrusalem mơ̆t trong 'măng dur pơlei 'nâu; păng pơlei 'nâu oei đei bơngai oei ling-lang.

Je 33:17

Yua kơ Kră Yang khan: “Adrĕch Đawit ưh kơ đei khăi ôh bơngai drŏ-nglo pơtrơp oei tơ tang-dŏ pơtao adrĕch Isơrael.

Êsêkiên 37:25

Lu sư gô oei arih sa lăm char mă Inh ăn kơ Jakôp đĭch đam Inh char mă 'bok yă lu sư oei sơ̆. Lu sư, kon sâu lu sư, gô oei tơ noh ling-lang; đĭch đam Inh Đawit jing pơtao lu sư hlŏng hloi.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Mathiơ 16:18

Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.

Yo 12:34

Lu bơngai tơpôl lơ ei khan kơ Yêsu: “Nhôn đŏk lăng lăm sơ̆p hla bơar 'Bok Kei-Dei khan: 'Bok Krist arih ling-lang ưh kơ layơ lôch. Na Ih khan đe gô atol pơlôch Kon Bơngai tơ 'long pơglang. Kon Bơngai ei bu? Ưh kơ sĭ 'Bok Krist hă?”

Hêbrơ 1:8

Mă-lei gah Kon Sư kơdih khan thoi âu: “Ih Kră Yang tơoei kơpal tang-dŏ pơgơ̆r ling-lang ưh kơ layơ tôch; Ih pơgơ̆r 'lơ̆ng tơpăt.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.