II Sam 2:3 - Sơ̆p Hlabơar Nơ̆r 'Bok Kei-Dei

³ Đawit kư̆m chông ba lu bơngai kiơ̆ sư năm hăm hnam dơnŏ lu sư, năm mơ̆n na chă oei tơ lu pơlei lăm tơring Hêbrôn.

II Sam 2:3 交叉參考

I Ho 12:23

'Nâu lu bơngai linh năm tơ Hêbrôn, wă ăn teh đak Sôl kơ Đawit, kiơ̆ thoi nơ̆r Kră Yang.

I Sam 22:2

Kŭm đei lu bơngai pơmat-tat, lu bơngai hre đom păng lu bơngai đei jơhngơ̆m ơh sơ'ngon kư̆m wang jur akŭm hơdai hăm sư, na sư pơm kơ̆l lu đe ei; thoi noh lu sư đei dang puăn-hrĕng 'nu bơngai.

I Sam 30:1

Đawit hăm lu bơngai kiơ̆ sư truh tơ Siklak, lăm năr mă pêng kon pơlei Amalek truh boih tơ gah gơal kơ pơlei Siklak, blah soh pơđĭ pơrăm pơlei noh;