Hôsia 14:9 - Sơ̆p Hlabơar Nơ̆r 'Bok Kei-Dei

⁹ Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Hôsia 14:9 交叉參考

Tơdrông Pơđơk 10:29

Trong Kră Yang kơđông kơjăp kơ bơngai tơpăt. Mă-lei đei tơdrong răm lăm lu bơngai pơm kơnê̆.

Horiso 107:43

Lu bơngai mă hlôh wao gơh hơgei 'blŏk kơ tơdrong 'nâu. Păng tơchĕng răk tơdrong 'mêm Kră Yang.

Yo 8:47

Bơngai bu đơ̆ng 'Bok Kei-Dei, bơngai 'noh mơ̆ng nơ̆r 'Bok Kei-Dei. Iĕm ưh kơ mơ̆ng nơ̆r 'Bok Kei-Dei noh iĕm ưh kơ sĭ đơ̆ng 'Bok Kei-Dei ôh.”

Da 12:10

Gô đei lơ bơngai pơm kơdih akâu sư rơgoh jing kok păng đei pơhrăm pơmat. Mă-lei lu bơngai kơnê̆ kư̆ hrăn pơm kơnê̆; lăm lu bơngai khĕnh hơwĕng kơnê̆ dêh ưh kơ đei bu hlôh; mă-lei lu bơngai gơh hơgei gô hlôh.

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Je 9:12

Bơngai bu gơh hơgei kĕ băt hlôh kơ tơdrong 'nâu? Bơngai bu mă Kră Yang pơhrăm boih wă kơ sư tơblang tơdrong 'nâu? Liơ mă dêh char pơrăm đĭ jing juơ rơhiăng thoi lăm char glă, dĭng mah pă đei bơngai bu yak rok noh?

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Yo 18:37

Pilat jet dơ̆ng: “'Noh hăm trŏ Ih 'Bok Pơtao dah ưh?” Yêsu khan: “Trŏ boih ih khan Inh 'Bok Pơtao. Kơlih kơ minh tơdrong âu Inh tơpŭ tơ ala teh âu, wă bơtho tơdrong tơpăt. Bu mă kiơ̆ tơdrong tơpăt, sư mơ̆ng nơ̆r Inh pơma.”

Êsai 26:7

Trong lu bơngai 'lơ̆ng tơpăt jơ̆ tơpăt, ơ Kră Yang 'Lơ̆ng tơpăt, Ih pơm ăn trong kơ lu bơngai 'lơ̆ng tơpăt dơhnă hiôk.

Horiso 119:128

Yua kơ thoi noh, inh lăng đĭ-đăng nơ̆r Ih bơtho tơtă trŏ ngăl. Inh areh kơ trong tơdrong hơlĕnh.

Horiso 119:75

Ơ Kră Yang, inh băt tơdrong Ih sek tơlang tơpăt. Noh đơ̆ng tơdrong Ih tơpăt. Na Ih pơm kơ inh pơmat-tat.

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Rom 7:12

Dôm tơdrong mă 'Bok Kei-Dei pơkă, tơdrong 'lơ̆ng, tơdrong trŏ tơpă.

Yo 15:24

Đơ̆ng sơ̆ ưh kơ đei bu pơm tơdrong mơsêh mơyang dang Inh. Dah Inh ưh kơ pơm tơdrong mơsêh mơyang 'bơ̆t anăp lu sư wă tơbăt ăn kơ lu sư Inh đơ̆ng 'Bok Kei-Dei thoi krô hmă, lei lu sư ưh kơ hil kơ Inh ôh. Na dang ei lu sư 'bôh Inh păng 'bôh dôm tơdrong Inh pơm boih, na lu sư hil areh kơ Inh păng hil areh kơ 'Bă Inh mơ̆n. Lu sư chă tơdrong yoch tơpă.

Yo 9:39

Yêsu khan: “Inh jur tơ ala teh âu wă sek tơlang kon bơngai wă kơ dôm lu bơngai ưh kơ hlôh tơdrong 'Bok Kei-Dei, lu sư dang măt tol, gô hlôh; păng dôm lu bơngai khan sư hlôh mă-lei ưh kơ lui kơ Inh, na ăn lu sư jing ưh kơ hlôh dơ̆ng. Lu bơngai ei boih dang măt tol tơpă.”

Luka 7:23

Lu bơngai mă lui kơ Inh khŏm khŏm ưh kơ achăng lê̆ Inh, lu sư hiôk dêh.”

Luka 2:34

Đơ̆ng noh Simiôn apinh 'Bok Kei-Dei tơgŭm bre sư. Sư kư̆m khan kơ Mari thoi âu: “'Bok Kei-Dei ăn kơ bơ̆n kon nge âu wă tơgŭm lu bơngai Isơrael jing hiôk, mă-lei lu bơngai kuă kơ lui kơ Sư jing răm. Sư bơngai 'Bok Kei-Dei ăn wă tơgŭm bơ̆n ră mă-lei đei lơ bơngai gô pơjĭp pơjăm Sư. Yua kơ thoi noh na bơ̆n gô băt jơhngơ̆m lu đe ei kơnê̆ tơpă.

Mathiơ 11:19

Na gah Inh Kon Bơngai jur tơ teh âu, sŏng sa mơh 'nhot hơdai kon bơngai, na đe jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n. Mă-lei dah bơ̆n 'bôh đe jang 'lơ̆ng, bơ̆n băt kơ đe jang trŏ jang hơgei.”

Êsêkiên 18:25

Mă-lei lu iĕm khan: ‘Trong Kră Yang pơm ưh kơ tơpăt!’ Ơ lu adrĕch Isơrael, mơ̆ng bĕ! Trong Inh ưh kơ tơpăt dah trong lu iĕm ưh kơ tơpăt?

Êsai 1:28

Mă-lei lu bơngai blơ̆ blĕch păng lu bơngai yoch lu sư gô lôch hiong lu đe bu mă achăng tŭk Kră Yang lu sư gô hiong răm.

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Horiso 84:7

Lu sư yak năm tơ anăp lu sư rai pran kơtang dêh, Dĭng truh 'bơ̆t anăp Kră Yang 'Bok Kei-Dei tơ Siôn.

Horiso 84:5

Pŭn dêh kơ bu mă đei jơhngơ̆m pran lăm Ih, Păng đei jơhngơ̆m 'maih năm truh tơ Siôn!

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.

Tơdrông Pơđơk 16:21

Bu đei đon gơh hơgei đe jô̆ bơngai hlôh wao; Nơ̆r pơma rơngơp pơtrơp thim tơdrong hlôh băt.

Êsai 17:8

Lu sư gô ưh pă lăng tơ chơnang soi mă đêl ti lu sư pơm, păng kư̆m ưh pă lăng dơ̆ng ti lu sư pơjing kơdih, mă rup yang Arsêrim, păng chơnang soi lu sư soh 'long 'bâu phu.

Je 29:12

Kơplah lu iĕm năm krao chă Inh, krao apinh Inh, Inh gô tơl tơwih.

Êsêkiên 11:18

Lu sư gô brŏk truh tơ teh đak lu sư păng hŭt lê̆ dôm tơdrong mă Inh areh păng dôm tơdrong kơnê̆ 'mê̆-'mach krưp đơ̆ng anih noh.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Sa 10:6

Inh gô ăn kơ hnam Juđa jing pran păng dŏng pơklaih hnam Jôsep. Inh chông tơwih lu sư brŏk, yua kơ 'mêm mơnat kơ lu sư, lăng lu sư thoi Inh ưh tam layơ achăng lê̆ lu sư, yua kơ Inh Kră Yang lu sư, Inh gô tơl tơwih nơ̆r lu sư krao apinh.