Hôsia 14:2 - Sơ̆p Hlabơar Nơ̆r 'Bok Kei-Dei

² Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Hôsia 14:2 交叉參考

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

II Sam 24:10

Đơ̆ng rŏng kơ jô̆ kơ̆l kon bơngai đang boih, pơtao Đawit jơhngơ̆m sư ưh kơ hiôk păng khan kơ Kră Yang: “Kơkuh kơ Ih Kră Yang, inh đei pơm boih minh tơdrong kơtul bơlŭk păng yoch trăp. Dang ei inh apinh Kră Yang mơnat ăn kơ inh đĭch đam Ih.”

Jop 7:21

Yua kơ kiơ Ih ưh kơ mơnat ăn tơdrong yoch inh păng huay pă jô̆ tơdrong yoch inh. Ưh pă đunh bơih inh gô 'bĭch lăm 'mui teh; Ih gô chơchă inh, mă-lei pă đei inh bơih.”

Horiso 119:108

Ơ Kră Yang! Apinh Ih iŏk tơdrong bơnê pơyơ̆r kơ Ih đơ̆ng 'bơ̆r inh. Păng bơtho inh tơdrong juăt Ih.

Horiso 50:14

Pơyơ̆r nơ̆r bơnê ih kơ Kră Yang 'Bok Kei-Dei, păng pơkeh nơ̆r pơkă ih hăm Kră Yang Tih Hloh.

Horiso 51:16

Yua kơ Ih ưh kơ wă tơmam soi ră mă-lei inh pơyơ̆r boih. Lu tơmam soi 'buh Ih kư̆m ưh kơ lăp đon.

Horiso 51:17

Tơdrong pơm Yang lăp đon Kră Yang 'Bok Kei-Dei noh jơ̆ jơhngơ̆m pơchah. Ơ Kră Yang 'Bok Kei-Dei! Jơhngơ̆m tơbral pơchah Ih kư̆m ưh kơ pơdê.

Êsai 44:22

Inh sŭt lê̆ bơih tơdrong lu iĕm pơm yoch nhen thoi sŭt lê̆ hơmơ̆l, tơdrong yoch lu iĕm nhen thoi tŭk. Wơ̆t brŏk bĕ tơ Inh, yua kơ Inh huai iŏk lu iĕm bơih.”

Êsai 6:7

Sêraphim kep ngar noh 'bơm tơ 'bơ̆r inh, na khan: “Lăng âu tơmam âu hơtŭt 'bơm hơkŭng ih bơih, tơdrong kơnê̆ ih tŭk lê̆ bơih, tơdrong yoch ih mơnat ăn bơih.”

Je 3:12

Năm bĕ tơ gah yă-nơ̆m ră roi tơdrong 'nâu: Kră Yang khan: ‘Ơ Isơrael bơngai mă ưh kơ tơpăt, brŏk bĕ! Inh lăng tơ iĕm muh măt Inh huay pă thoi 'maih hil boih, yua kơ Inh băt 'mêm mơnat: Inh ưh pă hil ling-lang dơ̆ng boih,’ Kră Yang khan.

Hôsia 12:7

Lu bơngai Isơrael thoi bơngai mơdro chĕp 'long kŏng hơlĕnh lăm ti sư, sư 'maih chă sa pơgâm đe.

Hôsia 5:5

Tơdrong pơang lu bơngai Isơrael kơdranh blah lu sư; khŭl Isơrael, khŭl Êphraim gô pơ̆k huŏng yua kơ tơdrong yoch lu sư kơdih. Khŭl Juđa kư̆m gô pơ̆k huŏng hơdai hăm lu sư.

Hôsia 6:6

Inh wă kơ iĕm 'mêm mă sĭt, hloh kơ wă iĕm pơyơ̆r tơmam soi. Wă kơ iĕm băt kơ Kră Yang 'Bok Kei-Dei hloh, kơ wă ôh iĕm pơyơ̆r tơmam soi 'buh.

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Jôna 2:9

Mă-lei inh iŏk nơ̆r hơri bơnê păng iŏk tơmam soi pơyơ̆r kơ Ih; Inh gô pơkeh dôm nơ̆r inh mă đei pơkă boih. Tơdrong dŏng pơklaih đơ̆ng Kră Yang!

Sa 3:4

Linh jang khan kơ lu bơngai mă oei 'bơ̆t anăp sư thoi âu: “Plôh bĕ ao mơgrĭ noh đơ̆ng akâu sư.” Păng khan đơ̆ng kơ Jôsua thoi âu: “Lăng bĕ, Inh hŭt lê̆ boih tơdrong yoch kơnê̆ đơ̆ng ih.”

Mathiơ 7:11

Iĕm bơngai kơnê̆ ră mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, Sư asong ăn kơ bơ̆n tơmam 'lơ̆ng tơpă dôm lu bơngai mă krao khan apinh Sư, Sư ưh kơ kret ôh.

Luka 11:13

Iĕm bơngai kơnê̆ ră, mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, dah bơ̆n apinh Sư, Sư gô ăn kơ bơ̆n Yang Bơhngol 'Lơ̆ng tơpă.”

Luka 18:13

“Mă-lei bơngai mă chă iŏk jên thuê̆ noh oei ataih đơ̆ng bơngai Pharisi ei. Sư ưh kơ pơ̆n ngơk muh măt sư tơ plĕnh, mă-lei sư tŭr kơdih kơtơh păng khan: ‘Ơ 'Bok Kei-Dei, apinh Ih mơnat kơ inh 'biơ̆ yua kơ inh bơngai yoch.’ ”

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Rom 11:27

Na Inh gô pơklaih tơdrong yoch lu sư 'blep thoi Inh pơkă kơ lu sư sơ̆.”

II Tim 1:9

'Bok Kei-Dei pơklaih bơ̆n đơ̆ng tơdrong yoch. Sư krao iŏk bơ̆n wă kơ bơ̆n jing kon 'lơ̆ng tơpăt Sư. Sư krao bơ̆n ưh kơ sĭ bơ̆n pơm tơdrong 'lơ̆ng na Sư krao ôh, Sư krao bơ̆n yua kơ Sư 'mêm mơnat kơ bơ̆n. Đơ̆ng blŭng-a sơ̆ Sư tam mă pơjing plĕnh păng teh, đơ̆ng noh boih Sư 'mêm mơnat kơ bơ̆n wă ăn Yêsu Krist pơklaih bơ̆n.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 10:4

yua kơ lu sư gơnang kơ soi hăm pham rơmo pham bơbe khan klaih kơ tơdrong yoch. Thoi yơ pham rơmo pham bơbe gơh pơklaih tơdrong yoch? Pham noh ưh kơ gơh pơklaih minh tơdrong kiơ.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

I Yo 3:5

Iĕm băt mơ̆n Yêsu Krist jur tơ ala teh âu sơ̆ wă pơklaih bơ̆n đơ̆ng tơdrong yoch. Păng Sư ưh kơ lah pơm yoch ôh.