Hôsia 13:2 - Sơ̆p Hlabơar Nơ̆r 'Bok Kei-Dei

² Dang ei, lu sư pơm yoch rai dêh; lu sư yua hu, tuh hling pơm lơ rup yang kơ lu sư kơdih, pơm lu rup yang kiơ̆ kơ đon hơgei lu sư; đĭ-đăng ti lu sư thơ̆ hơgei! Đe đei roi trŏ kơ 'bơm lu sư khan: Pơm yang kơ rup kon rơmo păng chŭm rup kon rơmo noh!

Hôsia 13:2 交叉參考

I Pot 19:18

Gah Inh đei rơih iŏk tơpơh-rơbâu 'nu bơngai Isơrael ưh kơ hơtơ̆p kŭl-tăng 'bơ̆t anăp yang Baal, 'bơ̆r lu sư tam lah chŭm sư ôh.”

II Ho 28:13

Na lu sư khan: “Iĕm 'nĕ kơ tơmơ̆t lu bơnă tơ âu; Kơnh lu bơ̆n gô pơm yoch hăm Kră Yang, lu iĕm wă pơklăm thim tơdrong yoch lu bơ̆n rai dêh, yua kơ tơdrong yoch bơ̆n tih dêh boih na Kră Yang hil mĭl tơtŏ dêh truh kơ bơngai Isơrael.”

II Ho 33:23

Mă-lei sư ưh kơ đei tơbral tơjur akâu kơdih 'bơ̆t anăp Kră Yang thoi Manase, 'bă sư, rai pơm kơnê̆ hloh.

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 30:1

Kră Yang khan: “Răm-'băm dêh kơ lu kon hơ'lơ̆p arăng kơ̆l 'maih chă đon mă ưh kơ trŏ tơdrong Inh wă, pơm tơdrong pơgơ̆p mă ưh kơ đơ̆ng Yang bơhngol 'lơ̆ng Inh, thim tơdrong yoch rai dêh dơ̆ng.

Êsai 44:11

Đĭ-đăng lu bơngai kơkuh kơ rup Yang gô mơlâu, lu bơngai thơ̆ pơm lu sư jơ̆ kon bơngai hmă đĕch. Lê̆ đĭ-đăng lu sư akŭm băl. Iung bĕ; lu sư gô hli tơrơ păng mơlâu.

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 46:6

Lu sư iŏk maih đơ̆ng lăm kơdŭng păng iŏk hu kŏng hăm 'long kŏng, lu sư mưng apah bơngai tuh hling maih pơm rup yang, đơ̆ng noh drap kơkuh.

Êsai 46:8

'Blŏk hơdơ̆r bĕ dôm tơdrong âu, tơchĕng mă hơlen bĕ! Ơ lu bơngai kơchu lu iĕm athei tơchĕng 'blŏk bĕ tơdrong noh lăm kơ̆l.

Je 10:4

Đe pơgong pơrŏ 'long noh hăm hu hăm maih; iŏk mut kơđĭnh pơ̆ng kơjăp, wă huay kơ păk.

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

Je 8:5

Lei liơ kon pơlei âu jrok hloi? Liơ kon pơlei Jêrusalem wơ̆l jrok ling-lang? Lu sư rôp kơjăp tơdrong hơlĕnh, sơngah kuă kơ wih brŏk.

Hôsia 10:1

Bơngai Isơrael sơ̆ thoi minh tơnơm hơmu hơdrih 'lơ̆ng, plei sư trem. Lăp plei sư rai trem lơ, lu sư kư̆m pơdơ̆ng chơnang soi rai lơ; kiơ̆ thoi lu sư chăt rai lơ rai mơdrŏng lăm char sư, lu sư pơm rup yang rai lơ thoi noh mơ̆n.

Hôsia 10:5

Lu kon pơlei oei lăm char Kon pơlei Samari hli, yua kơ rup yang kon rơmo Bêt Awen hiong boih, kon pơlei ơh sơ'ngon yua rup yang noh, păng lu 'bok soi kư̆m nhơ̆m ơh 'mêm kơ rup kon rơmo 'lơ̆ng rŏ noh, yua kơ rup yang noh ưh pă đei boih.

Hôsia 11:2

Lu bơngai Isơrael Inh rai krao lu sư, lu sư rai kơdâu ôn ataih đơ̆ng Inh; lu sư kư̆m oei pơyơ̆r tơmam soi kơ rup yang Baal, păng kư̆m oei soh 'long 'bâu phu kơ lu rup yang nai.

Hôsia 11:6

Đe gô pơrăm tơ rim pơlei lu sư hăm đao gưm, pơrăm lê̆ 'long chơkăl 'măng jang lu sư, pơlôch lu sư yua kơ tơdrong lu sư chă đon kơnê̆.

Hôsia 14:3

Lu bơngai Asiri ưh kơ gơh pơklaih lu nhôn ôh; lu nhôn ưh pă hao aseh tơblah dơ̆ng, ưh pă khan dơ̆ng yang lu nhôn! Mă man hăm ti lu nhôn noh, yua kơ Ih đĕch mơnat kơ lu kon mơti.

Hôsia 2:8

Sư ưh tam mă băt kơ Inh, Inh boih Tơ'ngla ăn kơ sư phe 'ba, sik 'nao păng đak rơmă noh, kư̆m ăn thim hu, maih lơ mă-lei lu sư pơyơ̆r ăn kơ yang Baal.

Hôsia 4:17

Lu bơngai Êphraim, pơgơ̆p hơdai rup yang, lê̆ măk ai sư.

Hôsia 8:4

Lu sư pôk boih pơtao kơdih mă ưh kơ trŏ đơ̆ng Inh, lu sư kư̆m rơih iŏk lu bơngai pơgơ̆r mă-lei kư̆m ưh kơ đei pơdrơ̆ng inh. Lu sư iŏk jên hu, maih lu sư man boih rup yang jing tơdrong pơrăm blơ̆ lu sư kơdih.

Hôsia 8:5

Ơ Samari, Inh hŭt lê̆ boih rup kon rơmo ih; Inh hil mĭl blah boih lu sư; ưh kơ băt đunh dang yơ lu sư gô chă tơdrong 'lơ̆ng rơgoh.

Hôsia 8:6

Rup kon rơmo noh đơ̆ng minh 'nu bơngai Isơrael pơm; noh ưh kơ Kră Yang 'Bok Kei-Dei ôh. Sĭt, rup kon rơmo lu bơngai Samari đe gô teh pơchah đĭ.

Jo 32:14

'Nâu lu iĕm iung tơplih kơ 'bă lu iĕm, adrĕch bơngai kơnê̆ yoch, wă kơ rai pơthim tơdrong Kră Yang hil mĭl kơ lu adrĕch Isơrael dơ̆ng.

Rom 11:4

Na 'Bok Kei-Dei pơma tơwih kơ sư thoi âu: “Ưh kơ trŏ kơdrô̆ ih ôh, Inh kư̆m rơih iŏk tơpơh-rơbâu 'nu bơngai lui kơ Inh mă ưh kơ chu lui kơ yang Baal.”

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

II Tim 3:13

Lu bơngai đon kơnê̆, lu bơngai chă pơngiĕl đe, lu sư rai đunh rai răm rai lơ tơdrong lu sư pơm kơnê̆. Sư pơma hơlĕnh kơ đe, đe hơlĕnh tơwih kơ sư, sư kư̆m lui mơ̆n.

I Sam 10:1

Samuel iŏk minh gĕl getchai iĕ mong đak rơmă 'bâu phu, na tuh tơ kơ̆l Sôl, đơ̆ng noh chŭm sư păng khan: 'Nâu Kră Yang tuh đak rơmă 'bâu phu kơ ih wă kơ ih pơgơ̆r kon pơlei Sư.