Hôsia 11:11 - Sơ̆p Hlabơar Nơ̆r 'Bok Kei-Dei

¹¹ Lu sư gô hli tơtơ̆ wih đơ̆ng dêh Êyiptơ thoi sem păr, thoi sem pơgâm đơ̆ng char Asiri, păng Inh tơbrŏk lu sư tơ hnam lu sư kơdih Kră Yang khan thoi noh.

Hôsia 11:11 交叉參考

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 60:8

Lu đe bu âu, păr thoi hơmơ̆l, thoi sem kơtơp păr wih tơ tơpu sư kơdih?

Je 31:12

Lu sư gô năm hơri hiôk chơt tơ anih kơjung kơpal kông Siôn; muh măt lu sư chơt hiôk đơ̆ng Kră Yang ăn pŭn hiôk rơkah rơkai: 'Ba mi, sik hơmu, đak rơmă ôliwơ, kon triu, bơbe, sem dơrong, Jơhngơ̆m lu sư thoi pơgar đak hngôm hơiuh, ưh pă đei sơ'ngon kơ kiơ dơ̆ng.

Êsêkiên 34:27

'Long tơ bri brah gô đei plei, teh gô chăt jing đei plei yua. Lu sư gô oei hiôk hơđơ̆ng tơ teh đak lu sư kơdih păng băt kơ Inh boih Kră Yang, kơplah Inh gơ̆ lê̆ 'long ăt đơ̆ng lu sư, pơklaih lu sư đơ̆ng ti lu bơngai rôp lu sư pơm đĭch.

Êsêkiên 34:28

Lu sư ưh pă pơm tơmam sa kơ lu teh đak nai dơ̆ng; lu sem bri mă khĕnh kư̆m pă đei sa lu sư dơ̆ng, lu sư gô oei sa hiôk-hian, pă đei hli dơ̆ng.

Êsêkiên 37:21

păng khan bĕ kơ lu sư: Kră Yang khan thoi âu: Inh gô chông ba adrĕch adrung Isơrael đơ̆ng lu char mă lu sư oei, Inh gô akŭm lu sư đơ̆ng jơ̆p kơ dêh char chông ba lu sư wih brŏk tơ char lu sư kơdih.

Êsêkiên 37:25

Lu sư gô oei arih sa lăm char mă Inh ăn kơ Jakôp đĭch đam Inh char mă 'bok yă lu sư oei sơ̆. Lu sư, kon sâu lu sư, gô oei tơ noh ling-lang; đĭch đam Inh Đawit jing pơtao lu sư hlŏng hloi.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Hôsia 7:11

Êphraim thoi sem kơtơp kơwao, ưh kơ đei đon băt hlôh, lu sư krao apinh char Êyiptơ, năm tơ char Asiri.

Ob 1:17

Mă-lei gô đei dôm lu bơngai gơh klaih oei tơ kông Siôn, kông noh jing 'lơ̆ng rơgoh pơm anih akŭm păng hnam Jakôp gô đei yua jang sa sư kơdih.

Sa 10:10

Thoi ei na Inh gô anhăk lu sư brŏk đơ̆ng dêh char Êyiptơ, pơpôi akŭm lu sư đơ̆ng char Asiri, ba lu sư mơ̆t lăm teh đak Gileat păng Liban păng lu sư gô chă anih oei ưh kơ mah.

Sa 8:7

Kră Yang Tih Hloh khan thoi âu: “'Nâu Inh gô dŏng pơklaih kon pơlei Inh đơ̆ng gah hơlĕch gah bơmơ̆t,

Sa 8:8

păng ba lu sư brŏk, lu sư gô oei tơ lăm Jêrusalem, jing kon pơlei Inh, gah Inh jing Kră Yang 'Bok Kei-Dei lu sư lăm tơdrong sĭt păng tơpăt.”