Hơri Hiôk 2:3 - Sơ̆p Hlabơar Nơ̆r 'Bok Kei-Dei

³ Bơngai mă inh hơyuh oei tŏk-bŏk lu tơdăm, Thoi tơm 'long hơra mi chăt tŏk-bŏk bri brah. Inh lăp đon tơpă wă pơdơh ngôi ala yơ̆p sư; Plei sư 'ngam bơngơi lăp kơ hơlŏng inh.

Hơri Hiôk 2:3 交叉參考

Horiso 45:2

Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.

Horiso 45:3

Ơ Kră Yang nuih pran, tơ̆n bĕ đao tơ kơiĕng Ihd Noh jơ̆ tơdrong ư-ang păng tơdrong tih rŏ Ih.

Horiso 57:1

Ơ Kră Yang 'Bok Kei-Dei! Apinh mơnat kơ inh, apinh mơnat kơ inh; Yua kơ bơhngol inh kơ'nơp tơ lăm Ih. Inh gô kơ'nơp tơ ala pơnăr Ih. Dĭng hloh kơ năr kơnê̆ pă đei.

Horiso 89:6

Yua kơ tơ plĕnh, hăm đei bu gơh pơtŏ hăm Kră Yang? Hăm đei bu lăm lu yang nhen thoi Kră Yang.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Hơri Hiôk 1:16

Ơ bơngai mă inh hơyuh ih tơdăm 'lơ̆ng hơbŏ; Lăp kơ jơhngơ̆m inh dêh! Anih tep ba dreng hơdrih 'lơ̆ng.

Hơri Hiôk 2:5

Iŏk bĕ plei hơmu kro na pơlung jơhngơ̆m inh; Iŏk bĕ plei hơra mi tơgŭm wă kơ inh pran; Yua kơ inh đei jĭ đơ̆ng tơdrong hơyuh.

Hơri Hiôk 4:13

Đĭ 'long ih jing minh hlak pơgar, Plei 'long gărnăt păng đei plei sa 'ngam 'lơ̆ng. Thoi lu pơkao hêna păng 'long 'bâu phu.

Hơri Hiôk 4:16

Ơ kial đơ̆ng yă-nơ̆m tơthu bĕ, ơ kial đơ̆ng gah gơal pơbơh bĕ! Tơthu bĕ lăm pơgar inh; wă kơ 'bâu phu đơ̆ng sư păr đông jơ̆p-jang!

Hơri Hiôk 5:16

Nơ̆r pơma sư hơbôn dêh, Đe lăng sư rŏ kơ hưch tơpă, Noh boih pơyô inh păng buăl inh, Ơ lu adruh pơlei Jêrusalem. Buăl sư

Hơri Hiôk 7:13

'Bum mandrakea 'bâu phu sư păr đông, Tơ 'măng bơ̆n đei tôm plei 'lơ̆ng. Plei 'nao hăm plei so hai. Plei noh inh 'măn bơih kơ ih, ơ bơngai inh hơyuh.

Hơri Hiôk 8:11

Tơdăm Sôlômôn đei minh hlak pơgar hơmu tơ pơlei Baal Hamôn: Sư ăn kơ đe jang mưng pơgar hơmu noh; Rim 'nu bơngai mưng noh athei ăn kơ sư minh-rơbâu hlak jên hu lăm bơyan phĕ plei.

Hơri Hiôk 8:12

Pơgar hơmu inh 'măn lê̆ kơ inh bơih. Ơ Sôlômôn, minh-rơbâu hlak jên hu noh gô lê̆ kơ ih. Bĕ oei 'bar-hrĕng hlak noh apah lu bơngai jang pơgar noh.

Hơri Hiôk 8:5

Bơngai noh bu mă 'nao brŏk đơ̆ng char glă? Oei gơning tơ bơngai sư hơyuh?

Êsai 25:4

Ih boih Kră Yang jing anih kơjăp lu bơngai dơnuh gơnang. Pơlei hơđơ̆ng ăn kơ lu bơngai hoh kơđei kơplah năr pơmat-tat, pơm anih kơ'nơp năr kial hơbŭt, pơm yơ̆p wă huay kơ tŏ, kơplah lu bơngai pơm kơnê̆ khĕnh lu sư lĕch thoi hơyuh kial hơbŭt tơthu bah tơ dur pơlei.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 4:6

Sư gô jing thoi minh anih pơm yơ̆p kơ'nơp kơ'năr păng anih kơ'nơp năr 'mi kial hơbŭt.

Êsêkiên 47:12

Tơ tơter jih đak krong 'bar pah đe pơtăm tôm kơ lu 'long plei sa, lu hla ưh kơ hơlŭng, lu 'long đei plei hơnơ̆ng, rim khei đei pơkao plei 'lơ̆ng yua kơ đei đak ro lĕch đơ̆ng hnam akŭm. Plei wă pơm tơmam sa păng yua wă pơm pơgang.”

Jôel 1:12

Tơm hơmu đĭ jô, tơm hơra đĭ kro, tơm 'long gărnăt, 'long gol, dôm tơnơm 'long tơ mir đĭ jô kro boih; tơdrong chơt hiôk kon bơngai đĭ hiong boih.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

Lu 9:15

'Long jơla tơl: Dah jơhngơ̆m iĕm wă tơpă na lu iĕm tuh đak pơgang 'bâu phu kơ inh pơk inh pơm pơtao pơgơ̆r iĕm, năm kơ'nơp bĕ ala yơ̆p inh; dah ưh, ŭnh đơ̆ng 'long jơla lĕch soh sa đĭ 'long hơngo char Liban!