Horiso 85:2 - Sơ̆p Hlabơar Nơ̆r 'Bok Kei-Dei

² Ih mơnat ăn boih kon pơlei Ih, đêl pơm kơnê̆. Păng klơ̆p lê̆ đĭ dôm yoch glăi lu sư. Sêla

Horiso 85:2 交叉參考

Esơra 1:2

Sirus pơtao Phersia, khan thoi âu: Kră Yang Kră Yang 'Bok Kei-Dei đei ăn kơ inh pơgơ̆r dôm lu dêh char lăm teh đak păng kơdih Sư athei inh pơm kơ Sư minh pôm hnam akŭm tơ pơlei Jêrusalem, lăm dêh Juđa.

Horiso 126:1

Kơplah Kră Yang chông lu bơngai bơnă brŏk tơ Siôn. Lu nhôn thoi bơngai tep apo.

Horiso 32:1

Pŭn dêh kơ bơngai bu mă tơdrong yoch sư gơh mơnat ăn, Huay pă jô̆ yoch.

Horiso 78:38

Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

Je 50:20

Kră Yang khan: “Lăm năr noh, kơplah noh. Đe chă tơdrong glăi lăm lu bơngai Isơrael ưh kơ 'bôh ôh. Đe chă tơdrong yoch lăm lu bơngai Juđa kư̆m ưh kơ đei. Yua kơ Inh mơnat ăn huay pă jô̆ boih kơ lu bơngai, mă Inh oei 'măn lê̆ arih.”

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Jo 14:19

Apinh Ih mơnat 'nĕ jô̆ tơdrong kon pơlei âu pơm yoch kiơ̆ thoi tơdrong mơnat tih đơ̆ng Ih, thoi Ih đei mơnat ăn boih kơ lu nhôn đơ̆ng char Êyiptơ sơ̆ khơ̆ dang ei.

Jang 13:39

Bơ̆n kiơ̆ tơdrong juăt Môis đĕch, bơ̆n ưh kơ gơh klaih đơ̆ng tơdrong yoch. Mă-lei dah bơ̆n lui kơ Yêsu, bơ̆n gơh klaih đĭ đơ̆ng tơdrong yoch bơ̆n.

Kôlôsê 2:13

Iĕm bơngai khŭl nai, sơ̆ iĕm oei gơh pơm lơ tơdrong yoch, tơdrong kơnê̆, bơngai oei arih ră dang lĕ kơ bơngai lôch boih. Păng iĕm ưh kơ trŏ kơ bơngai 'Bok Kei-Dei wă tơgŭm thoi lu bơngai Juđê ôh. Mă-lei 'Bok Kei-Dei tơiung arih Yêsu Krist đơ̆ng lôch boih, dang Sư tơiung arih iĕm mơ̆n, Sư huay pă jô̆ yo boih dôm tơdrong yoch bơ̆n juăt kơ pơm sơ̆.