4 Ăn kơ đĭ-đăng lu bơngai mă krao chă Ih, chhôk ngă 'nă hal tơ lăm Ih; Ăn kơ lu bơngai mă 'mêm tơdrong Ih dŏng pơklaih. Khan ling-lang: “Kră Yang 'Bok Kei-Dei tih-tin.”
Ăn kơ đe bu mă chơt hiôk kơ tơdrong tơpăt inh, gô ôr chơt, hiôk-hian. Ăn kơ lu sư pơư ưh kơ pơdơh, “Kră Yang tih hloh tơpă! Sư hiôk tơpă ăn kơ lu đĭch đam Sư đei tơdrong hiôk-hian.”
Apinh ăn kơ đĭ-đăng lu bơngai mă krao chă Ih. Đei tơdrong chơt hiôk păng rơnŭk rơnua lăm Ih. Ăn kơ lu đe bu mă 'mêm kơ tơdrong Ih dŏng pơklaih ling-lang pơma khan thoi âu: “Kră Yang tih hloh?”
Mă-lei bu gơnang kơ Ih gô oei hiôk chơt, lu sư gô hơri chơt hiôk ling-lang. Apinh Ih wei-lăng lu sư. Bơngai bu 'mêm kơ anăn Ih kư̆m gô 'nă hal lăm Ih.
Ơ lu bơngai tơpăt lu iĕm chơt hiôk bĕ lăm Kră Yang. Bơnê kơ Anăn 'lơ̆ng rơgoh Sư.
Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.
Kră Yang ăn tơdrong Sư 'mêm mơnat kơ lu bơngai mă chang gô Sư, ăn kơ lu bơhngol mă krao chă Sư.
Inh khan kơ iĕm tơpă wă kơ iĕm băt: Pă 'biơ̆ lu iĕm nhơ̆m hmoi ơh ol. Mă-lei lu bơngai ala teh âu 'nă hal. Pă 'biơ̆ mơ̆n jơhngơ̆m iĕm gô sơ'ngon, klaih kơ noh iĕm gô chhơp dơ̆ng.
