1 Ơ Kră Yang 'Bok Kei-Dei! Tĕnh jah dŏng pơklaih inh; Kră Yang! Tĕnh jah tơgŭm inh.
Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.
Kră Yang! 'Nĕ hil kơ inh lăm năr Ih blĕk Kŭm 'nĕ phak bơtho inh năr Ih mĭl.
Apinh Ih năm jê̆ inh păng huai iŏk bơhngol inh. Apinh dŏng pơklaih inh đơ̆ng lu bơngai ayăt.
Ơ Kră Yang 'Bok Kei-Dei! Lê̆ kơ hơtaih đơ̆ng inh. Ơ Kră Yang 'Bok Kei-Dei. Tơgŭm pơklaih inh mă kuăng kuăng.
