5 Ơ Kră Yang 'Bok Kei-Dei! Ih băt kơ tơdrong kơtul kơwao inh. Dôm tơdrong yoch inh ưh kơ gơh ôn kơ Ih.
Kră Yang lăng boih jơhngơ̆m inh, năm lăng inh kiơ̆ kơmăng;a Đei pơlong inh, mă-lei ưh kơ đei 'bôh kiơ; Inh đei pơkă 'bơ̆r inh ưh kơ pơm yoch.b
Bu băt kơdih đei yoch glăi? Apinh Kră Yang mơnat tơdrong yoch mă inh ưh kơ băt.
'Nĕ ăn kơ lu bơngai pơm kơnê̆ kơ inh tơdrong kơ đei chơt hiôk. Kŭm 'nĕ kơ lê̆ lu areh kơ inh, kơ'mreh măt tơdrong kơ đei yua kơ Ih.
Yua kơ tơdrong yoch inh, Lu rơka inh ôm păng lĕch đak đuh.
Ơ Kră Yang! Ih băt đĭ tơdrong kiơ inh 'maih wă. Tơdrong inh ôr, ưh kơ đei hlơp kơ Ih ôh.
Măt Inh oei kiơ̆ lăng trong lu sư yak; ưh kơ đei hlơp kơ Inh ôh. Tơdrong yoch kơnê̆ lu sư kư̆m ưh kơ gơh ôn đơ̆ng măt Inh.
