3 Inh ôr đĭ lap, hơlŏng inh đĭ kro; Măt inh đĭ rơgah yua kơ chang gô Kră Yang 'Bok Kei-Dei.
Mă-lei gah lu bơngai pơm kơnê̆ gô lap rơgah; sư pă đei trong wă kơdâu ôn, păng tơdrong lu sư chang hơmĕng noh lăp gô kơtĕch jơhngơ̆m đĕch.
Muh măt inh pơ'ngeh đum rak yua kơ inh nhơ̆m, Yơ̆p tơdrong lôch tăp kơ gơnur măt inh.
Măt inh hrŏ yua kơ chang gô Ih dŏng pơklaih. Păng nơ̆r Ih pơkă tơpăt.
Măt inh rơmơ̆n chang gô nơ̆r Ih pơkă; Inh khan: “Dang yơ Ih pơlung inh?”
Jơhngơ̆m pran inh kro thoi lơ̆n 'buh păng hơpiĕt inh klep tơ păk-'ngơk. Kră Yang dan inh tơ lăm 'mui teh thoi lôch.
Ơ Kră Yang 'Bok Kei-Dei inh! Prăt năr inh krao khan, Ih ưh kơ tơl tơwih. Kơmăng inh kư̆m pă đei pơdơh.a
Ăn tơdrong 'lơ̆ng rơgoh păng tơdrong tơpăt wei-lăng inh, Yua kơ inh chang gô Ih.
Ơ Kră Yang, dang ei inh chang gô yă kiơ? Tơdrong inh chang gô tơ lăm Ih.
Sư ăn kơ 'bơ̆r inh đei 'bai hơri 'nao, Hơri bơnê kơkuh kơ Kră Yang 'Bok Kei-Dei lu bơ̆n. Lơ bơngai gô 'bôh păng hli, Păng gơnang kơ Kră Yang.
Jơhngơ̆m inh đĭ boih, yua kơ inh ôr krao, Rim măng inh nhơ̆m, dĭng giơng mah hơiuh.
Lu sư ăn hla tăng pơm tơmam sa inh. Păng ăn kơ inh nhă đak iŭ kơplah rơhing.
Tơdrong Ih hil trăp kơtĭt kơpal inh, Ih yua lu đak poh-yă pơmat inh. Sêla
Inh ôr nhen sem kơdŏng, sem pleng, inh tơngưih nhen sem kơtơp si; măt inh lăng tơ kơpal đĭ rơgah. Ơ Kră Yang inh ơh sơ'ngon dêh, apinh ih dŏng iŏk inh bĕ!”
Măt inh đĭ hrŏ yua kơ đak măt lĕch, jơhngơ̆m inh rŭng răng. Păng huŏng tơ teh, Yua kơ đơ̆ng đe pơrăm kon adruh pơlei inh. Yua kơ lu kon hơ'lơ̆p, yua kơ lu kon nge hơngơ̆t tơ rok trong lăm pơlei tih.
Yêsu băt tôm tơdrong đang boih. Wă kơ pơm 'blep trŏ thoi sơ̆p hla bơar 'Bok Kei-Dei khan lê̆ hơdrol, Sư khan: “Inh 'maih nhă đak.”
Lu kon drŏ-nglo păng kon drŏ-kăn iĕm đe gô rôp jao ăn kơ lu bơngai tơmoi măt iĕm lăng chang gô năr âu truh tơ năr nai, mă-lei lu iĕm tôch kơ đon ưh pă băt wă pơm kiơ.
Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.
