1 Ơ Kră Yang! 'Nĕ chrih kơ inh lăm năr Ih blĕk, 'Nĕ kơ bơtho pơjĭ inh lăm năr Ih hil!
Sachari, Asiêl, Sêmiramôt, Jêhiêl, Unni, Êliap, Maasêia păng Bênaia, yua tĭng-nĭng reh kiơ̆ kơ tơ'nguơ̆ Alamôt;
Matithia, Êliphêlêhu, Miknêia, Ôbêt Eđôm, Jêiêl păng Asasia, lu sư yua reh brŏ dung kiơ̆ kơ tơ'nguơ̆ Semini.
Kră Yang phak bơtho inh dêh tơpă. Mă-lei huay ăn kơ inh truh kơ lôch.
Kră Yang; apinh Ih dŏng lu nhôn, Yua kơ lu bơngai 'lơ̆ng tơpăt ưh pă đei boih, Ưh pă đei lu tơpăt lăm kon bơngai.
Dang ei Kră Yang hil mĭl kơ lu sư. Đơ̆ng noh pơrŭng lu sư hăm tơdrong hil kơtang.
Kră Yang! 'Nĕ hil kơ inh lăm năr Ih blĕk Kŭm 'nĕ phak bơtho inh năr Ih mĭl.
Ơ Kră Yang 'Bok Kei-Dei inh, mă 'lơ̆ng tơpăt, Tơl tơwih nơ̆r inh, dah inh krao khan. Ih pơklaih inh boih, lăm năr inh oei pơmat, Apinh Ih mơnat kơ inh, păng tơl nơ̆r inh krao khan.
Inh lăng tơdrong noh thoi đak lơ̆p jơhnơr Nôê sơ̆. Thoi Inh pơkă khan đak ưh kơ đei layơ wă lơ̆p pơđĭ kơpal teh đơ̆ng; na Inh kư̆m pơkă khan Inh ưh pă hil kơ iĕm dơ̆ng bơih păng kư̆m ưh kơ wă chrih phak iĕm dơ̆ng.
Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,
Hơmet inh bĕ, ơ Kră Yang, mă-lei kiơ̆ thoi tơdrong trŏ lăp, 'Nĕ kơ phak inh kiơ̆ tơdrong Ih hil. Kơnh hli kơ Ih pơrăm inh.
Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”
