Horiso 15:2 - Sơ̆p Hlabơar Nơ̆r 'Bok Kei-Dei

² Lu bơngai yak kiơ̆ trong tơpăt, pơm tơdrong trŏ. Sư pơma tơpăt lăm jơhngơ̆m sư;

Horiso 15:2 交叉參考

Horiso 24:4

Noh lu bơngai đei ti rơgoh păng jơhngơ̆m rơgoh, Ưh kơ wă ăn bơhngol sư tơdrong yoch glăi, Kŭm ưh kơ pơkă hơlĕnh.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Tơdrông Pơđơk 20:7

Bơngai tơpăt băt oei arih sa 'lơ̆ng tơpăt, Pŭn hiôk dêh kơ lu kon sâu sư!

Tơdrông Pơđơk 28:18

Bơngai bu oei arih sa 'lơ̆ng tơpăt gô đei dŏng pơklaih; Bơngai bu kiơ̆ trong đŏng gô huŏng ưh kơ tam băt.

Êsai 33:15

Lu bơngai arih kiơ̆ trong 'lơ̆ng tơpăt, pơma tơpăt, areh kơ tơdrong pơjuă sa tơmam đe. Hơpuih ti sư ưh kơ chro iŏk tơmam kơnê̆ đe apah, đon sư ưh kơ wă mơ̆ng tơdrong pơlôch băl, măt sư ưh kơ wă lăng tơdrong kơnê̆.

Êsai 63:8

Kră Yang đei khan: “Tơpă lu sư jơ̆ kon pơlei Inh lu kon mă ưh kơ đei pơma hơlĕnh ôh.” Păng Kră Yang boih Tơ'ngla dŏng pơklaih lu sư.

Mi 2:7

Ơ hnam Jakôp! Hăm trŏ đe khan tơdrong 'nâu Yang Bơhngol 'Lơ̆ng Kră Yang ưh kơ gơh pơm tôm tơdrong hă? 'Nâu hăm trŏ tơdrong Sư pơm? Hăm trŏ kơ nơ̆r Inh pơma pơyua kơ lu bơngai mă kiơ̆ tơdrong tơpăt.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Jang 10:35

Lăm rim khŭl bơngai, bơngai bu lui kơkuh kơ 'Bok Kei-Dei păng pơm trŏ thoi Sư wă, 'Bok Kei-Dei kư̆m lăp đon kơ lu sư lei-lăi ngăl.

Rom 2:10

Mă bơngai Juđê, mă bơngai nai, dah lu sư pơm 'lơ̆ng hăm 'Bok Kei-Dei, ning-mônh 'Bok Kei-Dei ăn kơ lu bơ̆n oei hơdai hăm Sư hiôk chơt ling-lang.

Galati 2:14

Inh 'bôh lu sư kiơ̆ tơdrong 'nao 'lơ̆ng Yêsu ưh kơ 'blep trŏ thoi noh boih na inh bơtho Pêtrôs 'bơ̆t anăp lu sư thoi âu: “Ih bơngai Juđê, krô hmă ih ưh pă wă kiơ̆ boih tơdrong juăt bơngai Juđê, na dang ei thoi yơ ih wă athei lu bơngai ưh kơ khŭl bơ̆n kiơ̆ tơdrong juăt bơ̆n so dơ̆ng?”

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

Kôlôsê 3:9

'Nĕ pă hơlĕnh băl, yua kơ iĕm tŭk đĭ boih dôm tơdrong so, tơdrong mă iĕm juăt kơ pơm sơ̆, athei pơm mă tơpăt dang ei.

Hêbrơ 11:33

Lu sư đei đon lui tơpă, na lu sư kĕ blah iŏk lơ teh đak noh nai. Lu sư bơngai pơgơ̆r tơpăt ling-lang, lu sư 'bôh tơpă boih tơdrong 'Bok Kei-Dei pơkă wă ăn kơ lu sư noh. Lăm lu sư kư̆m đei gơh pơŏm 'bơ̆r kiĕk.

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”