Horiso 146:8 - Sơ̆p Hlabơar Nơ̆r 'Bok Kei-Dei

⁸ Kră Yang pơih ăn kơ lu bơngai măt tol gơh hơdah. Kră Yang 'bơ̆ tơpăt lu bơngai kơdŭ grŏn, Kră Yang 'mêm kơ lu bơngai tơpăt;

Horiso 146:8 交叉參考

Horiso 11:7

Yua kơ Kră Yang 'Lơ̆ng tơpăt; Sư 'mêm kơ tơdrong tơpăt: Lu bơngai mă tơpăt gô lăng 'bôh muh măt Sư.

Horiso 145:14

Kră Yang, dŏng tơiung lu bơngai pơ̆k huŏng. Păng pơdơ̆ng tơpăt lu bơngai gu kơdŭ.

Horiso 147:6

Kră Yang dŏng tơgŭm lu bơngai pơmat-tat. Teh tơhuŏng lu bơngai pơm kơnê̆ tơ teh.

Êsai 35:5

Kơplah noh lu bơngai măt tol gô 'bôh, lu bơngai klĭk klot gô kơtơ̆ng.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 42:18

Ơ lu bơngai klĭk, mơ̆ng bĕ, ơ lu bơngai măt tol lar măt iĕm lăng bĕ;

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Mathiơ 9:30

Đang Yêsu pơma thoi noh, na măt bre sư klaih hloi. Yêsu khan tơdrăp kuă ăn bre sư roi kơ đe ră.

Yo 16:27

kơlih kơ 'Bă Inh 'mêm mơnat kơ iĕm tơpă. Sư 'mêm kơ iĕm yua kơ iĕm 'mêm kơ Inh păng lui kơ Inh jur đơ̆ng 'Bă Inh 'Bok Kei-Dei.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

II Kor 7:6

Mă-lei 'Bok Kei-Dei gơh hơmet ming jơhngơ̆m lu bơngai sơ'ngon jing hiôk, thoi noh na Sư jah ăn Tĭt truh tơ nhôn, chhơp boih.

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

Both 33:3

Sư 'mêm kơ kon pơlei pơla Sư tơpă; đĭ-đăng lu linh jang oei lăm tơpang ti Sư; Sơtơ̆p kŭl-tăng kơkuh 'bơ̆t jơ̆ng Sư. Sơng iŏk nơ̆r bơtho khan đơ̆ng Sư.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.