1 Ơ Kră Yang, apinh Ih dŏng pơklaih inh đơ̆ng lu bơngai pơm kơnê̆. Dŏng inh đơ̆ng bơngai pơm kơnê̆ dêh.
Ăn kơ lu bơngai đei hơpiĕt hơlĕnh pơdăr ưh kơ gơh pơjing kơjăp lăm teh đak. Ăn tơdrong răm druh lu bơngai pơm kơnê̆.
Ơ Kră Yang, apinh Ih wei inh klaih đơ̆ng ti lu bơngai pơm kơnê̆, Dŏng inh đơ̆ng lu bơngai pơm kơnê̆ dêh. Lu bơngai chă đon wă tơpơ̆k inh.
Ơ Kră Yang, iung bĕ răp tơpơ̆k tơhuŏng lê̆ lu sư; Iŏk đao gưm han Ih dŏng pơklaih bơhngol inh klaih đơ̆ng lu bơngai kơnê̆.
Sư dŏng pơklaih inh đơ̆ng lu ayăt; Tơpă Kră Yang hơtŏk inh jing kơjung hloh kơ lu ayăt kơ inh, Sư pơklaih inh đơ̆ng lu bơngai pơm kơnê̆.
Ơ Kră Yang 'Bok Kei-Dei! Sek tơlang kơ inh bĕ, Păng dŏng inha đơ̆ng lu kon pơlei ưh kơ lui.b Apinh pơklaih inh đơ̆ng lu bơngai hơlĕnh pơm kơnê̆.
Ơ Kră Yang 'Bok Kei-Dei inh, apinh dŏng pơklaih inh đơ̆ng ti lu bơngai pơm kơnê̆, Klaih đơ̆ng ti lu hơlĕnh păng bơngai pơm kơnê̆ dêh.
