5 Yua kơ đe pơjuă lu bơngai răm-'băm păng lu dơnuh hin ôr krao, Kră Yang khan: “Dang ei Inh gô iung, Inh gô ăn kơ lu sư oei hiôk-hian kiơ̆ thoi lu sư krao apinh.”
Lu bơngai pơmat âu ôr krao Kră Yang, Kră Yang mơ̆ng nơ̆r lu sư. Dŏng pơklaih lu sư đơ̆ng dôm tơdrong pơmat-tat.
Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.
Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.
Kră Yang khan: “Dang ei Inh gô iung, dang ei Inh gô pôk hơtŏk, dang ei Inh gô đei tơdrong ư-ang.
Mă-lei Sư dŏng pơklaih lu bơngai pơmat-tat đơ̆ng đao gưm,c pơklaih lu sư đơ̆ng 'bơ̆r păng ti lu bơngai pran kơtang.
Ơ Kră Yang! Iung bĕ Ih, Ơ Kră Yang 'Bok Kei-Dei, yơ̆r ti Ih bĕ; 'Nĕ hiơt kơ bơngai răm-'băm.
Sư pơklaih ih đơ̆ng 'bơ̆r hơpiĕt bơngai pơma kơnê̆, Ih huay kơ hli ôh mă tơdrong răm truh.
Noh jơ̆ tơdra kơnăl păng tơbăt kơ Kră Yang Tih Hloh tơ lăm dêh Êyiptơ, lu Sư gô krao chă Kră Yang, kơplah lu bơngai pơm kơnê̆ kơ lu sư, Kră Yang gô wơh minh 'nu 'bok dŏng pơklaih wă dŏng tơgŭm păng pơklaih lu sư.
Mă-lei 'bă sư pơm yoch pơjuă đe, tơtông tơmam lu 'nhŏng oh sư, pơm ưh kơ 'lơ̆ng lăm pơlei sư, sư gô lôch yua kơ tơdrong yoch kơnê̆ mă sư đei pơm.
Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.
Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!
Wă pơm tơdrong tơpăt kơ lu mơti kơ 'bă păng lu bơngai mă đe pơjuă pơđep. Wă kơ lu kon bơngai mă lĕch đơ̆ng 'mui teh, ưh pă pơm tơhli băl dơ̆ng.
Trong sư đei jinga ling-lang; Tơdrong Ih sek tơlang Kră Yang tih tơpă hloh kơ, măt lu sư 'bôh; Sư hiĕk pơjăm đĭ-đăng lu ayăt kơ sư.
Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.
Mă-lei Pharaôn tơl: Kră Yang noh bu? Mah athei inh chu kơ nơ̆r Sư, ăn kon pơlei Isơrael năm? Inh ưh kơ băt Kră Yang ôh; kư̆m ưh kơ ăn kon pơlei năm mơ̆n.
Tơdrong 'lơ̆ng tơpăt Ih tih dêh, Mă ăn boih kơ lu bơngai hli yom kơ Ih păng ăn boih kơ lu bơngai năm kơ'nơp lăm Ih. 'Bơ̆t anăp lu kon bơngai.
Lu sư blei hiap, pơma kơnê̆ tơpă; Lu sư pơjăm pơjuă đe nai, na chă đon wă pơjuă bơngai nai.
Đơ̆ng hơpiĕt gơh pơm kơ bơ̆n arih dah lôch; Bu 'mêm kơ sư gô yua sa đơ̆ng plei noh.
Lu sư wih brŏk mă-lei ưh kơ tơklă tơ Kră Yang Tih Hloh, lu sư kư̆m thoi hră đe prah rĕng tơ nai. Lu kră pơgơ̆r lu sư gô pơ̆k lôch kơ đao gưm, yua kơ hơpiĕt lu sư pơma hơlĕnh. Tơdrong noh pơm kơ đe hiĕk ăr che bơle kơ lu sư tơ lăm char Êyiptơ.
