4 Athei bơnê na mơ̆t lăm 'măng jang Sư, bơnê ư-ang bĕ na mơ̆t lăm cham Sư. Bơnê bĕ kơ Sư păng hơri ư-ang kơ anăn Sư.
Dang ei, ơ Kră Yang 'Bok Kei-Dei lu nhôn, lu nhôn bơnê kơ Ih păng hơri ư-ang anăn Ih.
Đawit khan kơ đĭ-đăng tơpôl: “Iĕm athei hơri bơnê kơkuh kơ Kră Yang 'Bok Kei-Dei lu iĕm.” Na đĭ-đăng khŭl tơpôl hơri bơnê hloi kơ Kră Yang 'Bok Kei-Dei yă 'bok lu sư, lu sư kŭp kơ̆l drap kơkuh kơ Kră Yang, păng kơkuh kơ pơtao.
Ơ Jêrusalem, jơ̆ng lu nhôn dơ̆ng 'bơ̆t 'măng jang ih.
Tơ noh adrĕch kon pơlei tŏk năm. Lu adrĕch adrung Kră Yang tŏk kiơ̆ kơ nơ̆r tơtă kơ lu bơngai Isơrael, wă kơkuh bơnê kơ Anăn Kră Yang.
Ơ Kră Yang 'Bok Kei-Dei, tơ Siôn Ih trŏ kơ đe kơkuh bơnê. Lu sư gô pơkeh dôm nơ̆r đêl lu sư pơkă, hăm Ih!
Inh gô iŏk tơmam soi 'buh na mơ̆t lăm hnam Ih. Pơkeh kơ nơ̆r đêl inh pơkă hăm Kră Yang.
Bĕ bơ̆n năm 'bơ̆t anăp Sư hăm nơ̆r bơnê. Chơt hiôk 'nă hal hăm nơ̆r hơri bơnê kơ Sư.
Hơri bĕ kơ Kră Yang păng bơnê ư-ang kơ anăn Sư; Rim năr athei ră roi tơdrong Sư dŏng pơklaih,
Pơyơ̆r ăn bĕ tơdrong ư-ang Kră Yang. Mă trŏ kơ Anăn Sư. Athei chĕp tơmam soi na mơ̆t tơ cham hnam Sư.
Ăn kơ lu sư hơri kơkuh kơ anăn Ih mă tih hloh trŏ kơ hli; Sư boih 'lơ̆ng rơgoh;
Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.
Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.
