Hagai 2:3 - Sơ̆p Hlabơar Nơ̆r 'Bok Kei-Dei

³ ‘Bơngai bu mă oei oei lăm lu iĕm mă đei 'bôh boih tơdrong ư-ang kơ hnam âu adrol sơ̆ păng dang ei iĕm 'bôh sư thoi yơ? Sư oei 'bơ̆t anăp hăm trŏ thoi răm đĭ?’

Hagai 2:3 交叉參考

I Ho 22:5

Đawit khan: Sôlômôn kon drŏ-nglo inh oei tơdăm tam mă gơh jang ôh, mă pơm hnam Kră Yang athei pơm 'lơ̆ng rŏ krưp tơpă, đei tơdrong ư-ang, tơ jơ̆p-jang char, na inh gô chă hơmet lê̆ adrol. Thoi noh. Đawit chă hơmet tôm tơmam adrol kơ sư lôch.

Esơra 3:11

Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Esơra 3:12

Lơ 'bok soi, bơngai Lêwi, kơdră adrĕch adrung, wă khan lu đe kră mă 'bôh hnam akŭm adrol, lu sư nhơ̆m re kơplah đe man hơnă hnam akŭm 'nao 'bơ̆t anăp lu sư. Kŭm đei lơ bơngai nai đei nơ̆r ôr re hiôk chơt 'nă hal;

Êsai 64:10

Lu pơlei rơgoh Kră Yang đĭ jing char glă; Siôn đĭ jing char glă, Jêrusalem đĭ jing bri juơ.

Êsêkiên 7:20

Đơ̆ng lu tơmam drŏ-kăn pơguăng 'lơ̆ng rŏ mă lu sư pơang kơdih; lu sư yua tơmam noh pơm rup yang kơkuh kơnê̆ krưp. Lei na Inh gô pơm kơ tơmam noh jing tơmam 'mê̆-'mach kơ lu sư!

Hagai 2:9

Tơdrong ư-ang kơ hnam đơ̆ng rŏng âu, gô tih hloh kơ ư-ang hnam adrol ki sơ̆, Kră Yang khan thoi noh păng Inh gô ăn tơdrong rơnŭk rơnua lăm anih 'nâu.’ Kră Yang Tih Hloh khan thoi noh.”