Êsai 4:5 - Sơ̆p Hlabơar Nơ̆r 'Bok Kei-Dei

⁵ Tơ jơ̆p anih kơpal kông Siôn, tơ kơpal anih kon pơlei akŭm, Kră Yang pơm hơmơ̆l hăm 'nhui gom kơ 'năr păng pla ŭnh pơchrang hơdah kơmăng. Tơpă, thoi đei minh blah che gom jơ̆p-jang kơ tơdrong ư-ang.

Êsai 4:5 交叉參考

Ne 9:12

Kơ'năr Ih yua hơmơ̆l chông anhăk lu sư păng kơmăng Ih yua jrăng ŭnh, wă pơchrang hơdah kơ lu sư yak năm rok trong.

Horiso 78:14

Sư chông ba lu sư kơ'năr hăm hơmơ̆l, kơmăng hăm hơdah ŭnh.

Êsai 60:1

Iung bĕ pơchrang bĕ! Yua kơ tơdrong hơdah ih truh bơih, păng tơdrong ư-ang Kră Yang pơchrang kơpal ih.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 33:20

Lăng bĕ tơ Siôn jơ̆ pơlei tih lu bơ̆n pơm giĕng tih. Măt ih gô 'bôh pơlei Jêrusalem, jơ̆ anih hiôk hơđơ̆ng, jơ̆ anih oei ưh kơ đei layơ pôk tơplih tơ nai dơ̆ng, lu 'long pơ̆ng, ưh kơ đei layơ toh lê̆ ôh, kư̆m ưh kơ đei tơlei minh dăng ayơ kơtĕch mơ̆n!

Horiso 85:9

Tơpă tơdrong sư dŏng pơklaih oei jê̆ tơ lu đe bu mă hli yom kơ sư. Wă kơ tơdrong ư-ang đei oei lăm char bơ̆n.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Le 14:24

Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang.

Êsai 37:35

Inh gô dŏng tơgŭm pơlei tih âu păng dŏng pơklaih sư, yua kơ Inh khan boih păng yua kơ Inh pơkă boih hăm Đawit đĭch đam Inh.

Êsai 32:18

Kon pơlei Inh gô pơdơh oei lăm anih hiôk-hian, lăm hnam hiôk hơđơ̆ng, lăm anih pơdơh rơnŭk rơnua.

Horiso 111:1

Halêluya! Inh hơri bơnê kơ Kră Yang hăm đĭ jơhngơ̆m. Lăm năr lu bơngai 'lơ̆ng tơpăt akŭm tih.

Le 26:7

Ih kư̆m athei pơm mơjĭt-mônh blah che hơ'bơ̆l hăm sŏk bơbe, wă klơ̆p kơpal Bơsŭn Anih Akŭm.

Le 26:1

Ih athei yua mơjĭt blah che 'bui se hơ'bơ̆l wă pơm Bơsŭn Anih Akŭm tanh păng brai jơk, 'brê gôh, 'brê hơhĭm, ih athei tanh rup chêrubim tanh mă đen 'lơ̆ng.

Mathiơ 18:20

Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”

Le 24:16

Tơdrong rang hơdah 'lơ̆ng Kră Yang tơ kơpal kông Sinai; lăm tơdrâu năr hơmơ̆l gom kông, truh năr mă tơpơh Kră Yang đơ̆ng lăm hơmơ̆l krao Môis.

Horiso 105:39

Sư bơyar hơmơ̆l wă kơ pơyơ̆l kơ kon pơlei Sư, Păng kơmăng đei ŭnh pơchrang hơdah.

Êsai 60:2

Măng mu gô gom jơ̆p kơ teh đak păng măng klăm gô klơ̆p lu kon pơlei. Mă-lei Kră Yang gô pơchrang tơ kơpal ih păng tơdrong ư-ang Sư gô tơ'bôh tơ kơpal ih.