Êsai 3:9 - Sơ̆p Hlabơar Nơ̆r 'Bok Kei-Dei

⁹ Muh măt lu sư tơ'bôh pơdah blah plơ̆ kơdih akâu lu sư; lu sư pơdah tơdrong yoch lu sư kơdih thoi pơlei Sôđôm, ưh kơ gơh ôn hlơp ôh, Răm-'băm dêh kơ bơhngol lu sư, yua kơ lu sư ba tơdrong răm kơdih akâu.

Êsai 3:9 交叉參考

Bl 13:13

Kon pơlei Sôđôm kơnê̆ păng lu mơ'nah pơm yoch tih dêh hăm Kră Yang.

Bl 19:34

Na năr dơning dơ̆ng, mŏ sư khan kơ oh sư: “'Nâu măng hei inh 'bĭch hăm 'bă boih; na ba kư̆m athei hling tơdrô gai 'bă dơ̆ng, na lê̆ e năm 'bĭch hăm 'bă, wă kơ đei adrĕch ioi đơ̆ng 'bă.”

Bl 4:5

Mă-lei ưh kơ đei lăng Kain păng kư̆m ưh kơ iŏk tơmam soi sư, na Kain blĕk dêh mah 'bri 'bra muh măt sư.

II Pot 9:30

Kơplah Jêhu năm truh tơ pơlei Jêsreel. Jêsebel kơtơ̆ng băt na iŏk chŭr pik muh măt, hơmet sŏk, pơhrôp hơbĕn 'nao mă 'lơ̆ng, đơ̆ng noh dơ̆ng tơmang đơ̆ng 'măng-'mŏk sư.

Horiso 10:4

Lu bơngai kơnê̆ pơang, ưh kơ wă chă Kră Yang. Đĭ tơdrong sư tơchĕng khan ưh kơ đei Kră Yang ôh.

Tơdrông Pơđơk 15:32

Bơngai bu sơngah kơ tơdrong teh bơtho, areh kơ bơhngol kơdih. Mă-lei bơngai bu chu mơ̆ng nơ̆r đe chrih bơtho, gơh đei hlôh wao.

Tơdrông Pơđơk 30:13

Đei khŭl bơngai muh măt lu sư pơm pơrŏ, Tưk kơnur pơang dêh.

Tơdrông Pơđơk 8:36

Mă-lei bơngai bu sơngah kơ Inh, gô pơrăm bơhngol sư kơdih; Bơngai bu areh kơ Inh, chă tơdrong lôch.

Êsai 1:10

Ơ lu kră wei-lăng plei Sôđôm, mơ̆ng bĕ nơ̆r Kră Yang khan. Ơ kon pơlei Gômôrơ, pơgling đon iĕm mơ̆ng bĕ khôi juăt Kră Yang 'Bok Kei-Dei lu bơ̆n.

Êsai 3:16

Kră Yang khan: “Lu kon drŏ-kăn Siôn pơrŏ yak toh hơko, măt lu sư lăng cheng hơ'nhưp wă kơ đe hưch, lu sư yak nơnăm mơtuĭ mơtuă, mơgriu re kong jơ̆ng.

Êsai 57:20

Mă-lei lu bơngai kơnê̆ nhen thoi đak dơsĭ poh-yă ưh kơ gơh pơdơh hreh, đak dơsĭ tơdrŏ, teh trôk đông tŏk.

Êsai 59:12

Tơdrong yoch lu nhôn pơm rai lơ 'bơ̆t anăp Ih. Tơdrong yoch lu nhôn roi pơdah, ayăt hăm lu nhôn. Tơdrong yoch kơnê̆ lu nhôn oei oei hăm lu nhôn, păng lu nhôn băt tơdrong yoch kơnê̆ lu nhôn.

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 3:3

Thoi noh na Inh pơgăn lê̆ đak 'mi, đak 'mi kư̆m pă đei lăm bơyan rei pơtăm. Lei ră ih ưh kơ đei mơlâu pơm 'mơng thoi drŏ-kăn ngôi kư̆ kă.

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Nhom 5:16

Môk pơtao pơlôch boih đơ̆ng kơ̆l lu nhôn, Lu nhôn pơmat-tat dêh, yua kơ lu nhôn pơm yoch!

Êsêkiên 16:30

Kră Yang Tih Hloh khan: Liơ jơhngơ̆m ih 'maih dêh ưh kơ kĕ kơ gơ̆t, ih đei pơm dôm tơdrong noh, ih pơm pơyô kư̆ kă thoi bơngai đi pă hrơ.

Êsêkiên 16:49

'Nâu tơdrong yoch oh drŏ-kăn ih Sôđôm: Sư păng lu kon drŏ-kăn sư pơang, sŏng sa phĭ jơnap, tơmam sa rơkah rơkai, mă-lei ưh kơ tơgŭm lu bơngai dơnuh hin pơmat-tat.

Êsêkiên 23:16

Lăp sư 'bôh lu linh noh, sư hưch dêh, athei bơngai năm truh tơ lu sư lăm char Kađê.

Da 7:20

Inh kư̆m wă kơ băt sĭt gah mơjĭt tŏ hơke tơ kơ̆l sư păng đei pêng tŏ hơke mă tơgloh noh dơ̆ng. Hơke 'nâu đei măt lơ păng đei 'bơ̆r gơh pơma lu nơ̆r pơrŏ pơang păng hơbŏ rup sư pran kơtang hloh kơ lu hơke nai.

Hôsia 13:9

Ơ lu bơngai Isơrael, Inh gô pơrăm iĕm, yua kơ lu iĕm sơngah păng blah Inh, Tơ'ngla mă dŏng tơgŭm iĕm.

Hôsia 5:5

Tơdrong pơang lu bơngai Isơrael kơdranh blah lu sư; khŭl Isơrael, khŭl Êphraim gô pơ̆k huŏng yua kơ tơdrong yoch lu sư kơdih. Khŭl Juđa kư̆m gô pơ̆k huŏng hơdai hăm lu sư.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

Tơdrông Tơ'bôh 11:8

Bre sư pơ̆k lôch 'bơ̆t tŏk-bŏk trong pơlei tih, mă đe anăn ngôi Pơlei Sôđôm hăm dêh Êyiptơ, pơlei mă đe pơ̆ng pơlôch Yŏng bre sư tơ 'long pơglang sơ̆.

I Sam 15:32

Samuel khan: Chông ba Agak, pơtao bơngai Amalek năm tơ inh: Agak năm hơdar hơdêh truh tơ sư, tơchĕng lăm to khan: Tơdrong lôch pơmat-tat hlôi boih.