Êphêsô 4:8 - Sơ̆p Hlabơar Nơ̆r 'Bok Kei-Dei

⁸ Tơdrong 'noh kư̆m thoi đe chih khan lê̆ tơ lăm sơ̆p hla bơar 'Bok Kei-Dei sơ̆ thoi âu: “Lăp Sư tŏk tơ plĕnh ti Sư anhăk ba lơ lu bơngai bơnă mă đêl ayăt kơ Sư, păng Sư asong tơmam ăn kơ dôm lu bơngai mă Sư 'mêm.”

Êphêsô 4:8 交叉參考

Esther 2:18

Đơ̆ng noh pơtao pơih sŏng sa tih, krao lu kuan tih păng lu yŏng pơgơ̆r, hăm asong ăn đĕch tơmam kơ kon pơlei păng pơtao kư̆m tơjur thuê̆ lăp ai ăn kơ rim tơring.

Horiso 68:18

Kră Yang oei tơ kơpal kông. Anhăk ba lu bơnă; Kră Yang iŏk tơmam đơ̆ng kon bơngai pơyơ̆r, Păng kư̆m iŏk đơ̆ng lu bơngai ayăt mơ̆n. Kră Yang Kră Yang 'Bok Kei-Dei gô oei hơdai hăm sư.

Tơdrông Pơđơk 30:4

Bu tŏk tơ plĕnh boih, na jur dơ̆ng? Bu pơpôi boih kial lăm tơpang ti sư? Bu 'nŭng boih đak lăm ao sư? Bu man pơjing bơih tôm kơ teh đak âu kơjăp. Anăn sư bu, păng anăn kon tơdăm sư bu? Tơdah ih băt roi bĕ kơ inh.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

Kôlôsê 2:15

Kơplah Yêsu Krist oei tơ 'long pơglang noh sơ̆ Sư blah rôp lu yŏng pơgơ̆r yang kơnê̆, iŏk đĭ lu khêl đao lu sư păng dui anhăk lu sư na tơ'bôh kơ đe tơdrong tơblah jei Sư boih.

Lu 5:12

Ơ Đêbôra, Hơđơ̆r bĕ, hơđơ̆r bĕ! Hơđơ̆r bĕ, hơđơ̆r bĕ, hơri bĕ minh bai hơri! Ơ Barak, iung bĕ! Chông ba lu bơnă ih, Ơ kon drŏ-nglo Abinôam,

I Sam 30:26

Đawit wih brŏk tơ Siklak păng asong ăn tơmam kơ lu đe kră lăm dêh Juđa păng kư̆m gơih nơ̆r pơma khan: Gơih ăn kơ iĕm tơmam âu. 'Nâu jơ̆ tơmam asong ăn kơ lu iĕm đơ̆ng tơmam bơ̆n blah tơgar iŏk đơ̆ng lu bơngai mă ayăt kơ Kră Yang.