Êphêsô 2:10 - Sơ̆p Hlabơar Nơ̆r 'Bok Kei-Dei

¹⁰ Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Êphêsô 2:10 交叉參考

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Horiso 119:3

Lu sư ưh kơ pơm glăi, Mă-lei arih kiơ̆ trong Kră Yang

Horiso 138:8

Kră Yang gô pơm keh dôm tơdrong Sư pơkă kơ inh. Ơ Kră Yang, tơdrong 'mêm Ih oei oei ling-lang; Apinh Ih 'nĕ kơ lê̆ dôm tơdrong jang đơ̆ng ti Ih.

Horiso 51:10

Ơ Kră Yang 'Bok Kei-Dei! Apinh Ih pơjing lăm Inh đei minh jơhngơ̆m 'lơ̆ng rơgoh,a Păng pơjing ming 'nao lăm inh minh pôm bơhngol tơpăt.

Horiso 81:13

Ơ! Rŏ kơ lu kon pơlei Inh oei mơ̆ng Inh. Rŏ kơ Isơrael chu yak kiơ̆ trong Inh!

Êsai 19:25

Pêng tŏ teh đak Kră Yang Tih Hloh sơkat ăn pŭn hiôk kơ lu sư, khan: “Pŭn hiôk kơ Êyiptơ kon pơlei Inh, Asiri tơdrong jang đơ̆ng ti Inh, Isơrael jơ̆ mŭk tơmam Inh.”

Êsai 29:23

Mưh lu sư 'bôh lu kon hơ'lơ̆p sư, jơ̆ tơdrong jang đơ̆ng ti Inh pơm kơ lu sư, lu sư gô pôk pơyom kơ anăn Inh 'lơ̆ng rơgoh băt pơyom kơ Tơ'ngla 'lơ̆ng tơpăt Jakôp, păng gô hli yom kơ Kră Yang 'Bok Kei-Dei đe Isơrael.

Êsai 43:21

Inh pơjing bơih lu kon pơlei âu, ăn kơ Inh, lu sư gô ră roi bơnê kơ inh.

Êsai 43:7

Lu bơngai mă Inh krao hăm anăn Inh, Inh bơih pơjing lu sư, wă ư-ang kơ Inh, tơpă Inh bơih pơjing lu sư.

Êsai 44:21

“Ơ Jakôp, 'blŏk bĕ lu tơdrong 'nâu yua kơ iĕm jơ̆ đam Inh. Ơ Isơrael Inh bơih pơjing iĕm, iĕm đam Inh Ơ Isơrael Inh ưh kơ hiơt kơ iĕm ôh.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Yo 3:21

Mă-lei dah bu pơm tơpăt, sư ưh kơ hli năm jê̆ tơdrong hơdah păng wă kơ đe 'bôh dôm tơdrong tơpăt sư pơm đơ̆ng 'Bok Kei-Dei ăn kơ sư.”

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Jang 9:36

Tơ Pơlei Japa đei bơngai lui kơ Yêsu, anăn sư Tabitha lăm nơ̆r Juđê, Đêka lăm nơ̆r Grĕk. Yă Đêka ling-lang sư gơh tơgŭm đe bơngai dơnuh hin păng gơh mơnat kơ đe.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

Rom 8:29

Lu bơngai thoi noh, hơdrol kơ đe tam mă tơpŭ kơ sư sơ̆, 'Bok Kei-Dei băt kơ lu sư hơdrol boih. Lu bơngai thoi noh 'Bok Kei-Dei pơkă wă ăn jing kon Sư thoi Yêsu Krist; Yêsu Krist jing 'Nhŏng Kơdră lu sư, lu sư jing oh Yêsu.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

II Kor 5:5

Tơdrong noh 'Bok Kei-Dei ăn kơ bơ̆n, Sư kư̆m ăn kơ bơ̆n Yang Bơhngol 'Lơ̆ng, wă kơ bơ̆n băt bơ̆n gô đei akâu 'nao tơpă.

II Kor 9:8

'Bok Kei-Dei gô ăn kơ iĕm tơmam rơkah rơkai, wă kơ iĕm đei tôm tơmam ling-lang păng wă kơ iĕm chă tơgŭm đe nai dơ̆ng.

Galati 6:15

Tơdrong kăt tơdra akar ưh kơ đei kăl kiơ ôh. Tơdrong Yang Bơhngol 'Lơ̆ng ăn kơ bơ̆n jing bơngai 'nao, 'noh đĕch kăl.

Êphêsô 1:1

Inh Pôl bơngai 'Bok Kei-Dei rơih pơm jơ̆ng 'bang Yêsu Krist. Inh chih hơpong kơ lu kon 'Bok Kei-Dei tơ Pơlei Êphêsô, lu iĕm bơngai lui kơjăp minh jơhngơ̆m minh đon hăm Yêsu Krist.

Êphêsô 1:4

Adrol kơ 'Bok Kei-Dei tam mă pơjing plĕnh teh sơ̆, Sư rơih iŏk bơ̆n boih, yua kơ Yêsu Krist wă lôch tang bơ̆n. Sư rơih iŏk bơ̆n wă kơ bơ̆n jing 'lơ̆ng tơpăt huay kơ đei tơdrong yoch 'bơ̆t anăp Sư.

Êphêsô 2:13

Mă-lei mă khan iĕm ataih đơ̆ng 'Bok Kei-Dei dang noh sơ̆, dang ei truh tơ Sư boih, yua kơ Yêsu Krist lôch tuh pham tang iĕm tơ 'long pơglang, pơm kơ iĕm jing minh jơhngơ̆m minh đon hăm Sư.

Êphêsô 2:15

Yua kơ akâu Sư kơdih lôch tang đĭ-đăng kơ bơ̆n, mă bơngai Juđê, mă bơngai nai, na tơdrong juăt sơ̆ mă pơm kơ bơ̆n tơklah băl, dang ei ưh pă kăl kơ tơdrong juăt 'noh dơ̆ng boih; yua kơ tơdrong juăt 'noh sơ̆ pơm kơ bơ̆n tơklah băl jing 'bar khŭl. 'Bar khŭl 'noh sơ̆ dang ei pơm jing minh ưh pă areh băl boih,

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

Êphêsô 2:6

Păng bơ̆n kư̆m dang 'Bok Kei-Dei atŏk tơ plĕnh hơdai hăm Yêsu Krist boih. Păng dang bơ̆n oei hơdai hăm Sư tơ plĕnh, yua kơ bơ̆n pôm đon pơgơ̆p hơdai hăm Yêsu Krist.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

Êphêsô 4:24

na jing bơngai 'nao, bơngai mă 'Bok Kei-Dei pơjing hơbŏ thoi Sư, wă kơ bơ̆n pơm 'lơ̆ng tơpăt kiơ̆ thoi Sư wă.

Both 32:6

Ơ kon pơlei kơhlôh kơwao ưh kơ đei đon tơchĕng, lu iĕm pơm kơ Kră Yang thoi noh hă? Ưh kơ trŏ kơ 'Bă lu iĕm hă, ưh kơ tơ'ngla pơjing iĕm hă? Ưh kơ trŏ Sư pơjing iĕm jing adrĕch adrung Sư hă?

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Philip 1:6

'Bok Kei-Dei jô̆ iĕm jing bơngai 'lơ̆ng boih, na inh băt tơpă Sư gô tơgŭm iĕm ling-lang truh tơ năr Yêsu Krist jur ning-mônh.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Kôlôsê 3:10

Bơ̆n jing bơngai 'nao boih, 'Bok Kei-Dei pơjing bơ̆n 'nao hơbŏ thoi Sư, ăn kơ bơ̆n rai đunh rai hơgei hlôh tôm tơdrong Sư.

II Tes 2:17

Nhôn krao khan apinh Sư ăn kơ jơhngơ̆m iĕm hiôk chơt ling-lang păng ăn kơ iĕm nuih pran gơh pơm tôm tơdrong 'lơ̆ng tơpăt, nơ̆r pơma kư̆m athei pơma ling-lang mă tơpăt.

I Tim 2:10

Bơngai bu lui kơ 'Bok Kei-Dei sư ưh kơ gơh pơm thoi noh ôh. Sư athei đei đon 'mêm mơnat kơ đe păng asong đe tơmam.

I Tim 5:25

Lei-lăi thoi noh mơ̆n, đei lu bơngai pơm 'lơ̆ng tơpăt bơ̆n kư̆m 'bônh kơ 'bôh tơdrong 'lơ̆ng sư mơ̆n. Phŏ phŏ tơdrong 'lơ̆ng sư pơm ưh kơ 'bôh dang ei, mă-lei ning-mônh bơ̆n kư̆m 'bôh.

I Tim 6:18

Ih khan kơ lu bơngai mơdrŏng athei pơm jơhngơ̆m 'lơ̆ng păng đe păng athei gơh tơgŭm mơnat kơ lu bơngai dơnuh hin tơmam.

II Tim 2:21

Bơngai bu hŭt lê̆ dôm tơdrong kơnê̆ sư, bơngai 'noh sư kư̆m thoi lĕ pơnhan chhĕr yua 'bơ̆t sŏng sa tih mơ̆n. Yŏng sư 'Bok Kei-Dei gơh yua sư dang ei hloi jang dôm tơdrong Sư, yua kơ sư đei đon 'lơ̆ng tơpăt.

II Tim 3:17

Thoi noh lu bơngai jang tơdrong 'Bok Kei-Dei, sơ̆p hla bơar 'Bok Kei-Dei tơgŭm sư lăm tôm tơdrong, lu sư ưh kơ đei kơ'bah.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Tit 2:7

Păng ih kơdih athei pơm 'lơ̆ng tơpăt lăm tôm tơdrong wă kơ lu bơngai lui pơm kiơ̆ thoi ih. Ih bơtho đe mă trŏ pơm mă khuơ̆ khuơ̆ wă kơ đe lăng bơ̆n bơtho tơpă.

Tit 3:1

Ih tơ'blŏk ăn kơ lu buăl lui athei sư lui yom kơ dôm lu kră pơgơ̆r; păng dôm tơdrong 'lơ̆ng sư wơh wă kơ bơ̆n pơm, bơ̆n athei pơm mă tơpă.

Tit 3:14

Ih khan kơ lu bơngai lui kơchăng gah tơdrong 'lơ̆ng ling-lang păng mơnat ăn kơ lu bơngai dơnuh hin tơmam. Thoi âu boih tơdrong jang bơ̆n yua.

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.

Hêbrơ 10:24

Bơ̆n athei băt tơchĕng gah tơdrong pơlung băl, wă kơ bơ̆n đei đon 'mêm mơnat hăm pơm 'lơ̆ng.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.