Da 2:4 - Sơ̆p Hlabơar Nơ̆r 'Bok Kei-Dei

⁴ Mă-lei lu bơngai Kalđê pơma hăm pơtao hăm nơ̆r Aram thoi âu: Kơkuh kơ ih pơtao hơpơi ăn kơ ih arih sot! Apinh ih roi bĕ tơdrong apo noh kơ lu đĭch đam ih păng lu nhôn gô tơblang.

Da 2:4 交叉參考

Bl 31:47

La'ban anăn pôi tơmo noh Jêgar Sahaduta,a Jêgar Sahaduta kiơ̆ kơ nơ̆r Aram khan pôi tơmo sĭt Galet kiơ̆ kơ nơ̆r Hêbrơ wă khan pôi tơmo sĭt gah Jakôp krao anăn Galet b

Bl 41:8

Pơgê dơning, jơhngơ̆m sư hiơ̆k bơngơ̆t, na athei krao lu bơngai hơgei, lu bơngai juăt kơ tơblang lăm dêh Êyiptơ năm tơ sư, na pơtao roi dôm tơdrong sư apo 'bôh noh lu sư mơ̆ng, mă-lei ưh kơ đei bu gơh tơblang ăn tơdrong apo noh kơ pơtao.

I Pot 1:25

Năr 'nâu sư jur năm pơyơ̆r tơmam soi rôp rơmo tơno, kon rơmo dăm bek păng triu lơ dêh, na sư kư̆m đei krao wơ̆n đĭ-đăng kon drŏ-nglo pơtao, Jôap yŏng linh, 'bok soi Abiathar; lu sư oei et sa 'bơ̆t anăp Adonija păng jreo ôr 'bơ̆r re khan: ‘Adonija pơtao arih sot!’

I Pot 1:31

Yă Batsêba kŭp kơ̆l drap tơ teh kơkuh kơ pơtao Đawit păng khan: “Hơpơi yŏng inh pơtao Đawit arih sot!”

II Pot 18:26

Kơplah noh Êliakim, kon drŏ-nglo Hilkia, Sepna păng Jôa khan kơ Rapsaka: “Pơma hăm nhôn đĭch đam ih nơ̆r Aram bĕ yua kơ nhôn hlôh nơ̆r noh. 'Nĕ kơ pơma hăm nhôn nơ̆r Juđa hli kơ kon pơlei kơpal dur noh băt.”

Esơra 4:7

Hlôi kơ chăl Artaserses, na Bislam, Mitrêdat, Tabêl păng hơdai đĭ 'bok kuan lu sư, chih roi ăn kơ Artaserses, pơtao Phersia. Hla bơar đe chih ei chih hăm nơ̆r Aram păng ăn kơ pơtao.

Ne 2:3

Na khan: Kơ pơtao hơpơi kơ pơtao arih ling-lang! Liơ mă inh ưh kơ sơ'ngon,

Êsai 36:11

Êliakim hăm Sepna păng Jôa khan kơ Rapsaka: “Apinh ih pơma hăm đĭch đam ih âu hăm nơ̆r Aram, yua kơ lu nhôn hlôh nơ̆r noh. Ih 'nĕ pơma nơ̆r Juđa hăm lu nhôn kơnh kon pơlei pơla oei tơ kơpal dur pơlei âu hlôh.”

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Da 1:4

Năm ba lu hơ'lơ̆p drŏ-nglo 'lơ̆ng huay kơ đei jĭ jăn, muh măt 'lơ̆ng hơbŏ, đei dôm tơdrong gơh hơgei, gơh tơchĕng hlôh wao, gơh băt dôm tơdrong, gơh jang tơ lăm anih hnam pơtao, bơtho kơ lu sư tơdrong gơh hơgei păng nơ̆r pơma bơngai Kalđê.

Da 2:7

Lu sư wơ̆t apinh mă 'bar dơ̆ng thoi âu: Apinh pơtao roi ăn kơ lu nhôn đĭch đam ih păng lu nhôn gô tơblang.

Da 3:9

Thoi noh lu đe ei ôr năm roi kơ pơtao Nebukatnessar thoi âu: Ơ pơtao, hơpơi kơ ih đei arih ling-lang!

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Da 4:7

Dang ei lu bơngai pơm tih lu bơngai Kalđê păng lu pơjâu truh đĭ, inh roi ăn đĭ-đăng tơdrong inh apo 'bôh kơ lu sư, mă-lei lu sư ưh kơ đei bu gơh tơblang ăn kơ inh.

Da 4:9

Ơ Beltơsatsar, ih pơm yŏng đĭ kơ lu bơngai hơgei, inh băt đei yang 'lơ̆ng oei lăm ih păng ưh kơ đei tơdrong kiơ mă hlơp mă tơnat kơ ih, thoi ei boih na apinh ih tơblang ăn kơ inh tơdrong inh apo 'bôh păng tơblang kơ inh bĕ.

Da 5:10

Yă pơtao, yua kơ kơtơ̆ng nơ̆r pơtao păng lu kuan tih đei pơma, na sư mơ̆t hloi tơ anih sŏng sa, sư khan thoi âu: Ơ pơtao, hơpơi kơ ih arih ling-lang! Apinh pơtao 'nĕ pă tơchĕng tơtăm, muh măt ih 'nĕ pă hơ'nhôi thoi noh!

Da 5:8

Kơplah ei đĭ-đăng lu bơngai hơgei mơ̆t; mă-lei lu sư đŏk chư noh ưh kơ gơh, kư̆m ưh kơ gơh wă tơblang ăn kơ pơtao mơ̆n.

Da 6:21

Na Đaniel khan kơ pơtao: Ơ pơtao hơpơi kơ ih arih ling-lang!

Da 6:6

Bre kơiĕng pơtao păng yŏng pơgơ̆r tơring lu sư năm khan păng apinh 'Bok pơtao thoi âu: Ơ pơtao Đarius, hơpơi kơ ih arih ling-lang!

Da 6:7

Đĭ kơ lu yŏng kơiĕng pơtao păng yŏng linh păng yŏng pơgơ̆r tơring lăm dêh char, lu bơngai bơ̆jang tih, lu sư pơđâu băl lăp đon boih wă apinh ih ăn tơdrong pơkăm gơret tơpă lăm pêng-jĭt năr, bơngai bu mă krao khan kơ yang nai dah krao apinh bu nai 'nguaih kơ pơtao, na, ơ pơtao, lu bơngai noh klơ̆m hơtat lê̆ sư tơ lăm war dăm-brang.

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

I Sam 10:24

Samuel khan kơ kon pơlei: Lu iĕm lăng 'nâu bơngai mă Kră Yang rơih iŏk? Lăm đĭ-đăng kon pơlei hoh-hoy ưh kơ đei bu dang sư ôh. Đĭ-đăng kon pơlei jreo păng ôr khan: Ăn kơ pơtao arih ling-lang!