Both 9:3 - Sơ̆p Hlabơar Nơ̆r 'Bok Kei-Dei

³ Mă-lei iĕm athei băt tơpă: Kră Yang 'Bok Kei-Dei iĕm năm adrol kơ iĕm, nhen thoi pla ŭnh khơ̆ng dơhlông sa, Kră Yang boih Sư gô pơlôch pơrăm lu sư. Pơm kơ lu sư chu thuơ, lu iĕm gô pơlôch lu sư 'mônh đĕch, thoi Kră Yang đei pơkă hăm lu iĕm.

Both 9:3 交叉參考

Le 23:23

Linh jang Inh gô năm adrol adrol kơ iĕm, chông ba iĕm mơ̆t tơ char lu bơngai Amôrit, bơngai Hêtit, bơngai Pêrisit, bơngai Kanaan, bơngai Hêwit păng bơngai Jêbus, na inh gô pơrăm lu sư.

Le 24:17

Tơdrong rang hơdah 'lơ̆ng Kră Yang tơ kơpal wĕch kông 'bơ̆t anăp lu bơngai Isơrael, thoi hơdah ŭnh sa kơdrơ̆ng.

Êsai 27:4

Inh ưh kơ hil ôh mă-lei tơdah sư đei jơla bơmrôm păng lu jơla hro 'bơ̆t anăp Inh. Inh gô blah lu sư, Inh gô soh lu sư lăm ŭnh hơdai.

Êsai 30:27

To Anăn Kră Yang truh đơ̆ng ataih, tơdrong sư hil khơ̆ng thoi ŭnh 'nhui ŭnh bluh găm suek puăn pah, hơkŭng Sư 'bĕnh kơ tơdrong hil, hơpiĕt Sư thoi kơ ŭnh dơhlông sa.

Êsai 30:30

Kră Yang gô pơm ăn kơ đe kơtơ̆ng jơwa nơ̆r rŏ krưp Sư, Sư gô tơ'bôh kơ đe kơkŏng ti Sư tơjur, lăm tơdrong Sư hil mĭl, thoi kơ ŭnh dơhlông sa, thoi kial hơbŭt, thoi 'mi prĕl.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Mi 2:13

Đei bơngai pơih trong adrol kơ lu sư, lu sư tơkan lĕch truh tơ 'măng jang pơlei, pơtao lu sư rok yak adrol kơ lu sư păng Kră Yang boih Tơ'ngla ba trong lu sư.

Mathiơ 15:10

Yêsu krao đĭ-đăng lu bơngai kiơ̆ ei na khan: “Apinh iĕm mơ̆ng Inh 'biơ̆ păng pơwao kơdih:

Markôs 7:14

Na Yêsu krao đĭ bơngai kiơ̆ ei năm tơ Sư păng khan: “Đĭ kơ iĕm mơ̆ng Inh păng pơwao kơdih.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Êphêsô 5:17

Thoi noh na bơ̆n athei kơchăng oei mă hơđơ̆ng 'nĕ kơ pơm thoi bơngai kơhlôh, adrol kơ wă pơm athei tơchĕng lăng 'mơ̆i wă kơ băt Kră Yang lăp đon kơ bơ̆n pơm dah ưh.

Both 1:30

Kră Yang 'Bok Kei-Dei lu iĕm năm adrol, sư gô tơblah dŏng lu iĕm, kư̆m thoi sư đei pơm boih 'bơ̆t anăp lu iĕm tơ dêh Êyiptơ.

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.

Both 20:4

Yua kơ Kră Yang 'Bok Kei-Dei lu iĕm gô năm hơdai hăm lu iĕm, tơblah lu ayăt dŏng lu iĕm păng ăn jei lu iĕm.

Both 4:24

Yua kơ Kră Yang 'Bok Kei-Dei iĕm thoi kơ ŭnh soh chhông păng jơ̆ Kră Yang 'Bok Kei-Dei băt kơ gar.

Both 7:16

Iĕm athei pơrăm lê̆ đĭ lu adrĕch mă Kră Yang 'Bok Kei-Dei iĕm jao ăn kơ iĕm boih kư̆m 'nĕ kơ mơnat kơ lu sư păng kư̆m 'nĕ kơ kơkuh kơ lu yang sư; yua kơ tơdrong noh gô pơm hơđong hơ'năk kơ iĕm.

Both 7:22

Kră Yang 'Bok Kei-Dei iĕm gô puh lê̆ adrĕch 'nâu 'bơ̆t anăp iĕm 'net 'net; iĕm ưh kơ gơh pơlôch lu sư minh 'măng tăm ôh, kơnh hli kơ sem bri rai lơ na pơrăm iĕm dơ̆ng;

Both 9:6

Thoi noh, iĕm athei băt; ưh kơ sĭ yua kơ đơ̆ng tơdrong 'lơ̆ng tơpăt iĕm, mă Kră Yang 'Bok Kei-Dei ăn kơ iĕm gơh iŏk teh đak 'lơ̆ng 'nâu; lu iĕm jơ̆ minh adrĕch arăng kơ̆l.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

Jôsuê 11:12

Jôsuê rôp đĭ lu pơtao, koh pơlôch lu sư hăm đao gưm, blah iŏk đĭ pơlei tih lăm char âu kiơ̆ thoi Môis đĭch đam Kră Yang đei tơtă.

Jôsuê 11:8

Kră Yang jao lu sư lăm tơpang ti bơngai Isơrael. Jôsuê păng đĭ-đăng lu linh blah drŭt lu sư truh tơ pơlei tih Siđôn, Mitrêphôt-Maim păng tơ pŭng-lŭng Mispa tơ gah hơlĕch, na pơlôch lu sư, ưh pă đei lê̆ bu oei arih.

Jôsuê 14:12

Hrei âu ăn bĕ kơ inh teh kông groi âu, mă Kră Yang pơkă boih wă ăn kơ inh lăm năr noh sơ̆, ih kư̆m kơtơ̆ng băt boih năr noh sơ̆ đei kon pơlei Anakim oei tơ noh păng đei pơlei tih să kơjăp, mă-lei đei Kră Yang tơgŭm inh, na inh gô pơpuh lu sư, kiơ̆ thoi Kră Yang khan boih.

Jôsuê 3:11

To Hom Pơgơ̆p Kră Yang kơ đĭ-đăng kon bơngai lăm kơpal teh gô năm adrol kơ lu iĕm jur lăm đak Krong Jôrđăn.

Jôsuê 3:14

Lăp kon pơlei yuih bơsŭn lu sư wă yak tŏk găn đak Krong Jôrđăn, lu 'bok soi tung Hom Pơgơ̆p Kră Yang năm adrol kơ kon pơlei.

Lu 4:14

Đêbôra pơma hăm Barak khan: Iung bĕ! Năr 'nâu boih năr mă Kră Yang pơjao Sisêra lăm ti ih. Hăm trŏ kơ Kră Yang năm adrol kơ ih? Thoi noh na Barak jur đơ̆ng kông Tabôr, đei mơjĭt-rơbâu 'nu bơngai kiơ̆ sư.