Both 7:26 - Sơ̆p Hlabơar Nơ̆r 'Bok Kei-Dei

²⁶ 'Nĕ kơ chĕp ba tơmơ̆t lăm hnam iĕm tơmam mă trŏ areh dêh noh, kơnh hli kơ iĕm wang dai lôch răm. Iĕm athei lăng areh krưp, yua kơ tơmam noh trŏ kơ wă pơrăm.

Both 7:26 交叉參考

Êsai 2:20

Lăm 'năr 'nei kơnh đe gô klơ̆m ăn kơ kơne, klơ̆m ăn kơ hơmiĕt, lu rup yang păng maih, hu, mă đêl lu sư pơm wă kơkuh.

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Êsai 41:24

Âu, lu iĕm ưh kơ rơ-a kiơ, tơdrong jang iĕm pơm kư̆m ưh kơ yua kiơ, bơngai mă rơih lu iĕm jơ̆ bơngai trŏ kơ areh krưp dêh tơpă.

Êsêkiên 11:18

Lu sư gô brŏk truh tơ teh đak lu sư păng hŭt lê̆ dôm tơdrong mă Inh areh păng dôm tơdrong kơnê̆ 'mê̆-'mach krưp đơ̆ng anih noh.

Êsêkiên 14:7

Khan kơ đĭ-đăng lu bơngai lăm adrĕch Isơrael păng đĭ-đăng tơmoi mă oei lăm Isơrael: Bơngai bu mă weh ataih đơ̆ng Inh, mă oei 'măn rup yang lăm jơhngơ̆m păng dan 'bơ̆t anăp lu sư tơdrong kơnê̆ yoch, wă pơm kơ đe kơtơih pơ̆k, na năm tơ'bơ̆p bơngai khan lê̆ adrol wă krao apinh Inh, Inh boih Kră Yang gô tơl tơwih kơ sư.

Hôsia 14:8

Ơ lu bơngai Êphraim, Inh wă pơm kiơ dơ̆ng hăm lu rup yang? Inh boih gô drơ̆ng tơdrong lu iĕm krao khan păng wei-lăng lu iĕm. Inh thoi minh tơnơm 'long hơngo hla iĕ hơdrih ling-lang đơ̆ng Inh boih mă lu iĕm đei plei.

Sa 5:4

Kră Yang Tih Hloh khan: “Inh gô wơh sơ̆p hla bơar âu năm, đơ̆ng noh sư gô mơ̆t tơ lăm hnam lu bơngai tơtông păng tơ hnam lu bơngai pơkă hơlĕnh; thoi noh sư oei hloi tơ lăm hnam lu đe noh păng sư gô pơrăm lê̆ hnam noh, mă khan pơm păng 'long dah păng tơmo.”

Rom 2:22

Iĕm bơtho đe 'nĕ pơm pơyô kư̆ kă, na bĭ iĕm hăm pơm? Iĕm hil kơ đe kơkuh kơ rup yang. Bĭ iĕm hăm tơtông iŏk tơmam đe kơkuh kơ rup yang noh ưh?

Both 13:16

Athei pơpôi iŏk pơđĭ lu tơmam đơ̆ng blah iŏk đơ̆ng lăm pơlei tih noh, năm tuh lê̆ tơ cham să na iŏk ŭnh soh pơlei noh păng đĭ-đăng mŭk tơmam lăm noh, thoi tơmam soi 'buh pơyơ̆r kơ Kră Yang 'Bok Kei-Dei iĕm, pơlei noh gô jing rơ̆m ngar ŭnh ling-lang hlŏng hloi, ưh pă bu gơh tơiung pơjing dơ̆ng.

Both 13:17

Dôm tơmam trŏ kơ đe pơrăm tơhiong ưh kơ đei bu mă chro ti iŏk ôh wă kơ Kră Yang huay kơ hil mĭl, na tơ'bôh tơdrong Sư 'mêm mơnat kơ iĕm ăn kơ iĕm hrôh ngôh rai lơ thoi sư đei pơkă pơkăm hăm lu 'bok iĕm sơ̆.

Both 13:18

Yua kơ iĕm chu nơ̆r Kră Yang 'Bok Kei-Dei iĕm, wei răk đĭ dôm nơ̆r Sư tơtă, mă inh bơtho ăn kơ iĕm năr 'nâu păng pơm tơdrong trŏ 'blep mă Kră Yang lăp đon.