Both 6:10 - Sơ̆p Hlabơar Nơ̆r 'Bok Kei-Dei

¹⁰ Layơ Kră Yang 'Bok Kei-Dei iĕm chông ba iĕm mơ̆t tơ dêh mă Sư đei pơkă pơkăm wă ăn kơ lu 'bok iĕm Abraham, Isăk păng Jakôp, wă ăn kơ iĕm, đei pơlei tih păng mơdrŏng mă lu iĕm ưh kơ đei man pơdơ̆ng.

Both 6:10 交叉參考

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Ne 9:25

Lu sư blah tơgar iŏk pơlei tih kơjăp păng chŭn mir teh 'lơ̆ng, lu hnam 'bĕnh kơ tơmam 'lơ̆ng, lu đak sơlŭng, pơgar hơmu, pơgar ôliwơ păng plei 'long lơ; lu sư sa phĭ mah rơkah rơkai păng bek, hiôk chơt lăm tơdrong 'mêm Kră Yang tih dêh.

Horiso 105:44

Sư jao ăn teh kơ lu sư đơ̆ng lu dêh char. Lu sư yua iŏk mir chŭn pơgar đơ̆ng lu kon pơlei.

Horiso 78:55

Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 19:1

Layơ Kră Yang 'Bok Kei-Dei iĕm pơlôch pơrăm đĭ boih lu adrĕch adrung mă oei lăm dêh char Kră Yang 'Bok Kei-Dei iĕm ăn mưh iĕm đei pơpuh lê̆ lu sư boih, mơ̆t oei lăm lu pơlei păng lăm hnam lu sư boih,

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Both 6:18

Athei pơm dôm tơdrong kiơ Kră Yang, khan 'lơ̆ng khan trŏ, na iĕm đei pŭn hiôk păng gơh mơ̆t tơ dêh 'lơ̆ng rŏ mă Kră Yang hlôi pơkă wă ăn kơ lu 'bok iĕm.

Both 6:23

Na Sư chông ba tơlĕch boih lu bơ̆n đơ̆ng dêh ei, Sư chông anhăk lu nhôn mơ̆t tơ dêh Sư mă pơkă wă ăn kơ 'bok lu bơ̆n; păng wă ăn kơ lu bơ̆n.

Both 8:12

Hli kơ gô sŏng sa phĭ mah rơkah rơkai boih, pơm hnam 'lơ̆ng rŏ, đei anih oei kơjăp boih,

Both 9:1

Ơ kon pơlei Isơrael, mơ̆ng bĕ! Lu iĕm wă tŏk kơ Krong Jôrđăn, wă mơ̆t tơblah puh tơweh lu adrĕch tih păng pran hloh kơ iĕm pơlei tih đei dur kơjung kơjăp truh tơ plĕnh.

Jôsuê 24:13

Inh ăn kơ lu iĕm teh đak mă lu iĕm ưh kơ ngĕ choh gleh hrat păng pơlei tih lu iĕm ưh kơ ngĕ kơ man pơjing păng lu iĕm iŏk oei tơ noh đĕch; lu pơgar hơmu hăm plei 'long ôliwơ lu iĕm yua pơm tơmam sa, lu iĕm kư̆m ưh kơ đei pơtăm.’