Both 33:9 - Sơ̆p Hlabơar Nơ̆r 'Bok Kei-Dei

⁹ Lêwi pơma khan: Inh ưh kơ lah 'bôh mĕ 'bă inh; Inh ưh kơnăl kơ 'nhŏng oh inh păng inh ưh kơ băt kon hơ'lơ̆p inh Yua kơ sư chu kiơ̆ nơ̆r Kră Yang. Kral kơchăng wei răk tơdrong pơgơ̆p Kră Yang.

Both 33:9 交叉參考

Bl 29:32

Lêa anăp tơpŭ kơ minh 'nu kon drŏ-nglo krao anăn sư Rubên, a yua kơ đei khan Kră Yang 'bôh tơdrong inh pơmat-tat; na dang ei klo inh gô 'mêm hưch kơ inh.

I Ho 17:17

Tơdrong âu Ih lăng thoi oei iĕ đĕch 'bơ̆t anăp Ih, Ơ Kră Yang 'Bok Kei-Dei, Ih kư̆m đei roi mơ̆n kơ dêh char pơtao đĭch đam Ih tơ anăp âu kơnh păng lăng inh thoi bơngai đei đe pơyom hloh, Ơ Kră Yang 'Bok Kei-Dei.

Jop 37:24

Yua kơ thoi 'noh na kon bơngai hli yom kơ Sư. Kră Yang ưh kơ đei hiơ̆k 'blŏk ôh kơ bơngai khan kơ sư kơdih gơh hơgei.

Horiso 119:57

Kră Yang jing mŭk tơmam inh boih. Inh đei pơkă wă wei răk nơ̆r Ih bơtho tơtă.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Lêwi 10:6

Đơ̆ng noh Môis khan kơ Arôn păng 'bar 'nu kon sư Êlêasar păng Ithamar: Iĕm 'nĕ kơ achăng sŏk ôh păng 'nĕ kơ hek ao lu iĕm kơdih, kơnh hli kơ lu iĕm lôch păng kơnh tơdrong hil mĭl Kră Yang gô truh kơ đĭ-đăng kon pơlei oei akŭm, mă-lei 'nhŏng oh lu iĕm, adrĕch Isơrael iĕm, athei nhơ̆m kơ lu bơngai mă Kră Yang soh chhông hăm ŭnh.

Lêwi 21:11

Sư ưh kơ gơh năm jê̆ bơngai lôch ôh, mă 'bă sư, dah mĕ sư lôch wă pơm kơ sư jing kơnê̆ 'mê̆-'mach.

Mathiơ 10:37

“Bu 'mêm kơ mĕ 'bă sư hloh kơ sư 'mêm kơ Inh, bơngai 'noh ưh kơ trŏ kơ tơbôl hăm Inh ôh. Bu 'mêm kơ kon sư hloh kơ sư 'mêm kơ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Mathiơ 12:48

Yêsu khan: “Bu mĕ Inh hăm oh Inh ei?”

Mathiơ 22:16

Lu sư wơh buăl lu sư năm hơdai khŭl pơtao Hêrôt năm jet Yêsu thoi âu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang.

Luka 14:26

“Bơngai bu wă kiơ̆ Inh, mă-lei sư 'mêm kơ mĕ 'bă sư, kon akăn sư, 'nhŏng oh sư hloh kơ sư 'mêm kơ Inh păng sư 'mêm kơ akâu sư kơdih, lei sư ưh kơ gơh jing bơngai kiơ̆ Inh ôh.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.

I Tes 2:4

Sơ̆ 'Bok Kei-Dei pơlong nhôn, na ăn kơ nhôn bơtho tơdrong 'nao 'lơ̆ng Sư. Yua kơ thoi noh na nhôn bơtho iĕm. Nhôn bơtho tơdrong Sư, ưh kơ sĭ wă kơ kon bơngai lăp đon kơ nhôn ôh. Nhôn wă kơ 'Bok Kei-Dei lăp đon kơ nhôn. Nhôn bơtho tơdrong Sư, ưh kơ sĭ thoi kon bơngai tơchĕng 'maih ôh, nhôn bơtho kiơ̆ thoi 'Bok Kei-Dei wă. 'Bok Kei-Dei pơlong lăng nhôn ling-lang wă băt kơ nhôn pơm trŏ dah ưh.

I Tim 5:21

Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.