Both 33:17 - Sơ̆p Hlabơar Nơ̆r 'Bok Kei-Dei

¹⁷ Rơmo tơno kơdră sư 'lơ̆ng rŏ pran kơtang. Ake sư noh ake rơmo tơno bri. Ake noh boih sư tơ̆m kon pơlei pơla. Dĭng truh tơ kon pơlei oei tôch teh đak, noh boih rơbâu hơngan 'nu bơngai Êphraim, kư̆m thoi dôm rơbâu 'nu bơngai Manase.

Both 33:17 交叉參考

Bl 48:19

Mă-lei 'bă sư ưh kơ chu, pơjah khan: 'Bă băt dăm, 'bă băt. Sư kư̆m jing minh adrĕch adrung sư kư̆m jing tih mơ̆n, kon, mă-lei oh sư jing minh adrĕch tih hloh oei tơ jơ̆p-jang dêh char lăm teh đak.

I Pot 22:11

Sêđekia, kon drŏ-nglo Kênaana hơjơ̆m pơm hơke păng bơsei khan: “'Nâu Kră Yang khan: ‘Hăm hơke 'nâu ih gô tơ̆m pơlôch pơrăm pơđĭ lu bơngai Aram!’ ”

I Ho 12:31

Minh puăt adrĕch adrung Manase đei mơjĭt-tơhngam rơbâu 'nu bơngai, lu sư đe rơih đei anăn lu sư năm wă pôk Đawit pơm pơtao.

I Ho 12:32

Kon sâu Isakar đei lu bơngai băt hlôh khei 'năr păng tơdrong jang kon pơlei Isơrael wă pơm; lu sư đei 'bar-hrĕng 'nu bơngai yŏng pơgơ̆r; na đĭ-đăng lu 'nhŏng oh sư lăm ala kơ lu sư pơgơ̆r.

I Ho 5:1

Rubên, kon drŏ-nglo kơdră Isơrael, yua kơ sư pơm pơ'mê̆ kơ giơng 'bă sư kơdih na krao kon kơdră noh, jing pơjao ăn kơ lu kon drŏ-nglo Jôsep, kon drŏ-nglo Isơrael; yua kơ noh lăm adrĕch adrung ưh kơ đei chih răk anăn sư kon kơdră.

I Ho 5:2

Mă Juđa pran kơtang hloh kơ lu 'nhŏng oh sư păng đơ̆ng sư na đei pơtao pơgơ̆r; mă-lei jing kon kơdră noh tơ Jôsep.

I Ho 5:23

Đei minh puăt bơngai Manase oei lăm dêh char noh lơ tơpă iŏk đơ̆ng dêh Basan truh tơ Baal Hermôn, tơ Sênir păng Kông Hermôn.

II Ho 18:10

Sêđekia kon drŏ-nglo Kênaana sư đei pơm hơke hăm mam păng khan: “'Nâu Kră Yang khan: ‘Hăm hơke 'nâu lu iĕm gô tơ̆m bơngai Siri dĭng truh tơ lu sư lôch răm đĭ.’ ”

Horiso 22:21

Pơklaih inh đơ̆ng 'bơ̆r dăm-brang, Đơ̆ng hơke rơmo bri, yua kơ Ih kơtơ̆ng boih nơ̆r inh krao.

Horiso 29:6

Sư pơm kơ char Liban pơplŏng thoi kon rơmo, păng Sirionb pơplŏng thoi kon rơmo dăm.

Horiso 44:5

Yua kơ đơ̆ng Ih lu nhôn puh tơlơ̆ lu ayăt kơ nhôn. Hăm anăn Ih, lu nhôn gô pơjuă lu ayăt mă blah lu nhôn.

Horiso 60:7

Gileat gah inh, Manase kư̆m lei lai; Êphraim môk kơlăm pĕng kơ̆l inh. Juđa jơ̆ 'long jra pơtao inh.

Horiso 92:10

Mă-lei Ih ăn kơ hơke inh rai kơjung thoi rơmo bri. Ih tuh boih kơ inh hăm đak pơgang 'bâu phu 'nao.

Êsai 34:7

Lu kon pơlei thoi rơmo bri tơno gô wang pơ̆k hơdai lu sư; đĭ lu rơmo bri dăm păng lu rơmo tơno pran kơtang. Teh đak lu sư 'bĕnh kơ pham. 'Mui teh hơiuh rơbơ̆r yua kơ rơmă.

Êsêkiên 34:21

Lu iĕm yua kơiĕng păng hơngiĕng na tŭn, iŏk hơke tơ̆m lu triu tơrăn dĭng mah lu sư jing tơklah tơklang.

Da 8:4

Kơplah noh inh 'bôh triu tơno năm tơ̆m hơnhaih tơ gah bơmơ̆t, gah yă-nơ̆m păng gah gơal. Ưh kơ đei kon sem brem kiơ gơh kĕ tơblah hăm sư păng ưh kơ đei bu kĕ pơklaih đơ̆ng ti sư. Sư wă pơm kiơ mơ̆ng kơ sư wă păng sư jing rai tih.

Hôsia 5:3

Inh băt kơ khŭl Êphraim; păng lu bơngai Isơrael, ưh kơ hlơp kơ Inh ôh. Dang ei, ơ Êphraim, ih pơm pơyô ngôi kư̆ kă boih; păng lu bơngai Isơrael 'mê̆-'mach boih.

Hôsia 6:4

Inh wă pơm liơ kơ lu iĕm, ơ bơngai Êphraim? Inh wă pơm liơ kơ lu iĕm, ơ bơngai Juđa? Iĕm 'mêm thoi tŭk pơgê hrôih, thoi đak ngom 'bônh kơ hrĕng.

Hôsia 7:1

Layơ Inh wă pơklaih lu bơngai Isơrael, tơdrong yoch kơnê̆ lu bơngai Êphraim, păng tơdrong kơnê̆ lu bơngai Samari pơdah boih; lu sư hơlĕnh pơdăr, lu bơngai tơtông tơ lăm, lu bơngai rôp tơgar iŏk tơ rok trong.

Jo 23:22

Kră Yang 'Bok Kei-Dei chông tơlĕch lu sư đơ̆ng dêh char Êyiptơ. Lu sư đei jơhngơ̆m pran thoi rơmo bri.

Jo 24:8

Kră Yang 'Bok Kei-Dei chông tơlĕch sư đơ̆ng dêh Êyiptơ, jơhngơ̆m lu sư pran kơtang thoi rơmo bri. Luăn sa lu dêh char nai, wă khan lu ayăt kơ sư. Gơ̆ pơchah lê̆ kơting lu sư, 'bet lu sư hăm 'brơ̆m hră,

Jo 26:34

'Nâu boih adrĕch adrung Manase, chih jô̆ lu sư đei pơđăm-jĭt 'bar-rơbâu tơpơh-hrĕng 'nu.

Jo 26:37

'Nâu adrĕch adrung lu kon drŏ-nglo Êphraim chih jô̆ lu sư, đei pêng-jĭt 'bar-rơbâu pơđăm-hrĕng 'nu. 'Nâu lu kon drŏ-nglo Jôsep kiơ̆ adrĕch adrung lu sư.

Jôsuê 17:14

Lu kon sâu Jôsep khan kơ Jôsuê: “Lu nhôn jing kon pơlei kơdrâ̆m lơ, yua kơ kiơ ih asong lu nhôn teh jang sa lăp minh đĕch, minh dơnih teh jang sa? Yua kơ Kră Yang ăn pŭn hiôk lơ kơ lu nhôn.”

Jôsuê 17:18

mă-lei char gah kông noh jing teh lu iĕm mă khan bri kơdrơ̆ng, lu iĕm chong muih jang truh tơ jơ̆p-jang mă să ataih, yua kơ lu iĕm gơh puh tơweh lu kon pơlei Kanaan, mă khan lu sư đei gre aseh mam pran kơtang ră.

I Sam 2:1

Hana krao apinh păng khan: Jơhngơ̆m inh chơt hiôk lăm Kră Yang; Kră Yang pơm ăn kơ jơhngơ̆m inh hiôk chơt. 'Bơ̆r inh pơma pơgreh khan kơ lu bơngai ayăt kơ inh. Inh chơt hiôk Ih dŏng pơklaih inh.