Both 33:12 - Sơ̆p Hlabơar Nơ̆r 'Bok Kei-Dei

¹² Môis sơkat kơ Bênjamin; ăn kơ bơngai mă Kră Yang 'mêm kơeng gơh oei hiôk-hian lăm Sư. Prăt năr đei Kră Yang wei-lăng sư, tơpă bơngai mă Kră Yang 'mêm oei tŏk-bŏk 'bar pah hơngiĕng Sư.

Both 33:12 交叉參考

II Sam 12:24

Đawit pơlung Batsêba, akăn sư, Đawit năm tep hơdai hăm akăn sư; akăn sư tơpŭ kơ minh 'nu kon drŏ-nglo krao anăn sư Sôlômôn, Kră Yang 'mêm kơ sư dêh.

II Sam 12:25

Yua kơ Kră Yang 'mêm kơ nge noh dêh, na Sư wơh Nathan bơngai pơtruh nơ̆r sư krao anăn nge noh Jêđiđia.

I Pot 12:21

Lăp Rôbôam truh tơ pơlei Jêrusalem bơih, sư krao akŭm đĭ-đăng adrĕch Juđa păng adrĕch adrung Bênjamin đei minh-hrĕng tơhngam-jĭt rơbâu 'nu linh tơblah, wă tơblah hăm bơngai Isơrael, wă iŏk tơwih teh đak 'noh ăn kơ Rôbôam, kon drŏ-nglo Sôlômôn.

II Ho 11:1

Rêhôbôam wih brŏk tơ Jêrusalem, akŭm pơđĭ lu linh bơngai Juđa păng Bênjamin, đei minh-hrĕng tơhngam-jĭt rơbâu 'nu wă tơblah hăm lu bơngai Isơrael, wă kơ pơdrâu iŏk dêh char ăn kơ Rêhôbôam dơ̆ng.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

Horiso 132:14

“Âu boih anih Inh mă pơdơh ling-lang hlŏng hloi. Inh gô oei tơ âu, Yua kơ inh wă thoi noh.

Horiso 60:5

Wă kơ bơngai bu mă Ih 'mêm gơh klaih hlôi. Apinh Kră Yang yua ti 'ma Ih pơklaih păng tơl tơwih kơ nhôn.

Horiso 91:4

Sư gô pĕng bơwei ih hăm sŏk pơnăr sư. Ih gô kơ'nơp tơ ala pơnăr sư. Tơdrong tơpăt Sư jing khêl păng kơđông kơjăp pĕng ih.

Le 28:12

Klaih kơ noh tah 'bar tŏ tơmo gĭt tơ tơlei 'băk tơ hơngiĕng wă pơm 'blŏk hơdơ̆r kơ kon drŏ-nglo Isơrael; Arôn gô 'băk anăn lu sư tơ 'bar pah hơngiĕng sư wă kơ 'blŏk 'bơ̆t anăp Kră Yang.

Êsai 37:22

'Nâu nơ̆r Kră Yang đei khan gah sư: Lu adruh hle pơlei Siôn Sư pơdê ih, pơjăm ih, kon drŏ-kăn pơlei Jêrusalem tơtreh kơ̆l gah rŏng ih!

Êsai 37:35

Inh gô dŏng tơgŭm pơlei tih âu păng dŏng pơklaih sư, yua kơ Inh khan boih păng yua kơ Inh pơkă boih hăm Đawit đĭch đam Inh.

Êsai 51:16

Inh dan bơih nơ̆r pơma Inh lăm 'bơ̆r iĕm, ôn iĕm lăm yơ̆p tơpang ti Inh. Inh bơlang lu tăl plĕnh păng pơjing plei teh, păng pơma hăm Siôn khan: Iĕm jơ̆ kon pơlei Inh!”

Je 12:7

Inh achăng boih hnam Inh, Inh lê̆ boih kon pơlei Inh; Inh jao boih kon pơlei mă Inh 'mêm lăm ti lu bơngai ayăt kơ lu sư.

Jo 34:21

gah adrĕch kon sâu Bênjamin, Êlidat kon drŏ-nglo Kislon;

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Both 12:10

Mă-lei lu iĕm gô tŏk tơ pah to kơ Krong Jôrđăn, oei lăm dêh mă Kră Yang 'Bok Kei-Dei lu iĕm wă ăn bơ̆jang sa. Sư gô ăn hiôk hơđơ̆ng pơdơh, ưh pă đei lu ayăt wang dăr.

Both 32:11

Thoi sem klang tơdrŏ kơ tơpu Sư râu kon sư 'nao cheh, Păr bah kơ lu hơnar sư, bơlang pơnăr sư gram hơnar păng pŭ hơnar sư kơpal pơnăr.

Both 33:11

Ơ Kră Yang! Apinh Ih ăn kơ lu sư đei jơhngơ̆m pran 'nao. Ăn pŭn kơ tơdrong jang đơ̆ng tơpang ti lu sư pơm. Apinh Ih teh tơgơ̆ lê̆ rơhiĕo lu bơngai ayăt, păng pơrăm lu bơngai areh kơ lu sư, wă kơ lu sư huay pă iung blah dơ̆ng!

Both 4:37

Yua kơ đơ̆ng Sư 'mêm kơ lu 'bok iĕm, na rơih iŏk adrĕch adrung lu iĕm 'nâu, kơ Sư kơdih păng Sư yua tơdrong mơsêh tih Sư krao tơlĕch boih iĕm đơ̆ng dêh Êyiptơ.

Lu 1:21

Mă-lei kon sâu Bênjamin ưh kơ gơh puh lê̆ kon pơlei Jêbus đơ̆ng pơlei Jêrusalem, na kon pơlei Jêbus oei oei hơdai kon sâu Bênjamin dĭng truh tơ dang ei.

I Sam 10:20

Samuel athei đĭ-đăng adrĕch Isơrael năm jê̆, na sư hlang lăng trŏ kơ adrĕch Bênjamin.