Both 32:43 - Sơ̆p Hlabơar Nơ̆r 'Bok Kei-Dei

⁴³ Ơ lu adrĕch adrung kon bơngai! Hiôk chơt bĕ hăm kon pơlei Kră Yang. Yua kơ Sư gô iung kơting, pơm 'mong pham kơ đĭch đam Sư, Sư pơm 'mong blah lu bơngai ayăt kơ Sư, mơnat ăn kơ dêh char Sư păng lu kon pơlei pơla Sư.

Both 32:43 交叉參考

Bl 12:3

Inh gô ăn pŭn hiôk kơ bu mă sơkat kơ ih pŭn hiôk. Inh gô hiap pơtê̆ bơngai bu mă hiap pơtê̆ ih; păng đĭ-đăng adrĕch adrung kon bơngai kơpal teh âu gô đei pŭn hiôk đơ̆ng ih.”

I Pot 8:43

Apinh Ih đơ̆ng kơpal plĕnh anih Ih oei mơ̆ng păng tơl tơwih nơ̆r lu sư krao apinh, wă kơ đĭ-đăng bơngai jơ̆p teh đak, băt kơ anăn ih, hli yom kơ anăn Ih, lei-lăi thoi lu kon pơlei Isơrael wă kơ Ih tơbăt tơ'bôh ăn kơ lu bơngai krao apinh lăm hnam âu, đơ̆ng Inh pơm.

II Pot 9:7

Ih gô blah pơlôch adrĕch Ahap yŏng tơ'ngla ih păng Inh gô pơm 'mong pơrăm yă Jêsebel đêl pham bơngai mă sư pơlôch, lu bơngai khan lê̆ adrol, đĭch đam ĭnh, hăm pham đĭ-đăng đĭch đam Kră Yang.

Jop 13:24

Yua kơ kiơ Ih ôn muh măt đơ̆ng inh, Lăng inh thoi bơngai ayăt?

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Horiso 58:10

Lu bơngai tơpăt gô chơt hiôk dah lu sư 'bôh tơdrong pơm tơwih, kơ bơngai kơnê̆. Lu sư gô tong jơ̆ng tơ pham lu bơngai kơnê̆.

Horiso 65:3

Tơdah jei tơdrong kơnê̆. Tơdrong mă lu nhôn pơm yoch Ih gô mơnat ăn.

Horiso 79:10

Yua kơ kiơ lu teh đak pơ̆n khan: “Kră Yang 'Bok Kei-Dei lu sư tơ yơ?” 'Bơ̆t anăp lu nhôn ăn kơ kon bơngai băt iung kơting kơ lu đĭch đam Ih, mă đe pơlôch boih.

Horiso 79:9

Ơ Kră Yang 'Bok Kei-Dei Tơ'ngla dŏng pơklaih nhôn, yua kơ wă ư-ang anăn Ih apinh Ih tơgŭm nhôn. Yua kơ anăn Ih, apinh Ih dŏng pơklaih lu nhôn, păng mơnat ăn kơ tơdrong yoch lu nhôn.

Horiso 85:1

Ơ Kră Yang, Ih mơnat ăn boih tơdrong 'lơ̆ng kơ dêh char Ih; Ih chông adrĕch Jakôp đêl pơm bơnă wih brŏk.

Horiso 85:3

Ih lê̆ boih tơdrong hil mĭl, iŏk lê̆ boih tơdrong Ih blĕk tơtŏ.

Êsai 1:24

Thoi noh bơih na Kră Yang Tih Hloh, Tơ'ngla Mơsêh Mơyang lu bơngai Isơrael khan: “Âu! Inh gô tuh tơdrong hil tơ lu bơngai blah Inh păng pơm 'mong kơ lu bơngai ayăt kơ Inh!

Êsai 1:25

Inh gô yơ̆r ti pơm tơwih, inh gô pơgoh lê̆ 'bruih 'brăm đơ̆ng ih, păng iŏk hŭt lu rơ̆m rĕk ih.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 19:23

Lăm năr noh kơnh gô đei minh pôm trong glung tih đơ̆ng dêh Êyiptơ truh tơ dêh Asiri, lu bơngai Asiri gô năm tơ dêh Êyiptơ, lu bơngai Êyiptơ gô năm tơ dêh Asiri, lu bơngai Êyiptơ păng bơngai Asiri wang hơdai kơkuh kơ Kră Yang.

Êsai 19:25

Pêng tŏ teh đak Kră Yang Tih Hloh sơkat ăn pŭn hiôk kơ lu sư, khan: “Pŭn hiôk kơ Êyiptơ kon pơlei Inh, Asiri tơdrong jang đơ̆ng ti Inh, Isơrael jơ̆ mŭk tơmam Inh.”

Êsai 44:22

Inh sŭt lê̆ bơih tơdrong lu iĕm pơm yoch nhen thoi sŭt lê̆ hơmơ̆l, tơdrong yoch lu iĕm nhen thoi tŭk. Wơ̆t brŏk bĕ tơ Inh, yua kơ Inh huai iŏk lu iĕm bơih.”

Êsai 60:6

Khŭl aseh lăk-đa gô 'bĕnh-'bang kơ dêh char ih, kon aseh lăk-đa đơ̆ng dêh char Mađian păng Êpha. Lu bơngai mơdro đơ̆ng Sêba truh, chĕp ba maih păng tơmam 'bâu phu păng hơri ư-ang kơ Kră Yang.

Êsai 66:10

“Hiôk chơt bĕ hơdai hăm pơlei Jêrusalem ơ lu bơngai mă 'mêm kơ pơlei Jêrusalem. Hiôk chơt bĕ yua kơ sư, ơ lu bơngai mă nhơ̆m hmoi kơ Jêrusalem, athei đĭ jơhngơ̆m chơt hiôk 'nă hal hơdai hăm sư.

Je 13:14

Inh gô hơtŭt lu sư, lu sư pơchah hơtŭt băl kon drŏ-nglo hăm 'bă sư, Inh ưh pă pơdơh ti, pă mơnat, ưh pă 'mêm kơ lu sư, kơplah Inh pơrăm lu sư.”

Je 51:36

Lei na Kră Yang khan: “'Nâu Inh gô dŏng ih, Inh pơm tơwih kơ lu ayăt kơ ih. Inh gô pơhrơ̆ lê̆ đak dơsĭ sư, Ăn kơ rim tu đak sư hrơ̆ kro.

Nhom 2:5

Kră Yang jing thoi bơngai ayăt, pơrăm boih Isơrael. Pơrăm đĭ hnam pơtao, pơrăm đĭ kơđông pơm ăn kơ kon adruh Juđa ơh sơ'ngon nhơ̆m hmoi.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Êsêkiên 25:14

Inh gô yua ti kon pơlei Isơrael Inh; pơm 'mong blah char Eđôm kon pơlei noh gô pơm kơ char Êđôm kiơ̆ kơ tơdrong Inh hil mĭl păng Inh blĕk. Na lu sư gô băt kơ tơdrong Inh pơm 'mong, Kră Yang khan thoi noh.

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Tơdrông Tơ'bôh 15:2

Inh kư̆m 'bôh tơdrong hlĭch thoi đak dơsĭ hlăng chơchơr thoi getchai thoi amĭl, mă kư̆m lăng thoi đei ŭnh mơ̆n. Na lu bơngai mă ưh kơ chu kơkuh kơ rup sem, akâu sem ei păng ưh kơ ăn sem ei chơ̆m đŏng yâu tơ klĕng sư păng kuă kơ iŏk dôm tơmam sem ei, kơsô̆ sư dah anăn sư, jei lu bơngai noh boih. Na đĭ-đăng lu bơngai noh lu sư dơ̆ng kơpal đak dơsĭ ei. Lu sư iŏk brŏ 'Bok Kei-Dei,

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 19:2

Sư sek tơlang trŏ tơpă. Sư phak boih bơngai đi mă pơm jơ̆p kơ teh đak jing kơnê̆ 'mê̆-'mach, yua kơ tơdrong sư pơm kư̆ kă păng yua kơ sư pơlôch lu đĭch đam 'Bok Kei-Dei.”

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”