Both 32:31 - Sơ̆p Hlabơar Nơ̆r 'Bok Kei-Dei

³¹ Tơmo tih lu sư ưh kơ dang thoi Tơmo Tih lu bơ̆n, lu bơngai ayăt kư̆m băt thoi noh mơ̆n.

Both 32:31 交叉參考

Esơra 1:3

Bơngai bu lăm lu iĕm, mă kon pơlei Sư, athei wih brŏka tơ pơlei Jêrusalem dêh Juđa, wă pơm ming dơ̆ng hnam akŭm Kră Yang, Sư boih Kră Yang 'Bok Kei-Dei lu bơngai Isơrael, mă oei lăm pơlei Jêrusalem. Hơpơi kơ Kră Yang 'Bok Kei-Dei bơngai noh oei hơdai hăm sư!

Horiso 18:31

'Nguaih kơ Kră Yang, Bu dơ̆ng Kră Yang 'Bok Kei-Dei? 'Nguaih kơ Kră Yang 'Bok Kei-Dei, bu dơ̆ng thoi Tơmo tih?

Le 14:25

Kră Yang pơm kơ lu jơ̆ng gre lu sư, tơplôh lu sư tŭn hor pơmat-tat gre aseh pă gơh kơdâu. Na bơngai Êyiptơ khan dih băl: Bĕ bơ̆n kơdâu weh đơ̆ng kon pơlei Isơrael, yua kơ Kră Yang tơblah bơngai Êyiptơ dŏng lu sư.

Le 8:6

Na, Arôn yơ̆r ti sư tơklă đak krong dêh Êyiptơ, kit tih iĕ mơmŏ tŏk lanh 'bĕnh jơ̆p-jang hloi dêh Êyiptơ.

Êsai 31:9

Tơmo mă sư gơnang gô hiong đĭ, yua kơ tơdrong hli tơrơ, lu yŏng linh gô hli tơrơ, kơdâu achăng tŭk lăp lu sư 'bôh.” Tơ'ngla Kră Yang thoi ŭnh tơ kông Siôn, ŭnh bơmur tơ Jêrusalem. Kră Yang khan thoi noh.

Je 40:3

Na Kră Yang pơm tơpă thoi sư đei khan boih, yua kơ lu iĕm pơm yoch sơngah kơ Kră Yang păng kuă kơ kiơ̆ nơ̆r Sư. Lei na tơdrong 'nâu truh tơ lu iĕm.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Jo 23:23

Ưh kơ đei bơngai pơjâu lăm Jakôp. Lăm Isơrael kư̆m ưh kơ đei bơngai tơwir hơlĕnh yua kơ dang ei trŏ boih đe gô pơma khan gah Jakôp păng Isơrael thoi âu: Lăng đei tơdrong Kră Yang pơm hlĭch tơpă! Pă băt dang yơ.

Jo 23:8

Liơ inh gơh hiap? Liơ inh gơh hil lu bơngai Kră Yang 'Bok Kei-Dei ưh kơ hiap ưh kơ hil mĭl?

I Sam 2:2

Ưh kơ đei bu 'lơ̆ng rơgoh thoi Kră Yang ôh, Ưh kơ đei bu nai thoi Ih; ưh kơ đei tơmo ayơ pĕng lu nhôn thoi Kră Yang 'Bok Kei-Dei.

I Sam 4:8

Răm boih kơ lu bơ̆n! Bu gô pơklaih bơ̆n đơ̆ng ti lu yang mă mơsêh kơtang dang noh? Noh bơih lu yang mă pơrăm kon pơlei Êyiptơ tơm tơdrong truh tơ lăm char glă.