Both 32:24 - Sơ̆p Hlabơar Nơ̆r 'Bok Kei-Dei

²⁴ Inh ăn tơdrong pơngot rơwĕt, tơngiĕt găng pơm kơ lu sư hiong răm. Ba tŏ sa pơm kơ lu sư rơmơ̆n rơmok ăn tơdrong jĭ apoh pơm kơ lu sư lôch rŭng. Inh gô ăn sem bri kăp hek sa lu sư. Athei 'bih đei bih hơkăm năm choh lu Sư lôch.

Both 32:24 交叉參考

Bl 3:14

Kră Yang 'Bok Kei-Dei đei pơma kơ 'bih thoi âu: “Yua kơ e đei pơm tơdrong thoi âu. E gô pŭ hơngiap hloh lăm khŭl sem brem păng sem bri. E gô ah an klak păng sa 'mui teh đĭ chăl arih e.

Bl 49:15

Sư 'bôh boih anih pơdơh 'lơ̆ng rŏ, Păng teh jang sa 'lơ̆ng jing dêh. Sư pơgrê hơngiĕng sư wă tung trăp. Chu iŏk tơdrong jang gleh pơmat.

Jop 20:16

Noh thoi sư gô doch luăn bih 'bih dong. Hơpiĕt 'bih đei bih hơkăm gô pơlôch sư.

Horiso 120:4

Noh 'brơ̆m suĕng đơ̆ng lu linh; păng ngar 'long ŭnh ngŭr.

Horiso 91:6

Kŭm huay kơ hli tơdrong jĭ hơbuh truh lăm măng mu. Dah tơdrong đe pơlôch pơrăm kơplah 'năr dơ̆ng.

Êsai 65:25

Kŏ-so hăm triu kon gô sa hơdai, dăm-brang sa hơnong 'ba thoi rơmo, 'bih gô sa 'mui teh. Gô ưh pă đei bu wă pơm kơnê̆, dah wă pơrăm lăm jơ̆p-jang kông rơgoh Inh,” Kră Yang khan thoi noh.

Je 14:18

Tơdah inh năm tơ mir chŭn, to akâu lu bơngai lôch kơ đao gưm, tơdah inh mơ̆t tơ pơlei tih, to 'bôh lu bơngai jĭ jăn yua kơ pơngot rơwĕt! Lu 'bok khan lê̆ adrol păng lu 'bok soi. Chă yak năm lăm dêh char mă lu sư ưh kơ lah băt.

Je 15:3

Kră Yang khan: “Inh wă phak đei puăn tơdrong: Wă pơlôch păng đao gưm, kŏ gô hek sa, sem grơ̆ păng lu sem bri gô kăp sa păng pơrăm đĭ lu sư.

Je 16:4

“Lu sư gô lôch hơbuh krưp dêh; ưh kơ đei bu hmoi ưh kơ đei bu 'bŭ lu sư, akâu bơngai lôch jing mơ̆r kơ teh. Lu sư gô lôch kơ đao gưm păng lôch kơ pơngot rơwĕt. Akâu lôch lu sư gô ăn kơ sem păr păng sem bri sa.”

Je 8:17

“'Nâu, Inh gô ăn 'bih truh tơ lu iĕm, 'Bih dong ưh kơ đei bu gơh pơlung sư, Sư gô choh lu iĕm,” noh Kră Yang khan.

Nhom 5:10

Akar lu nhôn tŏ thoi tŏ tơnuh ŭnh, Yua kơ đơ̆ng pơngot soh chhông lu nhôn.

Êsêkiên 14:15

Dah Inh ăn lu sem bri năm pơrăm char noh, pơlôch lu bơngai; păng char noh jing juơ, ưh pă đei bu yak rok noh dơ̆ng, yua kơ lu sem bri oei tơ noh.

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Lêwi 26:22

Inh gô ăn sem bri rôp lu kon hơ'lơ̆p iĕm păng kăp sa lu sem dơrong iĕm, pơm kơ kon bơngai iĕm jing kơtuei, tơ trong glung pă đei bu yak năm rơhiăng kơkot.

Am 9:3

Mă khan lu sư kơdâu ôn tơ kơpal kông Karmel, inh kư̆m gô chă wă pơdŭng tơlĕch lu sư; mă khan lu sư klĕnh đơ̆ng muh măt inh ôn tơ ala đak dơsĭ sŭng, inh kư̆m gô ăn kơ 'bih choh lu sư tơ noh.

Mi 7:17

Lu sư gô liah 'mui teh thoi 'bih păng hli tơrơ lĕch đơ̆ng lăm trôm teh lu sư thoi lu sem brem mơmŏ kơpal teh; lu sư gô hli tơrơ na lu sư wih tơ Kră Yang 'Bok Kei-Dei lu bơ̆n, yua kơ ih na lu sư hli tơrơ.

Habakuk 3:5

Tơdrong jĭ hơbuh răm năm adrol kơ Sư, 'Brơ̆m ŭnh lĕch đơ̆ng jơ̆ng Sư.

Both 28:22

Kră Yang gô pơrăm iĕm hăm tơdrong jĭ dơsoh hiĕn-hiok, bơlŏ chĕp tơngiĕt, rơka rơkĕch, jĭ bơôr, tŏ, phang-ang, 'long pơlei 'nhĕt 'nhot kro đĭ phơ̆k phok dôm tơdrong noh druh kiơ̆ iĕm dĭng truh tơ iĕm lôch hiong đĭ.

Both 28:48

Lu iĕm gô bơ̆jang kơ lu bơngai ayăt, mă Kră Yang wơh năm blah iĕm. Iĕm gô pơngot rơwĕt hoh-hoy păng kơ'bah kơ'bôch lăm tôm tơdrong, Sư gô tơ'băk 'long ăt bơsei tơ hơko iĕm dĭng truh iĕm lôch răm đĭ.

Both 28:53

Kơplah đe wang tăp dăr, lu ayăt pơrŭng iĕm, iĕm gô 'buh sa kon drŏ-nglo kon drŏ-kăn iĕm kơdih, mă đơ̆ng Kră Yang 'Bok Kei-Dei ăn kơ iĕm.