Both 32:10 - Sơ̆p Hlabơar Nơ̆r 'Bok Kei-Dei

¹⁰ Kră Yang chă 'bôh lu kon pơlei Sư tơ lăm char glă. Tơ lăm bri brah đei nơ̆r ôr krao Kră Yang wei rong lu sư, bơwei lu sư wei thoi kon-ngai lăm măt Sư.

Both 32:10 交叉參考

Esther 6:13

Haman roi ăn kơ akăn sư Sêrêt păng lu bôl buăl sư băt dôm tơdrong mă đei truh kơ sư. Lu bôl buăl sư gơh hơgei păng akăn sư Sêrêt khan kơ sư: Ih wă pơtơm huŏng boih 'bơ̆t anăp Morđêkai. Yua kơ sư bơngai Juđa, ih ưh kơ kĕ pơm kiơ kơ sư. Ih gô răm ngei 'bơ̆t anăp sư.

Horiso 107:40

Sư tuh tơdrong đe areh kơ lu bơngai pơgơ̆r. Ăn kơ lu sư yak thông lăm char glă ưh kơ đei trong.

Horiso 17:8

Apinh Ih bơwei inh thoi bơwei kon-ngai lăm măt Ih, Apinh krôp inh ala pơnăr Ih Kră Yang.

Tơdrông Pơđơk 7:2

Pơm kiơ̆ nơ̆r Inh tơtă, lei na ih gô arih. Păng wei nơ̆r Inh bơtho khan thoi ih wei-lăng kon-ngai lăm măt ih.

Hơri Hiôk 8:5

Bơngai noh bu mă 'nao brŏk đơ̆ng char glă? Oei gơning tơ bơngai sư hơyuh?

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Je 13:11

Pơtih thoi che tơ̆n kơiĕng klep tơ kơiĕng rim 'nu bơngai thoi yơ, Inh gô ăn kơ đĭ-đăng adrĕch adrung bơngai Isơrael, hăm adrĕch Juđa klep tơ Inh thoi noh, wă kơ lu sư jing kon pơlei pơla Inh, wă ư-ang, kơ Inh wă kơkuh bơnê kơ Inh. Mă-lei lu sư kuă kơ mơ̆ng Inh.”

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 2:6

Lu sư ưh pă jet khan: ‘Tơ yơ Kră Yang Sư boih mă pơklaih tơlĕch bơ̆n đơ̆ng dêh char Êyiptơ păng chông ba bơ̆n rok lăm char glă, 'bĕnh-'bang kơ sơlŭng, lăm char teh hrĕng kro păng măng mu tơdrong lôch, lăm teh đak mă ưh kơ đei bu rok păng ưh kơ đei bu oei.’

Êsêkiên 16:5

Ưh kơ đei bu lăng păng mơnat kơ ih, pơm tôm tơdrong noh kơ ih; đe klơ̆m tŭk ih tơ 'nguaih bri brah, yua kơ lăng ih krưp dêh năr 'nao tơpŭ kơ ih.

Êsêkiên 20:36

Thoi Inh hlôi sek tơlang 'bok yă lu iĕm lăm char glă tơ Êyiptơ, inh kư̆m sek tơlang lu iĕm thoi noh mơ̆n, Kră Yang khan thoi noh.

Hôsia 11:3

Mă khan lei ră, Inh boih pơhrăm bơngai Êphraim gơh yak nơnăm, iŏk ti lu sư na tơiung păng pơklaih lu sư, mă-lei lu sư ưh kơ băt ôh.

Hôsia 13:5

Inh boih wei rong iĕm lăm char glă păng anih hrĕng kro sơ̆.

Sa 2:12

Kră Yang gô đei char Juđa pơm mŭk tơmam Sư lăm teh đak rơgoh păng Sư gô rơih iŏk Jêrusalem.

Sa 2:8

Yua kơ Kră Yang Tih Hloh khan: “Đơ̆ng rŏng kơ tơdrong ư-ang; na Sư wơh inh năm blah lu teh đak pơgŏ lu iĕm; yua kơ tơdah bu hơtŭt 'bơm lu iĕm, noh kư̆m thoi hơtŭt 'bơm kơ kon-ngai lăm măt Sư.

Rom 2:18

Iĕm băt boih 'Bok Kei-Dei wă kơ iĕm pơm thoi yơ păng iĕm kư̆m băt tơdrong trŏ dah tơdrong glăi, yua kơ iĕm pơhrăm tơdrong 'Bok Kei-Dei đơ̆ng đe bơtho iĕm boih.

Rom 3:2

Lu bơngai Juđê tih hloh kơ lu bơngai nai 'biơ̆ mơ̆n yua kơ 'Bok Kei-Dei chih pơkă kơ lu sư tơdrong juăt Sư hơdrol kơ lu bơngai nai păng pơkă khan wă tơgŭm lu sư tơpă.

Both 1:19

Lu bơ̆n yak đơ̆ng Hôrêp năm rok hlôi kơ char glă să păng krưp dêh mă lu iĕm 'bôh boih. Rok tơklă kông groi kon pơlei Amôrit, kiơ̆ thoi Kră Yang 'Bok Kei-Dei bơ̆n đei pơkă kơ bơ̆n, đơ̆ng noh lu bơ̆n truh tơ Karđes Parnêa.

Both 1:31

Păng lăm char glă, jơ̆ anih lu iĕm 'bôh lăm trong lu iĕm yak năm, mă truh tơ anih 'nâu, Kră Yang 'Bok Kei-Dei pôk glơng iĕm thoi minh 'nu bơngai drŏ-nglo pôk glơng kon drŏ-nglo sư kơdih.

Both 4:36

Đơ̆ng kơpal plĕnh Sư ăn kơ iĕm kơtơ̆ng nơ̆r Sư, wă bơtho pơhrăm iĕm, tơ kơpal teh Sư ăn kơ iĕm 'bôh ŭnh tih Sư păng đơ̆ng lăm ŭnh lu iĕm đei kơtơ̆ng nơ̆r Sư pơma.