Both 28:68 - Sơ̆p Hlabơar Nơ̆r 'Bok Kei-Dei

⁶⁸ Kră Yang gô chông ba iĕm hăm duk hơlơ̆k brŏk tơ dêh Êyiptơ dơ̆ng; mă khan Sư đei pơkă hăm lu iĕm ưh pă đei layơ wă wih brŏk tơ noh dơ̆ng; lu iĕm gô tĕch akâu iĕm kơ lu bơngai ayăt pơm đĭch, đĭ drŏ-nglo dah drŏ-kăn, mă-lei ưh kơ đei bu wă răt.

Both 28:68 交叉參考

Ne 5:8

Khan thoi âu: “Kiơ̆ kơ lu bơ̆n gơh đei huai boih 'nhŏng oh lu bơ̆n, bơngai Juđa mă đe tĕch tơ lu adrĕch nai, na dang ei iĕm wă 'maih tĕch lu 'nhŏng oh bơ̆n dơ̆ng hă? Na lu sư wă tĕch tơ lu bơ̆n dơ̆ng hă?” Lu sư ngăn hreh ưh pă gơh wă pơma kiơ dơ̆ng.

Esther 7:4

Yua kơ inh păng adrĕch adrung inh đe đĭ tĕch boih wă pơlôch pơrăm păng wă tơhiong lê̆. Tơdah đe tĕch nhôn wă pơm đĭch đĕch mă drŏ-nglo mă drŏ-kăn, lei rŏ inh kư̆m ngăn mơ̆n, yua kơ tơdrong pơmat-tat lu nhôn ưh kơ dang pơm rŭng răng pơhiơ̆k pơtao.

Le 13:17

Kơplah Pharaôn achăng kon pơlei Isơrael năm, Kră Yang 'Bok Kei-Dei ưh kơ đei chông ba kon pơlei noh năm rok trong gah dêh Philistin, noh trong jăl jê̆ hloh; yua kơ Kră Yang khan: Hli kơ kon pơlei tơ'bơ̆p tơdrong tơblah wang, lu sư wih brŏk hơlơ̆k đơ̆ng tơ dêh Êyiptơ.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Je 43:7

Na lu sư jur năm tơ char Êyiptơ, truh tơ pơlei Tahpanhes. Lu sư ưh kơ chu kiơ̆ nơ̆r Kră Yang.

Je 44:12

Inh gô pơrăm lu kon pơlei bơngai Juđa oei oei, mă năm boih tơ char Êyiptơ păng oei tơ noh; lu sư gô lôch đĭ tơ noh lu sư gô lôch kơ đao gưm pơngot rơwĕt tih, lăm dêh Êyiptơ. Lu pơm tih pơm iĕ gô lôch đĭ kơ đao gưm pơngot rơwĕt; pơm kơ đe blei hiap, che bơle hiĕk achơ̆, đe lăng 'brơ̆ krưp.

Hôsia 8:13

Mă khan lu sư soi pơyơ̆r kơ Inh, păng sa sĕch 'nhĕm noh, Kră Yang ưh kơ hiôk ôh kơ lu sư. Na Kră Yang 'blŏk kơ tơdrong kơnê̆ đêl lu sư pơm, păng gô phak pơjĭ lu sư yua kơ tơdrong yoch lu sư pơm; lu sư gô wih brŏk tơ dêh Êyiptơ.

Hôsia 9:3

Lu sư ưh kơ gơh oei ôh tơ lăm char Kră Yang; mă-lei Êphraim gô wih brŏk tơ char Êyiptơ, lu sư gô sa tơmam sa ưh kơ 'lơ̆ng rơgoh lăm char Asiri.

Luka 12:45

Mă-lei dah bơngai kai noh tơchĕng lăm to sư kơdih khan: Yŏng inh wă wih oei đunh, na bơngai kai noh chă tôn teh lu bôl buăl sư mă drŏ-nglo drŏ-kăn, na sư sa et tơ̆p suai,

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.

Both 28:67

Pơgê hrôih iĕm khan: Rŏ kơ jah măng! Gơsơ̆ măng boih iĕm khan: Rŏ kơ jah hơdah

Both 29:1

'Nâu lu nơ̆r pơgơ̆p tơ'blŏk đơ̆ng Kră Yang pơkă khan kơ Môis hăm lu bơngai Isơrael, lăm dêh Môap, 'nguaih kơ tơdrong pơgơ̆p hăm lu sư tơ kông Hôrêp.