Both 28:51 - Sơ̆p Hlabơar Nơ̆r 'Bok Kei-Dei

⁵¹ Lu sư gô sa đĭ lu sem dơrong hơnik hơnam plei sa đơ̆ng chŭn mir iĕm dĭng truh tơ lu iĕm răm đĭ; sư ưh kơ lê̆ kiơ mă phe 'ba hơ'bo, sik hơmu, đak rơmă ôliwơ, dah rơmo păng triu ih, dĭng truh iĕm lôch răm đĭ.

Both 28:51 交叉參考

II Pot 25:10

Đĭ-đăng khŭl linh đe Kalđê chu nơ̆r 'bok tih linh, lu sư teh pơchah dur war tăp Pơlei Jêrusalem.

Êsai 1:7

Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.

Êsai 62:8

Kră Yang đei yơ̆r ti gah 'ma Sư păng kơkŏng ti mơsêh Sư pơkăm khan: “Inh ưh pă đei ăn bơih 'ba mi ih kơ lu bơngai ayăt kơ ih sŏng sa dơ̆ng, lu bơngai tơmoi gô ưh pă et sik hơmu 'nao ih. Sik mă đơ̆ng ih jang gleh hrat.

Je 15:13

Yua kơ đĭ-đăng tơdrong yoch lu iĕm pơm boih tơ jơ̆p-jang kơ dêh char, na Inh gô jao kơ đe plah tơgar iŏk đĭ-đăng mŭk tơmam iĕm, ưh kơ đei bu 'mong kơ iĕm yă kiơ.

Je 17:3

Ơ Kông Inha kơpal teh dơnă, Inh gô ăn kơ lu linh ayăt tơgar iŏk đĭ, Lu hu maih păng mŭk tơmam gĭt hăm anih kơjung ih, yua kơ tơdrong yoch lu iĕm đei pơm tơ jơ̆p-jang tơring.

Nhom 4:9

Lu bơngai lôch kơ đao gưm pŭn hloh kơ lu bơngai lôch kơ pơngot; Yua kơ tơmam sa đơ̆ng mir chŭn ưh kơmah, Sư rai hơkĕ hơkong thoi đe 'bet.

Êsêkiên 12:19

Athei khan kơ kon pơlei lăm noh: 'Nâu nơ̆r đơ̆ng Kră Yang Tih Hloh khan kơ kon pơlei Jêrusalem lăm teh đak Isơrael: Lu sư gô sŏng sa lăm tơdrong hli păng nhă đak lăm tơdrong tơrơ, yua kơ đe gô blah tơgar iŏk đĭ tơmam đơ̆ng lăm char lu sư yua kơ tơdrong kơnê̆ pơrăm lu kon pơlei mă oei lăm noh đei pơm.

Êsêkiên 25:4

na Inh gô pơjao ih kơ lu adrĕch adrung gah hơlĕch yua pơm tơmam sư. Lu sư gô pơm anih tơ lăm ih; păng oei tơ noh; lu sư gô phĕ sa plei 'long ih păng nhă đak toh ih.

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.

Both 28:33

Minh adrĕch adrung mă iĕm tam lah băt gô iŏk sa tơmam đơ̆ng mir chŭn păng đơ̆ng tơdrong jang iĕm gleh hrat; đe gô pơjuă pơđep păng pơjuă bơhlơ̆r iĕm ling-lang rim năr.

Both 28:50

Muh măt lu sư krưp tơpă, ưh kơ lăng lu bơngai kră, kư̆m ưh kơ băt mơnat kơ bơngai 'lơ̆p;

Both 28:52

Lu sư gô wang tăp dăr kơ pơlei jơ̆p lăm dêh char mă Kră Yang 'Bok Kei-Dei ăn kơ iĕm dĭng truh tơ lu dur tih kơjung kơjăp tơ noh, mă iĕm gơnang, gô teh pơchah răm đĭ.