Both 28:11 - Sơ̆p Hlabơar Nơ̆r 'Bok Kei-Dei

¹¹ Kră Yang iĕm gô ăn kơ iĕm đei mŭk tơmam rơkah rơkai, tơ lăm dêh mă Kră Yang hlôi pơkă boih hăm lu 'bok iĕm wă ăn kơ iĕm ăn kơ lu kon sâu iĕm hrôh lơlang lơlap, sem dơrong chek lar păng hơnik nơnăm đơ̆ng teh pơgar iĕm gô đei thim rai lơ.

Both 28:11 交叉參考

Jop 19:17

Akăn inh lăng tơdrong arih inh jing krưp 'brơ̆, 'nhŏng oh inh lăng areh kơ inh.

Horiso 107:38

Kră Yang 'Bok Kei-Dei ăn tơdrong pŭn hiôk kơ lu sư, lu kon pơlei rai hrôh. Sư ưh kơ đei ăn kơ kon sem dơrong lu sư hrŏ hiong,

Horiso 127:3

To, kon hơ'lơ̆p jơ̆ tơmam đơ̆ng Kră Yang ăn; Hơ'lơ̆p đơ̆ng blu pôih jơ̆ tơmam apah,

Horiso 132:11

Kră Yang đei pơkă pơkăm boih hăm Đawit. Sư ưh kơ đei sơngah dơ̆ng: “Inh gô pôk hơtŏk tơ tang-dŏ pơtao Ih. Minh 'nu kon drŏ-nglo lĕch đơ̆ng akâu akar Ih.

Tơdrông Pơđơk 10:22

Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.

Lêwi 26:9

Inh gô 'mêm bơwei lu iĕm ăn kơ iĕm chek lar rai lơ păng pơjing tơdrong pơgơ̆p hăm lu iĕm kơjăp.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 28:4

Kră Yang gô ăn pŭn hiôk kơ lu kon sâu iĕm, hơnik anăn lơlang, sem dơrong rơmo triu bơbe chek lar.a

Both 30:9

Kơplah noh Kră Yang 'Bok Kei-Dei iĕm: Sư gô ăn tơdrong pŭn tih lăm dôm tơdrong jang đơ̆ng tơpang ti iĕm pơm ăn kơ kon sâu iĕm hrôh ngôh rai lơ, sem dơrong, chek lar păng 'ba hơ'bo đơ̆ng chŭn mir gơh đei mah rơkah rơkai; Kră Yang lăp đon mơnat ăn pŭn hiôk kơ iĕm, thoi Sư lăp đon ăn pŭn hiôk kơ lu 'bok iĕm.

Both 7:13

Kră Yang sư 'mêm mơnat kơ iĕm, ăn tơdrong pŭn hiôk kơ iĕm ăn kơ lu kon sâu iĕm rai lơ hrôh ngôh; Sư gô ăn tơdrong pŭn hiôk kơ lu kon iĕm đơ̆ng blu pôih, ăn tơmam đơ̆ng teh, ăn phe 'ba, hơ'bo, plei hơmu păng đak rơmă plei 'long ôliwơ kơ iĕm, ăn rơmo, triu rai lơ lăm teh đak, mă sư đei pơkă pơkăm boih hăm 'bok iĕm, wă ăn kơ iĕm.