Both 21:5 - Sơ̆p Hlabơar Nơ̆r 'Bok Kei-Dei

⁵ Lu 'bok soi, kon drŏ-nglo bơngai Lêwi, gô năm jê̆ tơ noh; yua kơ Kră Yang 'Bok Kei-Dei iĕm rơih iŏk lu sư boih wă jang kơ Sư păng yua anăn Kră Yang sơkat ăn pŭn hiôk athei sek tơlang lu tơdrong pơjah pơjăng păng đei pơjĭ băl.

Both 21:5 交叉參考

I Ho 23:13

Kon drŏ-nglo Amram noh: Arôn păng Môis; Arôn păng kon sâu sư klah asong băl, wă pơyơ̆r lu tơmam soi 'lơ̆ng rơgoh păng ling-lang pơyơ̆r tơmam soi ăn kơ Kră Yang, bơ̆jang 'bơ̆t anăp Kră Yang hăm yua anăn Kră Yang sơkat ăn pŭn hiôk kơ kon pơlei pơla ling-lang.

II Ho 19:10

Tơdah đei lu 'nhŏng oh kon pơlei pơla đơ̆ng lăm pơlei nai năm tơkan tơ iĕm đei tơdrong truh, pơlôch bơngai dah pơm glăi kơ khôi juăt, nơ̆r tơtă, tơdrong juăt, nơ̆r tơbăt lu iĕm athei bơtho khan kơ lu sư 'nĕ kơ pơm yoch hăm Kră Yang, kơnh Kră Yang hil mĭl phak lu iĕm păng lu 'nhŏng oh iĕm: Pơm thoi ei na lu iĕm huay kơ đei yoch.”

Êsêkiên 42:13

Na sư khan kơ inh: “Lu anih gah yă-nơ̆m păng anih gah gơal, tơklă hăm cham lăm noh boih anih rơgoh anih lu 'bok soi năm jê̆ Kră Yang gô sa tơmam soi 'lơ̆ng rơgoh hloh. Lu sư kư̆m dan lu tơmam soi 'lơ̆ng rơgoh hloh 'bơ̆t noh tơmam soi phe 'ba, tơmam soi huai đơ̆ng yoch, tơmam soi huai đơ̆ng glăi, yua kơ noh anih rơgoh.

Êsêkiên 44:24

Tơdah đei tơdrong kiơ truh tơhil pơma băl lu sư gô sek tơlang kiơ̆ thoi Inh tơtă. Lu sư gô wei răk khôi juăt păng lu tơdrong juăt lăm tôm tơdrong kơ̆m giĕng Inh păng wei năr Sa'bat jing năr 'lơ̆ng rơgoh.

Lêwi 9:22

Đơ̆ng rŏng kơ Arôn yơ̆r ti sư tơklă gah kon pơlei pơla sơkat ăn pŭn hiôk kơ lu sư pơyơ̆r tơmam soi huai đơ̆ng yoch, tơmam soi 'buh păng tơmam soi 'blŏk bơnê, na sư jur đơ̆ng chơnang soi.

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Both 10:8

Kơplah noh, Kră Yang klah lê̆ adrĕch Lêwi pha, wă tung hom pơgơ̆p Kră Yang dơ̆ng 'bơ̆t anăp Kră Yang wă bơ̆jang pơm 'bok soi kơ Sư păng yua anăn Kră Yang sơkat pŭn hiôk ăn kơ kon pơlei. Truh tơ dang ei,

Both 18:5

Yua kơ Kră Yang 'Bok Kei-Dei hlôi rơih boih lu sư adrĕch Lêwi đơ̆ng lăm lu bơngai Isơrael wă kơ lu sư oei păng bơ̆jang kơ Kră Yang sư păng lu kon drŏ-nglo sư ling-lang ưh kơ layơ tôch.

Both 19:17

'bar 'nu bre bơngai đe jâu, bơngai jâu noh gô năm 'bơ̆t anăp Kră Yang 'bơ̆t anăp 'bok soi păng lu kră sek tơlang oei jang kơplah noh.

Both 21:4

dui ba rơmo noh truh tơ thŭng, anih mă ưh tam đei bu choh păng đei đak ro tơ noh lu sư gô gơ̆ lê̆ hơko rơmo akăn noh.