Both 20:19 - Sơ̆p Hlabơar Nơ̆r 'Bok Kei-Dei

¹⁹ Mưh lu iĕm wang dăr pơlei ayơ đunh wă 'maih tơgar iŏk, 'nĕ kơ iŏk sung kăl lu 'long plei sa pơlei noh, yua kơ lu iĕm gô phĕ sa plei 'long noh 'nĕ kơ kăl tŭk lê̆ lu 'long, yua kơ lu 'long 'nâu chăt lăm mir, ưh kơ bơngai mă lu iĕm wang;

Both 20:19 交叉參考

II Pot 3:19

Gô jei iĕm pơrăm đĭ-đăng lu pơlei tih, kơđông kơjăp, lu pơlei tih rŏ kăl pơđĭ dôm lu 'long sa plei 'lơ̆ng, bơ̆ găn lê̆ lu tu đak păng iŏk tơmo hơtat pơrăm đĭ dôm lu chŭn teh 'lơ̆ng.”

II Pot 3:25

Lu bơngai Isơrael blah pơrăm lơ lu pơlei tih, lu sư dônh tơmo hơtat 'bŭ lê̆ chŭn teh 'lơ̆ng, chĭt lê̆ dôm lu tu đak păng kăl pơđĭ dôm lu 'long 'lơ̆ng. Oei pă pôm lu dur pơlei Kir Harêsêt đĕch oei đei tơmo. Na lu linh mă iŏk tơmo noh kư̆m drŭt blah klơ̆m pơrăm lu dur noh mơ̆n.

Je 6:6

Kră Yang Tih Hloh đei khan: Kăl bĕ 'long, tuh teh bơ̆ dur na blah pơlei Jêrusalem! 'Nâu boih pơlei tih trŏ kơ phak bơtho sư; lăm pơlei tă kơ đei bơngai pơjuă pơđep ngăl,

Mathiơ 21:19

Na Sư 'bôh minh tơnơm 'long hơra 'bơ̆t cheng trong. Na Sư thar năm lăng 'long hơra noh ngêh kơ đei plei, plă kơ ưh, 'bôh pôm hla đĕch. Na Yêsu sơkat kơ 'long hơra noh khan: “Đơ̆ng âu tơ anăp e 'nĕ pă plei dơ̆ng.” Sĭt tơpă tơnơm 'long hơra noh kro lôch hloi.

Mathiơ 3:10

Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.

Both 20:18

Tơdah ưh lu sư gô pơtơm iĕm rok pơm kiơ̆ dôm lu tơdrong kơnê̆ krưp mă lu sư pơm, kơkuh kơ rup yang lu sư, lu iĕm gô pơm yoch hăm Kră Yang 'Bok Kei-Dei lu iĕm.

Both 20:20

Lu iĕm athei pơrăm păng kăl lu 'long ưh kơ đei plei sa; yua bĕ lu 'long noh pơm kơđông anih wă tơblah hăm pơlei, dĭng mă lu iĕm gơh mơ̆t blah iŏk.

Both 26:6

Bơngai Êyiptơ pơm kơnê̆ kơ lu nhôn, rôp lu nhôn pơm đĭch bơ̆jang gleh hrat, lu sư pơmat lu nhôn dêh tơpă.