Both 17:19 - Sơ̆p Hlabơar Nơ̆r 'Bok Kei-Dei

¹⁹ Pơtao athei wei minh sơ̆p, pơtao athei đŏk lăng ling-lang đĭ chăl arih sư oei kơpal teh wă pơhrăm băt hli yom kơ Kră Yang 'Bok Kei-Dei sư, pơ'lơ̆ng pơm kiơ̆ dôm lu nơ̆r khôi juăt păng nơ̆r tơtă 'nâu,

Both 17:19 交叉參考

II Pot 22:10

Saphan bơngai chih hla bơar khan: “Hilkia, 'bok soi tơm, sư ăn kơ inh minh sơ̆p hla bơar.” Đơ̆ng noh Saphan, đŏk tơm măt pơtao.

Horiso 1:2

Mă-lei chơt hiôk lăm tơdrong juăt Kră Yang, păng tơchĕng tơdrong juăt ei măng năr.

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Both 11:18

Lu iĕm, athei chih răk lăm jơhngơ̆m păng lăm kơ̆l 'ngok, dôm nơ̆r inh bơtho iĕm, 'bot sư tơ ti wă kơ iĕm 'blŏk păng pơ̆n sư tơ klĕng iĕm.

Both 4:10

'Blŏk bĕ kơ năr iĕm dơ̆ng 'bơ̆t anăp Kră Yang 'Bok Kei-Dei iĕm tơ Hôrêp kơplah noh Kră Yang khan kơ inh thoi âu: Krao akŭm bĕ đĭ-đăng kon pơlei, wă kơ lu sư mơ̆ng nơ̆r Inh, wă pơhrăm ăn kơ lu sư băt hli yom kơ Inh kơplah lu sư oei arih tơ kơpal teh âu păng wă kơ lu sư bơtho nơ̆r âu ăn kơ lu kon sâu se lu sư dơ̆ng.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 5:1

Môis krao đĭ-đăng bơngai Isơrael na khan: Ơ bơngai Isơrael! Mơ̆ng bĕ dôm lu khôi juăt păng nơ̆r tơtă inh roi ăn kơ lu iĕm băt năr 'nâu; lu iĕm athei pơhrăm hŏk iŏk mă pơ'lơ̆ng pơm kiơ̆ dôm lu tơdrong noh.

Jôsuê 1:8

Sơ̆p hla bơar khôi juăt âu 'nĕ kơ ataih đơ̆ng 'bơ̆r ih, athei tơchĕng măng năr, lei athei pơ'lơ̆ng pơm kiơ̆ kơ nơ̆r đei chih lăm noh, thoi noh na lăm trong ih năm gô đei tơdrong pŭn hiôk.