Both 12:5 - Sơ̆p Hlabơar Nơ̆r 'Bok Kei-Dei

⁵ Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Both 12:5 交叉參考

I Pot 12:27

Tơdah lu kon pơlei 'nâu tŏk năm wă pơyơ̆r tơmam soi lăm Hnam Akŭm Kră Yang tơ pơlei Jêrusalem, lei jơhngơ̆m đon lu sư gô kiơ̆ pơtao lu sư Rôbôam pơtao đe Juđa,” lu sư gô pơlôch lê̆ inh, na lu sư gô brŏk tơ Rôbôam pơtao đe Juđa.

I Pot 14:21

Rôbôam kon drŏ-nglo Sôlômôn pơgơ̆r lăm dêh char Juđa; kơplah sư tŏk pơgơ̆r, sư puăn-jĭt mônh sơnăm bơih; sư pơgơ̆r mơjĭt-tơpơh sơnăm tơ Pơlei Jêrusalem, pơlei mă Kră Yang rơih đơ̆ng lăm rim adrĕch adrung Isơrael, wă 'măn Anăn Sư tơ noh. Mĕ pơtao anăn Naama bơngai Ammôn.

I Pot 8:16

‘Iŏk đơ̆ng năr Ih pơklaih lu bơngai Isơrael đơ̆ng dêh Êyiptơ, Inh ưh kơ đei rơih iŏk ôh khŭl bơngai bu đơ̆ng lăm bơngai Isơrael, pơjing pơm Hnam akŭm wă kơ anăn Inh oei lăm noh. Mă-lei Inh đei iŏk bơih Đawit wă kơ sư pơgơ̆r lu bơngai Isơrael kon pơlei Inh.’

I Pot 8:20

“Dang ei Kră Yang, pơsĭt bơih kơ đêl nơ̆r Sư pơkă. Inh tơplih kơ 'bă inh wă pơgơ̆r hơ-oei kơpal tang-dŏ pơtao wei-lăng lu bơngai Isơrael. 'Blep thoi đơ̆ng nơ̆r Kră Yang pơkă, Inh pơm keh bơih Hnam akŭm kơ anăn Kră Yang, 'Bok Kei-Dei Isơrael.

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

I Pot 8:29

Apinh măt Ih măng năr wei-lăng Hnam âu, anih mă Ih khan: Anăn Ih gô oei lăm hnam noh, wă kơ Ih mơ̆ng dôm nơ̆r lu đĭch đam Ih krao khan kơ anih 'nâu.

II Pot 18:22

Mă-lei tơdah ih khan kơ inh: “Lu nhôn gơnang kơ Kră Yang 'Bok Kei-Dei nhôn. Hăm trŏ Hesekia hlôi yuih lê̆ chơnang soi Kră Yang tơ anih kơjung păng khan kơ lu bơngai Juđa kon pơlei Jêrusalem:” Iĕm athei kơkuh kơ Kră Yang 'bơ̆t chơnang soi tơ Jêrusalem đĕch dah kiơ?

I Ho 22:1

Na Đawit khan. “'Bơ̆t âu gô pơm hnam Kră Yang 'Bok Kei-Dei; păng 'bơ̆t âu boih anih chơnang soi 'buh kơ lu bơngai Isơrael.”

II Ho 7:12

Lăm măng noh Kră Yang pơdah Sư kơ Sôlômôn păng khan: “Inh kơtơ̆ng boih nơ̆r ih krao khan păng Inh kư̆m rơih boih anih 'nâu wă pơm hnam pơyơ̆r tơmam soi kơ Inh.

Esơra 3:2

Kơplah noh, Jêsua, kon drŏ-nglo Jôsađăk păng lu 'bok soi hăm Serubabel, kon drŏ-nglo Sêathiel păng lu 'nhŏng oh sư, đĭ-đăng wang iung pơdơ̆ng chơnang soi Kră Yang 'Bok Kei-Dei đe Isơrael, wă pơyơ̆r tơmam soi 'buh tơ noh, kiơ̆ kơ đei chih lăm hla bơar khôi juăt Môis, bơngai Kră Yang 'Bok Kei-Dei.

Esơra 6:12

Apinh Kră Yang 'Bok Kei-Dei, Tơ'ngla mă pơm ăn kơ anăn Sư oei lăm hnam akŭm noh, pơrăm lê̆ pơtao ayơ, kon pơlei ayơ mă pơ̆n yơ̆r ti pơjah hăm nơ̆r đei tơjur âu wă pơrăm hnam akŭm Kră Yang 'Bok Kei-Dei tơ pơlei Jêrusalem. Inh Đarius đei chih tơjur nơ̆r tơtă âu. Athei pơm kiơ̆ nơ̆r âu mă pơ'lơ̆ng!

Esơra 7:17

Ih yua jên âu răt lu rơmo dăm, triu dăm, triu tơno kon hăm phe 'ba tơmam soi pơyơ̆r, na pơyơ̆r tơ kơpal kơ chơnang soi lăm hnam Kră Yang 'Bok Kei-Dei lu iĕm, tơ pơlei Jêrusalem.

Ne 1:9

Mă-lei tơdah lu iĕm wih brŏk tơ Inh, wei răk pơm kiơ̆ dôm tơdrong Inh tơtă, mă khan lu iĕm tơklah tơklang jrok oei tôch kơ plĕnh teh, Inh kư̆m gô krao akŭm lu sư brŏk păng inh gô chông anhăk lu sư truh tơ anih Inh mă hơmet lê̆ boih wă kơ Anăn Inh kư̆m oei tơ noh mơ̆n.

Horiso 78:68

Mă-lei sư rơih iŏk adrĕch Juđa. Păng Kông Siôn mă Sư 'mêm kơeng.

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Le 25:22

Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.

Je 26:2

Kră Yang khan: “Ih athei dơ̆ng 'bơ̆t cham hnam Kră Yang, roi tơbăt ăn kơ đĭ-đăng bơngai đơ̆ng lu pơlei Juđa năm kơkuh kơ Kră Yang tơ hnam akŭm; roi tôm nơ̆r Inh đei roi tơbăt kơ ih, ih 'nĕ kơ hŭt lê̆ minh nơ̆r ayơ.

Je 7:12

“Thoi noh, năm bĕ tơ Silô anih Inh oei sơ̆, anih mă Anăn Inh oei blŭng-a na lăng Inh đei pơm kiơ kơ sư boih yua kơ tơdrong kơnê̆ lu bơngai Isơrael Inh;

Je 7:14

Na tơdrong kiơ Inh đei pơm boih kơ pơlei Silô Inh gô pơm kơ hnam âu, hnam krao Anăn Inh, hnam mă lu iĕm gơnang Inh gô pơm lei-lăi kơ anih mă Inh đei ăn boih kơ lu iĕm păng lu 'Bok yă iĕm.

Lêwi 17:4

na ưh kơ dui ba tơ 'măng Bơsŭn Anih Akŭm, wă pơyơ̆r kơ Kră Yang 'bơ̆t anăp Bơsŭn Anih Akŭm kơkuh kơ Kră Yang, pham noh gô tuh tơpŭ tơdrong yoch kơ bơngai drŏ-nglo noh; sư 'bet tuh pham bơih; đe gô tơlĕch sư đơ̆ng kon pơlei Isơrael.

Jo 7:89

Kơplah Môis mơ̆t tơ lăm Bơsŭn Anih Akŭm wă pơma dơnuh hăm Kră Yang, na sư kơtơ̆ng nơ̆r pơma hăm sư đơ̆ng lăm Tơnglơ̆p Mơnat ăn dan kơpal Hom tơdrong Roi Tơbăt, tŏk-bŏk sơlam kơ 'bar tŏ chêrubim; Kră Yang pơma dơnuh hăm sư.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:13

Thoi noh lu iĕm athei kơchăng ưh kơ gơh pơyơ̆r tơ lu anih nai mă lu iĕm wă.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:4

Iĕm 'nĕ kơkuh kơ Kră Yang 'Bok Kei-Dei lu iĕm kiơ̆ thoi lu adrĕch noh.

Both 14:23

Lu iĕm gơh sa tơmam pơyơ̆r minh lăm mơjĭt noh lu phe 'ba, sik hơmu, đak rơmă, plei 'long ôliwơ păng lu kon gơgơ̆l rơmo kơdră dah triu 'bơ̆t anăp Kră Yang 'Bok Kei-Dei iĕm, lăm anih Sư gô rơih iŏk wă 'măn Anăn Sư wă kơ iĕm pơhrăm iŏk băt hli yom kơ Kră Yang 'Bok Kei-Dei iĕm ling-lang.

Both 14:24

Tơdah Kră Yang 'Bok Kei-Dei iĕm ăn pŭn kơ iĕm, tơdah anih mă Kră Yang rơih wă 'măn Anăn Sư ataih dêh, dĭng mah ưh kơ gơh wă năm ba tơmam pơyơ̆r minh lăm mơjĭt ei.

Both 15:20

Rim sơnăm iĕm păng hnam dơnŏ iĕm gô 'buh sa 'bơ̆t anăp Kră Yang 'Bok Kei-Dei iĕm, tơ anih mă Sư gô rơih.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 16:15

Lăm tơpơh năr iĕm athei kơkuh kơ Kră Yang 'Bok Kei-Dei păng pơm năr giĕng âu, tơ anih mă Kră Yang gô rơih; yua kơ Kră Yang 'Bok Kei-Dei iĕm gô ăn pŭn hiôk kơ iĕm lăm đĭ phĕ plei boih păng dôm tơdrong jang đơ̆ng tơpang ti pơm kơdih; lei na iĕm gô chhôk ngă 'nă hal hơdai.

Both 16:2

Tơ lăm anih mă Kră Yang gô rơih wă 'măn lê̆ Anăn Sư oei, iĕm athei iŏk triu dah rơmo, pơyơ̆r pơm Năm Brih ăn kơ Kră Yang 'Bok Kei-Dei.

Both 16:6

mă-lei athei pơyơ̆r tơ anih mă Sư gô rơih wă 'măn Anăn Sư oei tơ noh, iĕm gô pơyơ̆r sem dơrong pơm giĕng Năm Brih, gah kơsơ̆, lăp kơplah 'năr mơ̆t, kơnhăm trŏ jơ mă iĕm lĕch hlôi đơ̆ng dêh Êyiptơ.

Both 16:7

Iĕm athei pai sa 'nhĕm tơmam soi noh tơ anih mă Kră Yang 'Bok Kei-Dei gô rơih; truh pơgê dơning wih brŏk tơ bơsŭn iĕm pơdơh.

Both 17:8

Tơdah đei sek tơlang hơnat thoi pơlôch bơngai, sek tơlang tơdrong đe tơgar dih băl dah tơdrong pơm kơ đe rơka, dah đei tơdrong nai, minh tơdrong truh hơnat kơ iĕm tơpă, thoi noh lu iĕm athei chĕp ba tơdrong sek noh tơ anih mă Kră Yang 'Bok Kei-Dei iĕm gô rơih.

Both 18:6

Tơdah đei minh 'nu bơngai Lêwi wă lê̆ pơlei mă sư oei lăm lu bơngai Isơrael, wă năm tơ anih Kră Yang rơih,

Both 26:2

iĕm athei iŏk minh lăm mơjĭt đơ̆ng dôm plei blŭng-a mă đơ̆ng teh, lăm dêh mă Kră Yang 'Bok Kei-Dei iĕm ăn kơ lu iĕm, tah lăm minh pôm bai, năm ba tơ anih Kră Yang 'Bok Kei-Dei iĕm gô rơih, wă kơ 'măn anăn Sư tơ noh.

Both 31:11

Kơplah đĭ-đăng bơngai Isơrael năm kơkuh kơ Kră Yang 'Bok Kei-Dei iĕm, tơ anih mă Sư gô rơih, na lu iĕm athei đŏk ăn mă re kơ lu sư mơ̆ng khôi juăt 'nâu.

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.

Jôsuê 22:11

wă kon pơlei Isơrael kơtơ̆ng khan lu bơngai Rubên, bơngai Gat păng minh puăt adrĕch Manase, pơm chơnang soi tơ Krong Jôrđăn lăm char Kanaan lăm teh kon pơlei Isơrael gah bơmơ̆t,

Jôsuê 9:27

Đơ̆ng năr noh chă wơh ăn lu sư chă kăl 'long ŭnh, chhŏ đak kơ khŭl tơpôl păng kơ chơnang soi Kră Yang kiơ̆ kơ anih mă Kră Yang đei rơih iŏk, noh tơdrong jang kơ lu sư noh dĭng truh tơ dang ei.

Tơdrông Tơ'bôh 14:1

Klaih kơ noh inh hue lăng inh 'bôh Kon Triu dơ̆ng tơ kơpal kông Siôn, Sư dơ̆ng hơdai păng lu đe minh-hrĕng puăn-jĭt puăn-rơbâu 'nu lu bơngai mă đei chơ̆m đŏng yâu Kon Triu păng đŏng yâu 'Bă Kon Triu tơ klĕng lu sư kơdih kơdih.