Both 12:11 - Sơ̆p Hlabơar Nơ̆r 'Bok Kei-Dei

¹¹ Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:11 交叉參考

I Pot 12:27

Tơdah lu kon pơlei 'nâu tŏk năm wă pơyơ̆r tơmam soi lăm Hnam Akŭm Kră Yang tơ pơlei Jêrusalem, lei jơhngơ̆m đon lu sư gô kiơ̆ pơtao lu sư Rôbôam pơtao đe Juđa,” lu sư gô pơlôch lê̆ inh, na lu sư gô brŏk tơ Rôbôam pơtao đe Juđa.

I Pot 8:13

Dang ei inh pơm Hnam akŭm 'lơ̆ng rŏ keh bơih; anih wă kơ Ih oei ling-lang.”

I Pot 8:16

‘Iŏk đơ̆ng năr Ih pơklaih lu bơngai Isơrael đơ̆ng dêh Êyiptơ, Inh ưh kơ đei rơih iŏk ôh khŭl bơngai bu đơ̆ng lăm bơngai Isơrael, pơjing pơm Hnam akŭm wă kơ anăn Inh oei lăm noh. Mă-lei Inh đei iŏk bơih Đawit wă kơ sư pơgơ̆r lu bơngai Isơrael kon pơlei Inh.’

I Pot 8:29

Apinh măt Ih măng năr wei-lăng Hnam âu, anih mă Ih khan: Anăn Ih gô oei lăm hnam noh, wă kơ Ih mơ̆ng dôm nơ̆r lu đĭch đam Ih krao khan kơ anih 'nâu.

II Pot 18:22

Mă-lei tơdah ih khan kơ inh: “Lu nhôn gơnang kơ Kră Yang 'Bok Kei-Dei nhôn. Hăm trŏ Hesekia hlôi yuih lê̆ chơnang soi Kră Yang tơ anih kơjung păng khan kơ lu bơngai Juđa kon pơlei Jêrusalem:” Iĕm athei kơkuh kơ Kră Yang 'bơ̆t chơnang soi tơ Jêrusalem đĕch dah kiơ?

I Ho 22:1

Na Đawit khan. “'Bơ̆t âu gô pơm hnam Kră Yang 'Bok Kei-Dei; păng 'bơ̆t âu boih anih chơnang soi 'buh kơ lu bơngai Isơrael.”

II Ho 6:20

Apinh măt Ih lăng păng wei hnam âu măng păng năr, hnam âu Ih đei khan boih ih gô 'măn Anăn Ih tơ noh. Apinh Ih mơ̆ng lu đĭch đam Ih krao apinh Ih tơ gah anih âu.

II Ho 7:12

Lăm măng noh Kră Yang pơdah Sư kơ Sôlômôn păng khan: “Inh kơtơ̆ng boih nơ̆r ih krao khan păng Inh kư̆m rơih boih anih 'nâu wă pơm hnam pơyơ̆r tơmam soi kơ Inh.

Esơra 6:12

Apinh Kră Yang 'Bok Kei-Dei, Tơ'ngla mă pơm ăn kơ anăn Sư oei lăm hnam akŭm noh, pơrăm lê̆ pơtao ayơ, kon pơlei ayơ mă pơ̆n yơ̆r ti pơjah hăm nơ̆r đei tơjur âu wă pơrăm hnam akŭm Kră Yang 'Bok Kei-Dei tơ pơlei Jêrusalem. Inh Đarius đei chih tơjur nơ̆r tơtă âu. Athei pơm kiơ̆ nơ̆r âu mă pơ'lơ̆ng!

Horiso 100:2

Bơ̆jang bĕ kơ Kră Yang hăm tơdrong chơt hiôk, Năm hơri 'nă hal bĕ 'bơ̆t anăp Sư.

Horiso 116:17

Inh gô pơyơ̆r tơmam soi bơnê kơ Ih Kră Yang. Păng krao apinh hăm anăn Kră Yang.

Horiso 66:13

Inh gô iŏk tơmam soi 'buh na mơ̆t lăm hnam Ih. Pơkeh kơ nơ̆r đêl inh pơkă hăm Kră Yang.

Horiso 78:68

Mă-lei sư rơih iŏk adrĕch Juđa. Păng Kông Siôn mă Sư 'mêm kơeng.

Le 25:8

Lu sư gô pơm ăn kơ Inh minh anih kơkuh rơgoh păng Inh gô oei tŏk-bŏk lu sư.

Le 29:45

Inh gô oei hơdai hăm lu kon pơlei Isơrael, pơm Kră Yang 'Bok Kei-Dei lu sư.

Je 7:12

“Thoi noh, năm bĕ tơ Silô anih Inh oei sơ̆, anih mă Anăn Inh oei blŭng-a na lăng Inh đei pơm kiơ kơ sư boih yua kơ tơdrong kơnê̆ lu bơngai Isơrael Inh;

Lêwi 17:4

na ưh kơ dui ba tơ 'măng Bơsŭn Anih Akŭm, wă pơyơ̆r kơ Kră Yang 'bơ̆t anăp Bơsŭn Anih Akŭm kơkuh kơ Kră Yang, pham noh gô tuh tơpŭ tơdrong yoch kơ bơngai drŏ-nglo noh; sư 'bet tuh pham bơih; đe gô tơlĕch sư đơ̆ng kon pơlei Isơrael.

Both 12:13

Thoi noh lu iĕm athei kơchăng ưh kơ gơh pơyơ̆r tơ lu anih nai mă lu iĕm wă.

Both 12:14

Mă-lei lu iĕm athei pơyơ̆r tơmam soi 'buh tơ anih mă Kră Yang gô rơih minh anih đơ̆ng lăm teh đak lăm minh adrĕch, tơ anih noh lu iĕm athei pơm dôm tơdrong mă inh đei bơtho khan.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:21

Tơdah anih mă Kră Yang 'Bok Kei-Dei iĕm rơih boih wă dan Anăn Sư, ataih đơ̆ng iĕm oei, iĕm gơh 'bet sa rơmo dah triu lăm khŭl mă Kră Yang iĕm ăn kơ iĕm kư̆m thoi Inh pơkă kơ iĕm; iĕm gơh sa 'nhĕm mơ̆ng kơ wă sa lăm pơlei iĕm kơdih.

Both 12:26

Gah lu sem dơrong mă iĕm 'măn lê̆ 'lơ̆ng rơgoh wă pơyơ̆r păng kiơ̆ thoi đei pơkă boih dah wă pơsĭt đơ̆ng nơ̆r pơkă wă pơyơ̆r, na rôp anhăk ba năm tơ anih mă Kră Yang rơih boih.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Both 14:23

Lu iĕm gơh sa tơmam pơyơ̆r minh lăm mơjĭt noh lu phe 'ba, sik hơmu, đak rơmă, plei 'long ôliwơ păng lu kon gơgơ̆l rơmo kơdră dah triu 'bơ̆t anăp Kră Yang 'Bok Kei-Dei iĕm, lăm anih Sư gô rơih iŏk wă 'măn Anăn Sư wă kơ iĕm pơhrăm iŏk băt hli yom kơ Kră Yang 'Bok Kei-Dei iĕm ling-lang.

Both 15:19

Iĕm athei klah lê̆ 'lơ̆ng rơgoh ăn kơ Kră Yang 'Bok Kei-Dei iĕm dôm lu kon kơdră tơno tuh blŭng-a lăm rơmo dah triu iĕm. 'Nĕ kơ choh rơuơ ôh rơmo tơno tuh blŭng-a păng kư̆m 'nĕ kơ yuă sŏk triu tơno kơdră tuh blŭng-a.

Both 15:20

Rim sơnăm iĕm păng hnam dơnŏ iĕm gô 'buh sa 'bơ̆t anăp Kră Yang 'Bok Kei-Dei iĕm, tơ anih mă Sư gô rơih.

Both 17:8

Tơdah đei sek tơlang hơnat thoi pơlôch bơngai, sek tơlang tơdrong đe tơgar dih băl dah tơdrong pơm kơ đe rơka, dah đei tơdrong nai, minh tơdrong truh hơnat kơ iĕm tơpă, thoi noh lu iĕm athei chĕp ba tơdrong sek noh tơ anih mă Kră Yang 'Bok Kei-Dei iĕm gô rơih.

Both 18:6

Tơdah đei minh 'nu bơngai Lêwi wă lê̆ pơlei mă sư oei lăm lu bơngai Isơrael, wă năm tơ anih Kră Yang rơih,

Both 23:16

Bơngai 'noh gơh oei hơdai hăm iĕm tơ lăm anih ayơ mă bơngai 'noh rơih, lăm minh pôm pơlei ayơ bơngai 'noh sư 'maih oei; iĕm 'nĕ kơ pơjuă pơđep bơngai 'noh.

Both 26:2

iĕm athei iŏk minh lăm mơjĭt đơ̆ng dôm plei blŭng-a mă đơ̆ng teh, lăm dêh mă Kră Yang 'Bok Kei-Dei iĕm ăn kơ lu iĕm, tah lăm minh pôm bai, năm ba tơ anih Kră Yang 'Bok Kei-Dei iĕm gô rơih, wă kơ 'măn anăn Sư tơ noh.

Both 31:11

Kơplah đĭ-đăng bơngai Isơrael năm kơkuh kơ Kră Yang 'Bok Kei-Dei iĕm, tơ anih mă Sư gô rơih, na lu iĕm athei đŏk ăn mă re kơ lu sư mơ̆ng khôi juăt 'nâu.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.

Jôsuê 22:11

wă kon pơlei Isơrael kơtơ̆ng khan lu bơngai Rubên, bơngai Gat păng minh puăt adrĕch Manase, pơm chơnang soi tơ Krong Jôrđăn lăm char Kanaan lăm teh kon pơlei Isơrael gah bơmơ̆t,

Jôsuê 22:16

Đĭ-đăng tơpôl kon pơlei Kră Yang đei jet: Liơ na lu iĕm pơm glăi hăm Kră Yang 'Bok Kei-Dei Isơrael thoi noh? Yua kơ kiơ lu iĕm achăng lê̆ Kră Yang? Na pơm chơnang soi kơdih wă blah Kră Yang.

Jôsuê 22:23

Tơdah lu nhôn pơm chơnang soi kơdih wă weh đơ̆ng Kră Yang, đei pơyơ̆r tơmam soi 'buh, tơmam soi phe 'ba, pơyơ̆r tơmam soi 'blŏk bơnê hiôk-hian tơ noh, apinh Kră Yang sek tơlang kơ lu nhôn.

Jôsuê 22:27

Mă-lei chơnang soi âu boih gô pơm kơdranh tơ'bôh tŏk-bŏk lu nhôn păng 'nhŏng oh truh tơ kon sâu lu bơ̆n, lu nhôn gô kơkuh kơ Kră Yang tơ Hnam 'Lơ̆ng Rơgoh Sư. Hăm tơmam soi 'buh păng Tơmam soi 'blŏk bơnê hiôk-hian. Đơ̆ng âu tơ anăp, lu kon sâu 'nhŏng oh ưh pă pơma khan kơ lu kon sâu lu nhôn: Lu iĕm ưh kơ đei kiơ lăm Kră Yang ôh!

Jôsuê 22:29

Dang ei lu nhôn ưh kơ đei layơ ayăt kơ Kră Yang păng ưh achăng lê̆ Kră Yang, na khan pơm chơnang soi plơ̆ng pha kơ chơnang soi Kră Yang 'Bok Kei-Dei lu bơ̆n, dan 'bơ̆t anăp bơsŭn anih akŭm wă pơyơ̆r tơmam soi 'buh, tơmam soi phe 'ba păng lu tơmam soi nai.

Jôsuê 9:27

Đơ̆ng năr noh chă wơh ăn lu sư chă kăl 'long ŭnh, chhŏ đak kơ khŭl tơpôl păng kơ chơnang soi Kră Yang kiơ̆ kơ anih mă Kră Yang đei rơih iŏk, noh tơdrong jang kơ lu sư noh dĭng truh tơ dang ei.

I Sam 1:21

Êlkana păng đĭ-đăng hnam dơnŏ sư tŏk năm wă pơyơ̆r kơ Kră Yang tơmam soi lăm rim sơnăm, wă pơsĭt tơdrong sư đei pơkă bơih.