Bl 43:8 - Sơ̆p Hlabơar Nơ̆r 'Bok Kei-Dei

⁸ Juđa drơ̆ng Isơrael 'bă sư thoi âu: Apinh ih ăn oh hơdruch kiơ̆, na lu nhôn pơ̆n iung yak năm, wă kơ lu nhôn, lu kon, lu sâu, ih âu đei arih huay kơ lôch.

Bl 43:8 交叉參考

Bl 42:2

Păng khan dơ̆ng thoi âu: Inh kơtơ̆ng tơ dêh char Êyiptơ đei tĕch 'ba; lu iĕm athei jur tơ noh năm răt kơ lu bơ̆n 'ba wă kơ bơ̆n arih huay kơ lôch.

Bl 42:38

Mă-lei Jakôp tơl sư: Kon hơdruch inh ưh kơ ăn sư kiơ̆ iĕm ôh. Yua kơ 'nhŏng sư đĭ lôch hiong boih, oei lăp pă minh 'nu sư, tơdah đei tơdrong ưh kơ pŭn truh kơ sư rok trong dơ̆ng lei lu iĕm âu wă pơm ăn kơ 'bok sŏk ko âu ơh sơ'ngon blĕk wă jur tơ dêh atâu.

Bl 44:20

Nhôn đei tơl ih thoi âu: Lu nhôn oei đei 'bă kră boih păng kư̆m oei đei minh 'nu oh 'lơ̆p mă hơiơch tuch-luch ăn kơ sư. 'Nhŏng kơdră sư lôch boih, na lăm lu kon mĕ sư, oei pă minh 'nu sư boih păng 'bă nhôn kơeng kơ sư dêh.

Bl 44:26

Lu nhôn tơl sư: Ưh kơ gơh ôh; athei ăn oh hơdruch nhôn jur kiơ̆ lei gơh, tơdah ưh lei lu nhôn ưh pă gơh tơ'bơ̆p muh măt sư dơ̆ng.

Bl 45:19

Na inh kư̆m đei wă pơkă kơ ih dơ̆ng khan kơ lu sư thoi âu: Athei chĕp ba gre đơ̆ng dêh Êyiptơ wă chơ lu hơ'lơ̆p păng akăn lu sư păng kư̆m chơ ba 'bă jur oei tơ âu.

Bl 50:21

Thoi ei, 'nĕ kơ hli, inh gô 'me rong lu iĕm păng lu kon akăn iĕm. Đơ̆ng noh Jôsep pơlung lu 'nhŏng oh sư pơma iŏk nơ̆r rơngơp hăm lu 'nhŏng oh sư.

Bl 50:8

Đĭ-đăng lu hnam dơnŏ Jôsep đĭ lu 'nhŏng oh păng dôm lu bơngai lăm hnam dơnŏ 'bă sư kư̆m tŏk năm hơdai sư; lăm Gôsen oei lu hơ'lơ̆p păng lu triu, rơmo lu sư đĕch.

II Pot 7:13

Minh 'nu đĭch đam pơtao khan: “Ơ pơtao, apinh ih wơh hơdôm 'nu drŏ-nglo năm rôp pơđăm tŏ aseh mă oei oei lăm pơlei, ăn bơngai hao, năm lăng lăng tơ ei, mă ưh lu sư kư̆m wă lôch thoi bơngai Isơrael mă oei lôch och och bơih 'nâu.”

II Pot 7:4

Dah bơ̆n khan năm mơ̆t lăm pơlei, lei lăm pơlei âu đei pơngot tih, păng lu bơ̆n gô lôch rơwĕt tơ ei; mă-lei dah bơ̆n hrăn ngôi 'bơ̆t dâu kư̆m lôch mơ̆n. Bĕ bơ̆n năm tơ kơđông linh Aram. Dah lu sư mơnat ăn, lei bơ̆n arih, dah lu sư pơlôch bơ̆n, mă thoi yơ hĭ, lu bơ̆n kư̆m wă lôch kơ rơwĕt mơ̆n.”

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

Horiso 118:17

Inh pă đei lôch boih, mă-lei gơh arih. Păng gô ră roi dôm tơdrong jang Kră Yang đei pơm boih.

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Jo 14:31

Mă-lei Inh gô ăn lu kon hơ'lơ̆p iĕm gô mơ̆t oei tơ lăm char noh mă lu iĕm đei khan: Lu sư jing tơmam đe tơtông tơgar iŏk; đơ̆ng noh lu sư gô oei lăm char mă lu iĕm pơjăm.

Both 33:6

Apơi kơ Rubên oei arih ưh kơ lôch, ưh kơ tôch adrĕch. Mă khan Rubên bơngai kơtuei.a