Bl 41:51 - Sơ̆p Hlabơar Nơ̆r 'Bok Kei-Dei

⁵¹ Jôsep anăn kon mă kơdră sư Manased yua kơ khan: Kră Yang 'Bok Kei-Dei pơm ăn kơ inh đei hiơt đĭ dôm tơdrong gleh pơmat păng đĭ-đăng hnam dơnŏ 'bă inh.

Bl 41:51 交叉參考

Bl 41:30

Mă-lei đơ̆ng rŏng kơ tơpơh sơnăm sŏng sa noh gô đei tơpơh sơnăm pơngot rơwĕt, kon tơring tơrang gô hiơt kơ đei 'ba rơkah rơkai păng pơngot rơwĕt gô pơm ăn kơ jơ̆p teh đak răm rai.

Bl 41:50

Adrol kơ sơnăm pơngot rơwĕt truh, na Asơnat kon adruh Pôtiphêra, 'bok soi tơm pơlei Ôn, tơpŭ ăn kơ Jôsep 'bar 'nu kon drŏ-nglo.

Bl 41:52

Sư anăn kon mă 'bar noh Êphraime yua kơ khan: Kră Yang 'Bok Kei-Dei ăn kơ inh pŭn hiôk tih lăm dêh char mă inh pơmat-tat.

Bl 48:1

Đơ̆ng rŏng kơ tơdrong noh đei bơngai năm khan kơ Jôsep thoi âu: Dang ei 'bă ih jĭ; Jôsep chông ba 'bar 'nu kon drŏ-nglo sư, bre Manase păng Êphraim.

Bl 48:5

Dang ei, 'bar 'nu kon drŏ-nglo kon đei pơjing lăm dêh char Êyiptơ adrol kơ inh truh noh, Êphraim păng Manase, kư̆m dang hơ'lơ̆p inh thoi Rubên păng Simêôn mơ̆n.

Jop 11:16

Ih gô hiơt kơ dôm tơdrong pơmat-tat ih, ưh kơ 'blŏk kơ tơdrong 'noh thoi đak ro hlôi bơih.

Horiso 30:11

Ih tơplih boih tơdrong ơh sơ'ngon inh jing tơdrong hiôk chơt Plôh lê̆ ao sơ'ngon inh,f pơhrŭk ăn kơ inh hăm tơdrong hiôk chơt.

Horiso 30:5

Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Horiso 45:10

Ơ kon drŏ-kăng inh, mơ̆ng bĕ, tơtĭnh bĕ, pơgling đon bĕ. Hiơt bĕ kơ kon pơlei păng hnam dơnŏ 'Bă ih.

Tơdrông Pơđơk 31:7

Lê̆ lu sư et na hiơt kơ tơdrong dơnuh hoh lu sư. Huay pă wă 'blŏk tơdrong kơdih pơmat-tat.

Êsai 57:16

Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,

Êsai 65:16

Thoi noh, bơngai bu oei lăm dêh char wă sơkat tơdrong pŭn hiôk sư gô krao apinh tơdrong pŭn hiôk hăm anăn Kră Yang 'Bok Kei-Dei tơpăt; Bơngai bu oei tơ kơpal teh wă pơkă pơkăm, athei pao anăn Kră Yang 'Bok Kei-Dei tơpăt na pơkă pơkăm; Yua kơ lu tơdrong pơmat-tat adrol sơ̆ hiơt đĭ bơih, măt Inh ưh pă tăng bơih.

Jo 26:28

Lu kon drŏ-nglo Jôsep kiơ̆ kơ adrĕch adrung lu sư: Manase păng Êphraim.

Both 33:17

Rơmo tơno kơdră sư 'lơ̆ng rŏ pran kơtang. Ake sư noh ake rơmo tơno bri. Ake noh boih sư tơ̆m kon pơlei pơla. Dĭng truh tơ kon pơlei oei tôch teh đak, noh boih rơbâu hơngan 'nu bơngai Êphraim, kư̆m thoi dôm rơbâu 'nu bơngai Manase.

Jôsuê 14:4

Adrĕch adrung Jôsep klah asong kơ 'bar, adrĕch Manase păng Êphraim, lu sư ưh kơ đei asong ôh teh wă jang sa kơ lu adrĕch bơngai Lêwi, mă-lei ăn kơ lu sư teh pơm hnam, pơm pơlei oei păng lu teh tơmăn 'nhĕt jih pơlei wă kơ rong lu sem dơrong lu sư.

Jôsuê 17:1

'Nâu teh asong ăn kơ adrĕch Manase, sư jing kon kơdră Jôsep, teh kơ Makir, kon kơdră Manase păng Makir 'bă kơ Gileat, yua kơ lu sư jing linh tơblah nuih, noh na sư gơh đei char Gileat păng Basan.

I Sam 1:20

Na truh tơ Hana anăp na tơpŭ kơ minh 'nu kon drŏ-nglo. Krao anăn sư Samuel,b yua kơ sư đei khan, inh đei apinh bơih sư đơ̆ng Kră Yang.