Bl 4:10 - Sơ̆p Hlabơar Nơ̆r 'Bok Kei-Dei

¹⁰ Kră Yang jet dơ̆ng: “Ih pơm kiơ thoi noh? Inh 'bôh pham oh ih ôr đơ̆ng teh păng nơ̆r sư krao kơtơ̆ng truh tơ Inh.

Bl 4:10 交叉參考

Bl 18:20

Kră Yang khan kơ Abraham thoi âu: “Nơ̆r krao ôr kơ tơdrong Sôđôm păng Gômôrơ pơm kơnê̆ dêh tơpă.

Bl 3:13

Kră Yang 'Bok Kei-Dei jet bơngai drŏ-kăn thoi âu: “Ih pơm kiơ thoi noh?” Bơngai drŏ-kăn tơl khan: “'Bih sư pơhlŭ inh na inh sa boih.”

Bl 9:5

Sĭt tơpă, tơdah kon bơngai dah sem brem pơlôch iĕm, inh ưh kơ ăn kơ sư oei arih ôh.

II Pot 9:26

“Kră Yang khan: Tơpă năr brei Inh 'bôh bơih pham Nabôt păng pham lu kon drŏ-nglo sư: Inh gô pơm plơ̆ kơ ih tơ mir 'nâu mơ̆n. Na hor bĕ atâu sư 'nâu klơ̆m hơtat lê̆ lăm mir chŭn noh kiơ̆ thoi nơ̆r Kră Yang hlôi khan bơih.”

II Ho 28:9

Tơ noh, đei minh 'nu 'bok khan lê̆ adrol Kră Yang anăn sư Ôdet, năm sơng lu linh brŏk tơ pơlei Samari păng khan: “'Nâu yua kơ Kră Yang 'Bok Kei-Dei 'bok lu iĕm hil kơ lu bơngai Juđa, na Sư đei pơjao đe Juđa lăm ti iĕm; mă-lei lu iĕm pơlôch lu sư lăm năr iĕm hil blĕk dêh mah truh tơ plĕnh.

Jop 16:18

Ơ bơngai oei lăm teh, 'nĕ kơ 'bŭ klơ̆p lê̆ pham inh hăm teh. Rŏ kơ inh krao ôr rơngei ưh kơ đei pơgăn.

Jop 24:12

Đơ̆ng lăm pơlei đei nơ̆r bơngai wă lôch ôr tơngưih Lu bơngai rơka ôr hơpơi krao dŏng. Mă-lei Kră Yang 'Bok Kei-Dei ưh kơ jô̆ noh tơdrong yoch lu bơngai pơm kơnê̆.

Horiso 50:21

Noh boih mă tơdrong ih đei pơm. Mă-lei Inh hreh đĕch Ih tơchĕng Inh lei-lăi kơ ih, Mă-lei Inh gô chrih kơ ih, păng jô̆ hloi ih yoch 'bơ̆t anăp ih.

Horiso 72:14

Sư gô pơklaih tơdrong arih lu bơngai đe pơjuă pơđep păng đơ̆ng lu bơngai pơm kơnê̆. Păng lăng pham lu sư gĭt tơpă.

Horiso 9:12

Yua kơ Tơ'ngla iung kơting pham 'blŏk kơ lu bơngai mă pơmat-tat. Sư ưh kơ đei hiơt ôh tơdrong lu sư nhơ̆m ôr.

Horiso 9:13

Kră Yang ơi, mơnat bĕ kơ inh, Lăng bĕ tơdrong pơmat-tat đơ̆ng lu bơngai areh kơ inh, pơm kơ inh. Ơ Kră Yang mă pôk hơtŏk inh hlôi kơ 'măng jang tơdrong lôch Lăng bĕ tơdrong pơmat-tat inh, Mă đơ̆ng đe areh kơ inh

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Êsai 5:7

Pơgar hơmu Kră Yang Tih Hloh noh jơ̆ adrĕch Isơrael, păng lu bơngai Juđa noh bơih tơm 'long pơtăm mă sư lăp đon. Hơmĕng wă kơ sư 'lơ̆ng tơpăt mă tă kơ pham lĕch sĕch huŏng, hơmĕng kơ sư tơpăt hơnơ̆ng mă tă đei tơdrong ôr krao.

Jo 35:33

Lu iĕm 'nĕ kơ pơm kơnê̆ 'mê̆-'mach kơ teh iĕm wă oei; yua kơ đơ̆ng pham pơm mơgrĭ kơ teh đak; ưh kơ đei kiơ mă gơh pơm kơ teh rơgoh dơ̆ng dah đei bơngai tuh pham pơlôch đe, lăp minh tơdrong đĕch pơm mơgrĭ kơ teh, mưh ưh kơ pơlôch plơ̆ sư tuh pham lei ưh kơ gơh huai iŏk teh noh ôh.

Jang 5:3

Mă-lei Pêtrôs khan: “Ơ Anania, lơliơ yang Satan pơhlŭ ih na ih hơlĕnh kơ Yang Bơhngol 'Lơ̆ng? Ih iŏk 'măn lê̆ jên mir ih minh pah mă-lei nơ̆r ih khan ăn đĭ hloi. Mă-lei nhôn ưh kơ đei pơgŏ ih ôh yua kơ mir noh mir ih kơdih, jên noh kư̆m lei-lăi mơ̆n. Kơlih kơ kiơ ih pơm tơdrong kơnê̆ thoi noh? Mă noh kơ sĭ ih hơlĕnh kơ bơngai ôh, ih hơlĕnh kơ 'Bok Kei-Dei đĕch mă tơpă 'noh.”

Jang 5:9

Pêtrôs khan kơ sư: “Lơliơ ih hơdai wang pôm đon păng klo ih lĕ na biĕm wă pơlong Yang Bơhngol 'Lơ̆ng 'Bok Kei-Dei? To ih lăng deh, lu bơngai mă 'bŭ klo ih, lu sư 'nao wih đơ̆ng 'bŭ sư, dơ̆ng 'bơ̆t 'măng to, lu sư wă tung 'bŭ ih lei-lăi thoi klo ih mơ̆n.”

Both 21:1

Tơdah lăm teh mă Kră Yang 'Bok Kei-Dei iĕm ăn kơ lu iĕm iŏk oei, đei 'bôh minh 'nu bơngai đe pơlôch, tơ'bĭch lăm chŭn, ưh kơ băt bơngai bu pơlôch,

Hêbrơ 11:4

'Bok Abel sơ̆ yua kơ sư đei đon lui, na sư soi kơ 'Bok Kei-Dei trŏ thoi 'Bok Kei-Dei lăp đon. Gah 'nhŏng sư Kain sư soi ưh kơ trŏ ôh, na 'Bok Kei-Dei ưh kơ lăp đon kơ sư. 'Bok Abel sư đei đon lui tơpă, na 'Bok Kei-Dei jô̆ sư bơngai 'lơ̆ng. Thoi noh na 'Bok Kei-Dei lăp đon kơ tơdrong sư soi noh. 'Bok Abel lôch boih, mă-lei đe oei ư-ang sư truh dang ei yua kơ sư đei đon lui.

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.

I Sam 13:11

Samuel jet sư: Ih pơm kiơ boih? Sôl tơl: Inh 'bôh kon pơlei tơklah tơklang achăng lê̆ inh ih ưh kơ năm 'blep kơ năr ih pơkă, bơngai Philistin đĭ hơdrŭm 'bơ̆t Mikmas bơih,