21 Buăl sư ei apinh anih mă duch ei oei thoi âu: Bơngai drŏ-kăn đi ki sư ngôi 'bơ̆t trong 'măng jang pơlei Ênaim tơ yơ kih? Lu sư tơl thoi âu: Tơ âu ưh kơ đei adruh đi.
Juđa gơnang kơ buăl sư bơngai Ađulam chĕp ba bơbe kon wă năm iŏk dôm lu tơmam đêl pơkăm đơ̆ng duch ei hei; mă-lei chă duch ưh kơ 'bôh.
Buăl ei wih brŏk tơ Juđa păng khan: Inh chă sư ưh kơ tơ'bơ̆p; păng lu kon pơlei pơla khan: Tơ âu ưh kơ đei minh 'nu adruh đi ôh.
Tơ rim kơ̆l trong tih ih đei pơjing anih kơjung kơ ih, hăm lăng ưh kơ gĭt tơdrong 'lơ̆ng hơbŏ ih, tĕch mơdro akâu ih tơ noh, pơyơ̆r akâu kơ lu bơngai yak brih găn pơm kư̆ kă.
