10 Kơplah sư 'bôh Rachel, kon adruh La'ban mih sư, na sư năm hloi tơ sơlŭng tơlơ̆ tơmo mă đêl klơ̆p 'măng sơlŭng, na pơnhă hloi lu triu La'ban, mih sư.
Jakôp chŭm Rachel, sư nhơ̆m.
Na 'nâu; kơplah sư oei pơma dơnuh hăm đe noh, blư kơ Rachel truh chông lu triu 'bă sư, yua kơ sư bơngai wei triu.
Kơplah noh, đei tơpơh 'nu kon adruh 'bok soi dêh Mađian; năm tơ đak sơlŭng noh sŏ đak tuh tơ bơng wă ăn khŭl kon triu 'bă sư nhă.
Mă-lei đei lu bơngai wei triu nai truh sư pơpuh lê̆ lu adruh ei tơ nai; Môis gruih iung, sư năm dŏng lu adruh 'noh păng pơnhă ăn hloi khŭl triu ei.
