24 Klaih kơ noh sư jet dơ̆ng: 'Nâu e hăm trŏ kơ Êsâu kon kơdră inh? Jakôp tơl: Trŏ boih inh âu.
Sư ưh kơnăl yua kơ 'bar pah ti đei sŏk sop jing thoi Êsâu 'nhŏng sư. Thoi noh Isăk gô sơkat ăn tơdrong pŭn hiôk.
Isăk khan: Pôk ăn bĕ kơ 'bă 'nhĕm bri đơ̆ng kon chă lua noh, adrol kơ inh sơkat wă ăn kơ e đei tơdrong pŭn hiôk. Jakôp hơmet pôk ăn kơ 'bă sư sa, kư̆m ba sik huch dai.
Pơtao jet, “Ih đei tơdrong kiơ?” Bơngai drŏ-kăn ei tơl: “Ôi! Inh adro po, klo lôch boih.
Bơngai khan lê̆ adrol kră 'noh tơl sư khan: “Inh kư̆m dai bơngai khan lê̆ adrol lei-lăi thoi ih. Đei minh 'nu linh jang 'lơ̆ng Kră Yang khan kơ inh: ‘Ih athei chông ba sư brŏk tơ hnam ih sŏng sa, nhă đak.’ ” Mă-lei bơngai khan lê̆ adrol kră hơlĕnh kơ sư.
Tơdrong yoch ih bơtho ăn kơ 'bơ̆r ih pơma, pơm kơ ih rơih iŏk hơpiĕt lu bơngai hơlĕnh bơkuĕch.
Hơpiĕt pơma tơdrong sĭt gô oei ling-lang, Hơpiĕt pơma hơlĕnh đei hrei 'nâu đĕch.
Kră Yang areh kơ lu bơngai pơma hơlĕnh pơdăr; Mă-lei Sư lăp đon kơ lu bơngai pơma tơpăt.
Iŏk hŭt lê̆ ataih tơdrong pơma hơlĕnh đơ̆ng inh 'Nĕ ăn kơ inh dơnuh hin hnang, păng kư̆m 'nĕ ăn inh mơdrŏng; Kư̆ ăn kơ inh đei tơmam sa kăl yua tôm mah rim năr.
'Nâu tơdrong lu iĕm athei pơm: Athei pơma tơpăt dih băl, arih hiôk chơt hăm rông 'bôt, athei sek tơlang mă tơpăt hơnơ̆ng.
Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.
'Nĕ pă hơlĕnh băl, yua kơ iĕm tŭk đĭ boih dôm tơdrong so, tơdrong mă iĕm juăt kơ pơm sơ̆, athei pơm mă tơpăt dang ei.
Đawit pơm wơnh 'bơ̆t anăp lu đe noh păng thoi bơngai sem brem, Đawit chhơ̆ tơ lu 'măng păng lê̆ đak hai ro tơ sŏk kang sư.
Đawit tơl hăm 'bok soi tơm Ahimelek: Pơtao đei wơh inh minh tơdrong jang păng pơkă khan: 'Nĕ kơ roi ăn kơ bu băt gah tơdrong jang inh wơh ih pơm, kư̆m 'nĕ kơ ăn bu băt nơ̆r inh athei ih. Inh hlôi pơkă ăn boih kơ lu đĭch đam inh 'bơ̆t anih tơ'bơ̆p băl.
Rim wơ̆t Akis jet: Năr 'nâu, ih năm blah tơgar iŏk tơring ayơ? Đawit tơl: Lăm tơring gah gơal teh đak Juđa, gah gơal teh đak kon pơlei bơngai Jêrahmêel păng gah gơal teh đak kon pơlei bơngai Kênit.
